معقودة من مطبخي

ladymillion · 2013-05-14, 22:35

بسم الله الرحمن الرحيم

أهلا أخواتي أنشاء الله تكونو لابأس اليوم رجعت بعد غياب عن المنتدى وجبتلكم طبق المعقودة مع الجلبانة مع أنا كرهت الجلبانة بالصلصة البيضاء على هاذي قلت نبدل شوي ونديرها مع المعقودة محشية طبق لذيييييييذ ونتمنى تجربوه

1/ جيبي 3 حبات بطاطا كبار أغسليهم مليييح وقطعيهم قطع شوي صغيرة وغليها في الماء + ملعقة صغيرة ملح مع 2 بيضات كيما في الصورة

2/ بالنسبة لصوص الجلبانة
7 فصوص ثوم + ملعقة ص ملح + م ص فلفل أسود+ م ص مودارد 2 م ص عصير ليمون هاذو نهرسهم بالمهراس ملييح كيما في الصورة

3/ نحط في الكوكوط ملعقة كبيرة مارغارين ونحط عليها خليط الثوم مع تحريكها مرتين

الان حطي 500 غ جلبانة وزيدي شوي ماء قيس ما تتغطى الجلبانة كيما في الصورة وخليها كي تبدأ تغلي شوي أغلقي الكوكوط لنصف ساعة يعني كي طيب الجلبانة

بعد ما طيب أضيفي حبة طماطم متوسطة مرحية مع شوي هريسة أذا تحبي الحار + م ك طماطم مصبرة
واذا حبيتي تضيفي لحم مفروم ديري شوي أنا مكترتش مع شوي ملح وكمون وديريهم كويرات وحطيهم مع الطماطم يطيبو نصف ساعة

الآن بعدما طيب البطاطا قشريها وامعسيها ملييح حتى تولي ملساء وضيفيلها م ص ملح+ م ص فلفل أسود + بيض باش تتلم البطاطا ومعدنوس اذا تحبي وخلطيها
وللحشوة 2 بيضات مغليين ومبروشين + 2 مثلثات فرماج + زيتون مقطع قطع صغار

نأخذ كمية من البطاطا ونحط في وسطها الحشو ونغلقها باحكام ونعملها صبيعات كيما في الصورة

نوجد بيضة مخفوقة بالشوكة مع شوي ملح + فرينة + شابلور

ناخذ كل حبة نمررها في الفرينة والبيض والشابلير وكي نخلصو كامل الحبات نحطوهم في الثلاجة لنصف ساعة تقريبا وكي نخرجهم نقليهم مايتولوش في القلي لأن كلش طايب

في الاخير تكون الجلبانة جاهزة والمعقودة جاهزة الآن نجهزو الطبق

انشاء الله تكون عجبتكم

oum anas 69 · 2013-05-15, 00:00

ما شاء الله أختي طبق يشهي و أعجبني طبخك كثيرا يعطيك الصحة خاصة هذاك الفلوس لي راه يطل هههههههههههه

islam1aya · 2013-05-15, 00:08

شكرا لك اختي اتشهي

la princesse · 2013-05-15, 01:29

يعطيك الصحة حنونة

ام اسماعيل2009 · 2013-05-15, 04:31

عند ما نقول أختي بصح راك دائماً 444444444طبق يشتهي

ladymillion · 2013-05-15, 14:16

يعطيكم الصحة وبارك الله فيكم

دعاءياسين · 2013-05-15, 18:30

الله يعطيك الصحة روعة

فايزة44 · 2013-09-30, 12:26

شكررررررررررررررا حبيبتي الغالية ديما متعباتك والله راني جربتها عدة مرات والله اقتصادية والذوق راقي ما عندي ما نقول بوركت حبيبتي وحقق الله امانيييييك

حياتي نبع امل · 2013-09-30, 12:36

امممممممم هايلة يعطيك الصحة خااااااااصة الفلوس هداك يهبل

منى 22 · 2013-09-30, 12:43

واش هده غيبة طويلة حبيبتي

يعطيك الصحة اعطينا اطباق تاع العيد مثل شواء واللحم محمر كاش اطباق تعرفيها

أم إناس · 2013-09-30, 12:58

ماشاء الله أختي جميله وبينا بنينا شكرًا

ladymillion · 2013-09-30, 13:51

اقتباس:

المشاركة الأصلية كتبت بواسطة منى 22

واش هده غيبة طويلة حبيبتي

يعطيك الصحة اعطينا اطباق تاع العيد مثل شواء واللحم محمر كاش اطباق تعرفيها

لا هذاموضوع شوي قديم يعني مشكورة حبيبتي والله اطباق الشواء مانعرفش كشما نعرف اكيد نفيدكم لان حتى انا رانني نستفيد من الاخوات لي حطو مواضيع على البوزلوف واللحم المحمر وما شابه

اقتباس:

المشاركة الأصلية كتبت بواسطة أم إناس

ماشاء الله أختي جميله وبينا بنينا شكرًا

بارك الله فيك

اقتباس:

المشاركة الأصلية كتبت بواسطة حيهتى كلها امل

امممممممم هايلة يعطيك الصحة خااااااااصة الفلوس هداك يهبل

ههههههههه الفلوس ليك هدية
شكرااااااا

اقتباس:

المشاركة الأصلية كتبت بواسطة فايزة44

شكررررررررررررررا حبيبتي الغالية ديما متعباتك والله راني جربتها عدة مرات والله اقتصادية والذوق راقي ما عندي ما نقول بوركت حبيبتي وحقق الله امانيييييك

الف شكر على الثقة فيوزة تفرحيني ديما هههههههه بارك الله فيك

خربشة ناعمة · 2013-09-30, 20:31

طبق خفيف و عجبني بزاف
و المعقودة موالفة نعملها خبيزات
جامي عملتها محشية
راني نجربها انشاءالله عن قر يب
يعطيك الصحة اختي على المجهوذ و التعب

anaris · 2013-10-01, 14:29

متالقة كعادتك باين بلي بنين لاحظت انو في طيابك ديما تزيدي الطماطم في الاخير واش هوا السر وتاني حبيت نسقسيك الثوم لدرتيه في الدرسة غليتيه ولا شويتيه وشكرا

صابرة2013 · 2013-10-01, 14:40

يعطيك الصحة أختي هايلة