القريوش بدل اللوك

[ام نوردين]

حبيت نحط هاد النوع من القريوش ولا المقرقشات المهم راهم نفس لافامى ممكن تكونو شايفينو من قبل انا شخصيا شفتو فى منتدى اخر المهم
المقادير / 4كيلات فرينة
كيلة سمن دايبة وباردة
بيضة رشة ملح
كيس لوفير انا حطيت غير النص لان الكيلة درتها صغيرة
ماء وماء الزهر للم العجينة
نحضر العجينة عادى ولازم تكون شوية يابسة يعنى حاكمة روحها باش تقدرى تتحكمى فيها تليها ترتاح مدة من الزمن تحليها في المشينة والحلة الاخيرة تكون فى الرقم ماقبل الاخير لان كل ماشينة وكيفاه الارقام لانو كاين مشينة الرقم الاخير تاعها تلقاه 9 وكاين ال7 وكاين ال1 المهم تحليها عادى وتطبعي بطابع دائري واحد كبير والاخر يكون اقل منو وفي كل حبة نحتاجو ثلاثة كبار وواحدة صغيرة نحط فوق بعضاهم اي 3كبار و1 صغيرة بدهن الوسط فقط ببياض البيض اى ندهن غير المركز ماتخرجيش للحواشى ثم نظغط على الزوايا الاربعة


هادا الشكل الاول
وهادا الشكل الثانى غيرت الطابع ولصقت غير زوج كبار و وحدة صغيرة ببيلض البيض طبعا وثقبت في الوسط كيما الصابل وخليتهم كيما راهم وقليتهم


طبعا نقلي في زيت غزير والحرارة متوسطة باش يتقلاو مليح في الوسط
وعسليهم بالعسل وحدو بلاماتزيدو ماء الزهر باش ماتجيش طرية وذرذرى الجلجلان
هادا الشكل الاول كي طاب
وهادا الشكل الثانى

[/
:] علبالى راكم تقولو دوكة هادى البواطة واش دخلها في لافار هادى عفسة درتها باش نرش الفرينة جبتها وثقبتها من فوق ونرش بها الفرينة قلت بلاك تستفادو منها المهم كانش اخطاء درتهم فوتوهم النو هادا الموضوع الاول ليا فيهاد القسم وانشالله نكون وفقت فى الشرح وكانش استفسار قولو انشالله تعجبكم وماتكونش متكررة

[miri_27]

بارك الله فيك فنانــــــــــــــــــــــــة تسلم الأيادي أختي

[aphrodite16]

امممممم عجبني الشكل الاول هاايل
والتاني راني شايفاتو و كلما نقول نشري الطوابع تاعو ننسى
يعطيييك الصحة ام نور الدين بارك الله فييك

[ادرارية]

يعطيك الصحة هايل بدل اللوك يحبوك

[الأمنيات]

يعطيك الصحة تبارك الله خرج ورده فووووووووووووور

[رزان.]

امممممممممم
هايل يعطيك الصحة

[Aya69]

يعطيييك الصحة ام نور الدين بارك الله فييك
شكل جديد روووووعة

[tong2]

رووووووووووووووعـــة يعـــــــطيــــك الصــــحة

[wafwaf8471]

hayile baraka allaho fik okhti nchalah njaribha w nrodlik likhbare

[مريم الاميرة]

يعطيك الصحة ام نور الدين خرجتلك القريوش تهبببببببببببل الله يبارك عجبني الشكل الاول بزااااااااف راني سرقت الفكرة هههههههه

[أم أحمد عبد الصمد]

ما شاء الله ، الله يعطيكك الصحة ، خرجولك روعة

[ام محمد78]

يعطيك الصحة

[ام نوردين]

الله يسلمكم كامل ويبارك فيكم كل وحدة حطت رد ويعطيكم الصحة على التشجيعات شكرااااااااااااااااااااااااااااااااا حبيباتى
ايقونات الشكر خلصولى

[R I A D]

يعطيك الصحة ام نور الدين شكلو يهبببببل

[lamia zina]

خرجلك قريوش و عليه الكلام .مشكورة على الوصفة