انا حائرة ....

مشكلتي · 2014-03-08, 11:36

السلام عليكم ورحمة الله تعالى وبركاته
اما بعد اخواني اخواتي بعد ان بحثت كثيرا لم اجد مكانا
لطلب المساعدة الا هنا وانا على يقين تماما انكم لن تبخلوا علي
انا طالبة 2 ثانوي عندي زميل قريت معاه 9 سنين
وهو جاري ونحطو في مقام خويا وهو ثاني كل وين تصرالو حاجة يجي يحكيلي
ويطلب المساعدة تاعي وانا مانبخلش عليه
المشكلة تاعي تكمن فيه هو عو باباه مكرهلو حياتو
دائما يعيط عليه يسبو يشتمو بسبة ولا بلا سبة
وهو ربي شاهد بلي ناس ملاح وهو المخير في دارهم
ملي كان صغير وهو يتعذب هك من باباه حتى ماكبر وكره
فقد ايمانو بربي خلاص عاد كاره حياتو كل وين تصرا معاه مشكلة ويخمم ينتحر
كي ننصحو ونقلو بلي ربي عندو حكمة ويسب ربي ويقلي لوكان ربي
جاء يشتيني مايديرلي هك وراو غايضني
انا والله عييت كيفاه ننصحو وانا حابة نعاونو علاخاطر المشاكل تاعو يحكيهم غير ليا انا
ومالقيتش كيفاه
ساااعدوني كيفاه راح ندير معاه والله غير يغيضني قدقد ويشفني كي تصرالو هك
وانا مانقدرش نخليه وحدو علاخاطر هو اكثر من اخ ليا راني خايفة كاشما يدير بروحو

dilaboni · 2014-03-09, 23:55

الله يهديك ياأختاه
حتى ولو كان من اقاربك لاتسمح لكي الشريعة بما تقومين
الله يهديك الله يهديك

اسعى لرضى الله · 2014-03-10, 01:11

يا ختي حاولي تعطيه اشرطة دينية فيها محاضرات لمشايخ معروفين بالاك يهديه ربي ويتوب

بصمة قلم · 2014-03-10, 08:26

غير خليه ايتها الاخت وكي يغيضك ادعيلو بظهر الغيب
أما وأن يسرد لك قصة حياته فلا، هو اجنبي عنك ولا تجوز لك مخالطته
وفي ديننا يوجد فقط اخ سواء كان من النسب او من الرضاعة
اما شبه اخ فهذا مصطلح بعيد كل البعد عن ديننا، بل هو من مداخل الشيطان ويجر الى فتن كبيرة
اليوم هو مثل اخيكوغدا قد يزينه الشيطان في عينك او العكس بالنسبة له وتبدأ الكوارث

naamane3 · 2014-03-10, 10:18

علميه الدعاء وكثرة الاستغفار
واعلمي انك علاقتك به غير شرعية

عبد الرحيم · 2014-03-10, 15:12

ما يحدث بينكما حراااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااااااام

*أم جابر* · 2014-03-10, 16:19

الله يهديك لا توجد علاقة اخوة بين غير الاخوة ابتعدي عنه واتقي الله و اعلمي انك بهذا لست تسعين الى الخير و انما تتبعي خطوات الشيطان

سَـآجدة · 2014-03-10, 22:25

السلام عليكم ورحمة الله وبركاته
والله يا أختي .. انت وقعت فيما يغضب ربك ..
فلا تحسبي أنك بنصحه ستثابين ..فعلاقتكما غير شرعية ..
وبما أنك قلت أنه لا يخبر مشاكله لاحد غيرك ..فمعناه انه يختلي بك .. فهذا حراااااام ولا نقاش فيه
فقبل ان تنصحيه اتجهي لتغيير نفسك وطباعك أولا
أما هو فادعي له بالهداية ولكن تجنبي التفكير فيه ...
ولي سؤال بالمناسبة ..
إذا رآك والدك معه أو فلنقل أخاك ... فهل سيرضى ؟؟
وإذا علم ابوك أن اسراره يفشيها لك .. فماذا سيقول لك ؟؟
الحلال بين والحرام بين فلا تخلطي بين هذا وذاك
حتى وإن كانت نيتك صافية ...ربما ...
(مع أنه لاصفاء في مثل هذه الأشياء)
فتأكدي أنك ستتغيرين شيئا فشيئا ..وستتعلقين بعدها بالأوهام ..
فاتركي عنك ما يؤذيك فأنت أولى منه
بوركت

فارس وجواد · 2014-03-10, 22:55

أعطيك معلومة بسيطة يا أخيتي ... لا أخ لك غير أخوك من أبيك و أمك .... أما غير ذلك فيسمى أجنبي و ليس أخي.
خليه وحدو و الأيام كفيلة بصقله و رب ضارة نافعة .

نورالهدى بيولوجيست · 2014-03-13, 15:39

مشاكلو حاجة ماتخصكش

نتي الزمي حدك و ماكاش منها حكاية دايراتو خويا خوك راه في داركم

ربي يهديك

محمد جديدي التبسي · 2014-03-13, 18:25

يا ليت والده كان في مكان والدك وورالك العين الحمرة ووعاك لهاذي الدنيا حينها ما تقوليش لابن الجيران خويا؟!
أنت بحاجة للنصيحة أكثر منه وهو إنسان عاقل يعرف الحلال والحرام ويتجرأ على السب يا سبحان الله يستاهل أكثر من الضرب من والده
ادعيلوا بالهداية وابتعدي عن الكلام مع الذكور أصلا فهم يخدعونكم ويستغلون عواطفكم حتى ينالوا مرادهم .. ربي يهديهم ويهديك..

حضنية28 · 2014-03-13, 19:41

يا اختي هذي حاجة متخصكش اخطيك منو
ومكانش منها هذي خويا خوك اللي من لحمك ودمك اما الباقي فهو محرم عليك
وزيد مهما يكن هذاك راه باباه
ننصحك ابتعدي عنه واذا اردت تساعديه ادعيلو في صلاتك هذا هو السبيل الوحيد للمساعدة