ساعدوني ...زوجي غاضب مني

[دكتورة حبيبة]

السلام عليكم من العنوان يظهر أني أغضبت زوجي ولكن العكس صحيح منذ فترة إكتشفت أنه يتكلم مع فتاة ثانية و يوهمها بأنه مطلق فواجهته بأنني أعرف بخيانته لي لأنه طفح الكيل أصبح يهينني كثيرا في رسائله لها حتى أصبحت هي تتعاطف معي و هو لم يستحي المهم ثار علي كالمجنون وقال لي لماذا تبحثين في تلفوني و خاصمني فهو الأن لا يكلمني كرااااااامتي أحس أنه تحت الصفر

[Boulebda]

الله يعدل الاحوال انشاء الله ويهديه

[حـبـيـبو عـبـدو السوفي]

لا حول ولا قوة الا بالله الله المستعان لن افتي ول اتكلم كثيراا ...

سلمي امرك لله واهدري معاه بكل تسامح وقلب كبير ومترفعيش صوتك عليه .. واذا حاب يتزوج شوفي واش يقلك عقلك وديره .. على خاطر ضرك ماشي راح نحدثك بالدين على خاطر الدين راه معاه 90 /100 من حقه

اذا كان هو ناس طيب ويصلي وباغي يتزوج حرام عليك تمنعيه او تنفصلي عليه من حقه ..

الصحابة الكثير منهم تزوج 3 و 4 .....

اما غلطة التجسس الي درتيها اطلبي منه اسماح ومن باعد تفاهمو في قصة الفتاة ..

الله المستعان

[دكتورة حبيبة]

المشاركة الأصلية كتبت بواسطة boulebda

الله يعدل الاحوال انشاء الله ويهديه

حبيت نروح لدارنا مرانيش قادرة نزيد نسكت حقرني بزاف كي شافني ساكتتلو وضرك راه مشنف على كلي مادار والو و أنا الظالمة

[أثيلة]

استغفر الله ماكنتش راح نرد ابدا ابدا ولكن اغضبي رد
من حق كل زوجة ان تمسك هاتف زوجها مثل مامن حقه ان يمسك هاتف زوجته و مش انتيا الغالطة بالعكس انتيا لي تزعفي مني و مانهدريش معاه و انتي لي تخليه يترجاك تسمحيلو واش هذا رجال هبلو... لوكان نيتو التعدد مايقولش لبنت الناس راني مطلق هذا راه مريض في عقلو و حاب يتمسخر ببنات ناس
ازعفي منو و زيدي حاسبيه من حقك و اذا زعف اكثر ولا هو لي تنارفا جيبي رجال العائلة يتفاهمو معاه ياخي عقلية ياخي الامور هادو رجعو بقلقوني بزاف استغفر الله العظيم من كل شر و اتوب اليه

[دكتورة حبيبة]

المشاركة الأصلية كتبت بواسطة حـبـيـبو عـبـدو السوفي

لا حول ولا قوة الا بالله الله المستعان لن افتي ول اتكلم كثيراا ...

سلمي امرك لله واهدري معاه بكل تسامح وقلب كبير ومترفعيش صوتك عليه .. واذا حاب يتزوج شوفي واش يقلك عقلك وديره .. على خاطر ضرك ماشي راح نحدثك بالدين على خاطر الدين راه معاه 90 /100 من حقه

اذا كان هو ناس طيب ويصلي وباغي يتزوج حرام عليك تمنعيه او تنفصلي عليه من حقه ..

الصحابة الكثير منهم تزوج 3 و 4 .....

اما غلطة التجسس الي درتيها اطلبي منه اسماح ومن باعد تفاهمو في قصة الفتاة ..

الله المستعان

يلريت يتزوج ياريت يلقى لي ترفد معايا هبالو راجلي يحب يهدر في تليفون مشي تع زواج يحب يحس روحو مزال مراهق و محبوب منطرف البنات أنا منيش ضد التعدد هو مشي قادر يعدد إذا يصرف على الهدرة فالهاتف و ثم تحبس

[ايمان4]

الله يصلح الاحوال .... دركا حنا واش ماشيين نديرولك ا اختي ... ما عدنا غير ندعيولك ربي دركا كترو عديمي المسؤولية

[دكتورة حبيبة]

المشاركة الأصلية كتبت بواسطة أثيــلة

استغفر الله ماكنتش راح نرد ابدا ابدا ولكن اغضبي رد
من حق كل زوجة ان تمسك هاتف زوجها مثل مامن حقه ان يمسك هاتف زوجته و مش انتيا الغالطة بالعكس انتيا لي تزعفي مني و مانهدريش معاه و انتي لي تخليه يترجاك تسمحيلو واش هذا رجال هبلو... لوكان نيتو التعدد مايقولش لبنت الناس راني مطلق هذا راه مريض في عقلو و حاب يتمسخر ببنات ناس
ازعفي منو و زيدي حاسبيه من حقك و اذا زعف اكثر ولا هو لي تنارفا جيبي رجال العائلة يتفاهمو معاه ياخي عقلية ياخي الامور هادو رجعو بقلقوني بزاف استغفر الله العظيم من كل شر و اتوب اليه

متتقلقيش يا برنسيسة و متديش نظرة مشي مليحة على الزواج و الرجال عامة ربي خلق و فرق لي غاضتني يهدر على كلام هابط و الطفلة لي يهدر معاها تقولو حرام عليك هذي طليقتك متغتابهاش ...ههه و أنا عايش معاه وغابني فالدار الشمس منشوفهاش و يظل مشنف علي بلا سبة و كي يلحق اليل يهدر مع لبنات كل أنواع الكلام المعسول

[kacimo.samy]

ربي يصلح احوال
ولكن تجسس هو سبب
كون خليتها على ربي
اوو تجسس يفضح صوالح لقلب ما يحبهمش انا هكذا
بعض امور اضع نفسي جاهل باه ما نخسرش واحد نحبو

ومن حقك تحكمي هاتفه وامبعد
بصح هاتف زوجك ليس بتجسس يخي صح ههه
او هو خلاط ونتي ديري حل هو لي يحشم على روحو

ضربي وبكى ..سبقني واشتكى هكذا راها

[أثيلة]

ايييه اسمحيلي مي لي تقلقني انو الشباب هنا فالمنتدى يحبو يذلو المرأة ومهما يصرا يرجعوها هي الغالطة استغفر الله مانحبش ندخل روحي في مناوشات و مانخبش نرد الا لهذا السبب لكن بلغ السبل الزبى والله بزاف
اختي راني صح مش متزوجة لكن ننصحك لوجه الله ماتسكتيلوش غير الديوث او الديوثة لي يسكتوا على الخيانة ولو كانت بالهاتف برك لازم تواجهيه وتخاولي توصلي معاه لحل واشرطي يبدل رقمو او يغلق حساباتو يدير بورطابل سامبل المهم لقايلو حل ماتخليهش هكذا واخد راحتو واش يخصك انتي غلى بنات الناس باش يتشنف عليك هادي وحدة ماتقبلها جابك معززة مكرمة من دار باباك باش يحترمك مش يقلل من قيمتك بالطريقة هادي ولازم تزيدي تزعفي منو و حتى تقاطعيه لو ماخبش بالحسنى جيبيلو رجال يتفاهمو معاه ماتخليهش يتمادى فتصرفاتو

[kacimo.samy]

المشاركة الأصلية كتبت بواسطة ايمان4

الله يصلح الاحوال .... دركا حنا واش ماشيين نديرولك ا اختي ... ما عدنا غير ندعيولك ربي دركا كترو عديمي المسؤولية

يا بنت ناس

ونسا كاش ما خلاو ؟؟؟

كي رجال كي نسا رهم عفسو عليها

ربي يجيب الخير

[صمت الرجوله]

الله يحسن العون اختي...انا مانقولكش طلقي لكن يروح يرنك راجلك خائن و مريض و من المفروض انت تزعفي موش هو و من حقك تراقبي هاتفو و لي يقولو ماتجسيس عليه راه غالط....لي في كرشو التبن يخاف من النار

[أثيلة]

اخي قاسيمو كاين فرق بين التجسس وبين البحث في هاتف او حساب الزوج هذا راه خق من حقوقها كيما هو يحب يعرف واش راهي تدير هي تاني كيفو

[أثيلة]

المشاركة الأصلية كتبت بواسطة صمت الرجوله

الله يحسن العون اختي...انا مانقولكش طلقي لكن يروح يرنك راجلك خائن و مريض و من المفروض انت تزعفي موش هو و من حقك تراقبي هاتفو و لي يقولو ماتجسيس عليه راه غالط....لي في كرشو التبن يخاف من النار

يعطيك الصحة و نستعرف بيك خيو... مش من عاداتي نتكلم بالعامية ولكن للضرورة تحدثت بيها... انت صح تحكي الحق ومش بشرط راحل يوقف مع الراجل كل واحد لازم يحكي الحق وماناش هنا لنتماهر بكماليات الاخلاق هنا للتناقش و الاخت طلبت حل و راه هو لغالط

[دكتورة حبيبة]

المشاركة الأصلية كتبت بواسطة kacimo.samy

ربي يصلح احوال
ولكن تجسس هو سبب
كون خليتها على ربي
اوو تجسس يفضح صوالح لقلب ما يحبهمش انا هكذا
بعض امور اضع نفسي جاهل باه ما نخسرش واحد نحبو

والله كنت أنتظر ردك يا أخي أنا وين كرامتي تقولي التجسس راني عايش معيشة ضنك معاه كيفاش منتجسسش ياو والله والله ما يخزر في وجهي والله ما يبرونشي كي نكون نهدر معاه و دايمن سارح في موند وحداخر أنا دايرني للغسيل و التحداد و نمسح الصباط و الضحكة ميضحكهاش في وجهي و كي نهدر يسكتني و يقولي مشي مليح تهدري بزاف و كي تلحق 9.30 يخرج من الدار باش يحكي فالتليفون و أنا نقعد مع الحيوط