الى حبيبتي اسمهان

هند11 · 2015-06-13, 19:02

كيف الصحة اسمهان بارب تكوني بخير حبيت نشكرك بزاف لانك راكي جاوبي في رسائل تاعي شكراااا راني جربت لهريسة لحميس شربة اممممم روعة حبيت تعطيني طريقة تاعك في شربة المرمز زوجي موت عليها في رمضان منعرفش طيبهاو لسان عصفور وشربة فرميسال جيوني مثل العجينة منعرفش الكيل تاعهم وطاجين الزيتون تاعك اعطيهملي قبل رمضان لاقدرتي خاصة شربة المرمز يارب منكون ازعجتك و رمضان كريم

om kamilia · 2015-06-13, 20:56

عزيزتي هند تاكدي غير تدخل اسمهان وتشوف طلبك على العين و الراس
راهي فنانة ماشاء الله و رب يعطيها واش متمنية على حساب قلبها الطيب

هند11 · 2015-06-13, 23:16

نطلبهاربي يحفضك انتي هي راني نستنا فيها هي دائما متبخلني اي حاجة وشكرا

هند11 · 2015-06-14, 12:58

وين راكي اختي اسمهان طولتي

اغادير · 2015-06-14, 13:12

اسمهان أشبه بالمصباح السحري لتلبية الاماني

اسمهان79 · 2015-06-14, 19:07

تحياتي حبيبتي هند مين شفتك طليت ما تلوموش عليا والله راني مع الدار والشغل اللي ما يخلاصش ربي يعيني ويعين جميع الأمهات
شوفي حبيبتي شربة المرمز هي نفس طريقة شربة الفريك وراني حطيت موضوع على الشربة فقط ما تعمليش لفريك اعملي المرمز لكن نصيحة حبيبتي المرمز وحدو يجي ثقيل شوية وكل واحد والذوق نتاعو
اما لسان العصفور او شربة الفارميسال شوفي نفس طريقة شربة فريك في كلش ولسان العصفور ما تكثريش انا نعمل قيس ست أشخاص نلوح كاس مليان مليح وشوية سواء لسان العصفور او شربة الفارميسال ويخليهم يغليو مع التحريك مرة على مرة مدة نصف ساعة لأنهم بالخف يطيبو وكي طفي خلي فيهم المرق يعني مالازمش تخليها تثقال. لانو كي تغطي عليها ما بين لا ساربيتي تكون شربة شوية المرق كيفها كيف العيش او البركوكس فقط هكذا ماجيكش معجنة وتجي كيما يحب الخاطر مع عود نعناع امممممممم نديرها ونحطلك الصور ان شاء الله
واكيد في هاذ اليومين نحطلكم اطباق جديدة ومعليش نزيدلك معاهم الزيتون الا كتب ربي وعلى طريقتي

هند11 · 2015-06-15, 08:07

شكراااااااااا ربي خليك للمنتدى