ما عرفتش الكيل الصحيح

[lina23]

حابة نطيب مقرود الكوشة بصح تخلطتلي الكيلات كاين وصفة فيها 3 كيلات سميد بكيلة دهان والاخرى 3 سميد ب 2.5 دهان والله راني حايرة وزيد مانحبش المقرود لمبسس بزاف يتفتت وحده الله يرزقها ما تتمنى تقولي الكيل المجرب و صحيح

[أم محمد تاج]

اختي انا المقروض ندير 3 كيلات بكيلة ايدام واذا ماتحبيهش مبسس بزاف ديري بزوج كيلات ونص ونصيحتي اذا راح ديري مقروض غير للدار ديري زوج كيلات ونص بصح اذا عندك مناسبة فلازم تبسسيه مليح
بالتوفيق حنووونة

[sabrina206]

[center]أختي عموما حنا نديرو 3 كيلات سميد ب 1 كيلة ليدام[center]
إذا حاباتو ماشي مبسس أضفي ل كمية السميد (3كيلات) نصف كيلة فرينة راهي تشرب ليدام و نقصي من عبار تاع ليدام و ديري 3/4 الكيلة فقط
و إذا حاباتو ماشي مرمل خلطي بين سميد متوسط و رطب
بصح الأكيد هو بنة المقروط في التبساس و كي يكون مرمل الله الله بصح كل واحد و ذوقه عزيزتي
ربي يوفقك و بصحتك مسبقاً أختي

[sama nano]

اأنا نديرو 3كيلات سميد بكيلة سمن إيجي هايل و كاين مقروط إيجي 2كيلات سميد مع كيلة فرينة ونزيدلها كيلة سمن الصراحة إيجي روووعة أنا شخصيا ما جربتوش بصح ذقتو هايل

[أم عبد الله السلفية]

السلام عليكم

أنا ندير 3 كيلات سميد مع كيلة فرينة مع كيلة سمن و نديرلو شوي خميرة القاطو يجي هايل

و اسمحيلنا كثرنا عليك التدبار ربي يوفقك

و ما تنسيش كي طيبي مقروظك وريهولنا

و شكرا