ّّ طفح الكيل .. وبلغ السيل الزبا .. ولم يبق في قوس الصبر منزع ّّّ - الصفحة 3

yesican · 2012-08-01, 21:24

لمادا تضعون اصحاب معدل 16 مع اصحاب معدل 10؟؟؟؟؟؟؟؟؟ ماراهمش في نفس الكفة كاين فرق كبيييييييييررررررررررررررر

سطايفية بكل فخر · 2012-08-01, 21:26

اقتباس:

المشاركة الأصلية كتبت بواسطة yesican

لمادا تضعون اصحاب معدل 16 مع اصحاب معدل 10؟؟؟؟؟؟؟؟؟ ماراهمش في نفس الكفة كاين فرق كبيييييييييررررررررررررررر

واش هو الفرق سميعنا رايك
+
اقرا يوافهمي الموضوع ومن بعد ردي

.صفاء. · 2012-08-01, 21:39

صحا

فطروكم
ناسنا

اختي كاينة نقطة مهمة حبيت نقولك عليها و ياليتك تعدلي موضوعك و تكتبيها فيه

النقطة المهمة هي احتقار التخصصات فمثلا نجد طالب وجه لتخصص لا يريده لكنه لا يكتفي بهذا بل يسب التخصص و لا يرى من الوردة سوى شوكها فيؤذي بهذا مشاعر من حوله

اقول لهذا الشخص تخيل انك كنت تقوم بعمل ما ثم رآك ابوك او امك او صديق قريب منك فقال لك ان عملك هذا غير مجدي و اخذ يشتمه و لا يأبه حتى لردك ...........ماذا تشعر حينها .............لنبدل المثال : معظم الطلبة يسعون لللدراسة لاتخاذ منصب فتخيل مثلا انك وظفت في شركة و كنت منهمكا في عملك فمر عليك صديق لك بمقر عملك و اخذ يستهزئ بنوعية عملك و يقول ان عملك سهل او انك لا تستحق مثل هذا العمل......ماذا ستشعر حينها ؟؟ ...........نفس الشيئ بالنسبة للطالب حينما تمس تخصصه بسوء فإنه يشعر بحزن عميق و يصبح يحتقرك فتكون ثقيلا عليه و لو لم تشعر انت بأنك اسأت اليه

ارجو التفهم فكلامي من صميم التجربة

سطايفية بكل فخر · 2012-08-01, 21:44

حسن ساصيفه بعد قليل

سطايفية بكل فخر · 2012-08-01, 21:53

تمت الاضافة شكرا ليك ولهتيني لنقطة مهمة نسيتها

.صفاء. · 2012-08-01, 22:09

اقتباس:

المشاركة الأصلية كتبت بواسطة سطايفية بكل فخر

تمت الاضافة شكرا ليك ولهتيني لنقطة مهمة نسيتها

بارك الله فيك اختي اشكرك على الالتفاتة الطيبة و الاستجابة القوية و الرد الحازم شكرا جزيلا ... عسى ان يكون في هذا الكلام عبرة و توجيها للتخلص من التكبر الذي تغلغل فينا منذ الصغر ودخل عنا من حيث لا ندري و ها نحن نمحوه من صميم قلوبنا بإذنه سبحانه و تعالى

سطايفية بكل فخر · 2012-08-01, 22:12

العفو كلمة الحق لازم تقال
+
اللهم امين نشاء اله يهدينا ويخلينا اخوة مهما تعددت التخصصات وما تعدد التخصصات الا سلسة تخدم بعضها البعض

yesican · 2012-08-02, 21:56

يعني راكي تدافعي على صحاب 10 و تقولي بلي راهم كما صحاب 16 او غيرها .........و ماعليش ادا وضعوهم في نفس التخصص .......لا....لا.......لا..........لا.يا ختي ماراهمش كيفكيف صحاب 16 مثلا نيفو طالع مستحيل يحمل يقرا مع صحاب 10 ......علاخاطر هو تعب كثر منو و سهر و قرا كتر باش جاب معدل بتقدير جيد جدا وراهو طامع يقرا تخصص مليح بزاف يضمن له مستقبل ماشي كيما صحاب 10 الي تبالي يعاودولو خير ادا كانو حابين يقراو حاجة4

سطايفية بكل فخر · 2012-08-02, 22:28

اقتباس:

المشاركة الأصلية كتبت بواسطة yesican

يعني راكي تدافعي على صحاب 10 و تقولي بلي راهم كما صحاب 16 او غيرها .........و ماعليش ادا وضعوهم في نفس التخصص .......لا....لا.......لا..........لا.يا ختي ماراهمش كيفكيف صحاب 16 مثلا نيفو طالع مستحيل يحمل يقرا مع صحاب 10 ......علاخاطر هو تعب كثر منو و سهر و قرا كتر باش جاب معدل بتقدير جيد جدا وراهو طامع يقرا تخصص مليح بزاف يضمن له مستقبل ماشي كيما صحاب 10 الي تبالي يعاودولو خير ادا كانو حابين يقراو حاجة4

انا قلتلكم متقولوش منقراوش مع صحاب الديس لومو النظام ماشي تعايرواصحابكم
+
هههه صباح الخر يانيفو طالع باكنا كلنا علابالبنا بلي ماشي نيفو روحو شوفو المغرب برك ونجيو نحكيو
الحمد لله ديناه ومعدلات كيما هكا مي والله ماهو نيفو بارابور لباقي الدول راهو قيد التطوير مزال مولاش نيفو
+
بضحتكم 18 ماشي غير ال16 ربي وفقكم وجبتوها مي هدا ميمدلكمش الحق تعايرو لي اخفقو فيها
+
نشاء الله تديو تخصصات ملاح بمعدلاتكم لي تعبتو عليها عرفو واش تخيرو برك متخليوش معدلاتكم تخدعكم وديرو حوايج تندمو عليهاوزيد عمرك ولا تتكبري على صحاب ال10 لانهم طلبة
مكيش حابة تقراي شعبة ماشي عاجبااتك نوافقك على عيني وعلى راسي
مي باش تعايري واحد ولا وحدة نوقفك عند حدك داكرور غاليتي
رانا جبنا معدلات ممتازة ومتكبرناش كيفكم
+
بالتوفيق ليك وحطي ربي في قلبك والتواضع خليه يملا حياتك باش ربي يباركلك في حياتك وقرايتك
ومثل هو نصيحة مني ليك
"العود لي تحقرو يعميك"
شكرا على المرور

جزايرية و أفتخر · 2012-08-03, 11:25

موضوع في الوقت المناسب
مشكوووووووووووووووووووووورة اختي سطايفية
معاك حق والله يهدينا وربي يوفق الجميع

سطايفية بكل فخر · 2012-08-03, 13:57

شكرا على المرور تاعك
اللهم امين

♫ وهج الأمـل ♫ · 2012-08-04, 14:38

اقتباس:

المشاركة الأصلية كتبت بواسطة yesican

يعني راكي تدافعي على صحاب 10 و تقولي بلي راهم كما صحاب 16 او غيرها .........و ماعليش ادا وضعوهم في نفس التخصص .......لا....لا.......لا..........لا.يا ختي ماراهمش كيفكيف صحاب 16 مثلا نيفو طالع مستحيل يحمل يقرا مع صحاب 10 ......علاخاطر هو تعب كثر منو و سهر و قرا كتر باش جاب معدل بتقدير جيد جدا وراهو طامع يقرا تخصص مليح بزاف يضمن له مستقبل ماشي كيما صحاب 10 الي تبالي يعاودولو خير ادا كانو حابين يقراو حاجة4

السلام عليكم

أختي ما تحطيش كامل الطلبة في كفة وحدة

كاين اللي قرا وتعب و ما جابش بسبب ظلم التصحيح

أنا ديت 14 مي ربي عالم بللي تظلمت في التصحيح في 4 مواد

منهم زوج اساسيين

صدقيني غير كنت قادرة بلا هذاك الظلم ندي 16

و كاين اللي ماتعبش و دا على زهرو طاح في أستاذ اللي يمد

ماشي كامل ما قراوش و ما داوش

++ كدليل عليها روحي شوفي اللي ماخدمش طول و جا لقا روحو ضرب فيها 12 و 13

واحد شفتو في الشروق يحلف قال المعدل الفصلي تاعو 4 و5

و من بعد بلا قراية بلا والو قاللهم لقا روحو مدي 12

و في المقابل كاينة وحدة صاحبتي صح كانت 16 و تجي بعدي في الترتيب

تصوري العام هذا مسكينة وين تروح وهي تقرا ما خلات لي كور ما خلات وقت فراغ

ومن بعد دات 12

تولي كيفها كيف هذاك

على بيها أختي حاباتك تفهمي وين رانا حابين نوصلو

ما تشوفيش لواحد على أساس معدلو - على خاطر في بلادنا حتى الباك ولا زهر مع الاساتذة المعوجين اللي راهم يصححو-

شوفيلو على أساس قداش تعب وقداش قرا

حنا كامل اللي كنا في الثانوية نديو معدل 16 و 17 دينا 14 و 13

زعما ثانوية كاملة تلاميذها مايقراوش

++ الثانوية اللي قدامنا نفس الشي

زعما كامل ما نقراوش ؟

شويه منطق

أختي نتمنى تكوني فهمتي وين حبيت نوصل ووين حبت الأخت توصل

كل احترامي ليك

تقبل الله طاعتك

سلا~~مـ

yesican · 2012-08-05, 13:25

اقتباس:

المشاركة الأصلية كتبت بواسطة ♫ وهج الأمـل ♫

السلام عليكم

أختي ما تحطيش كامل الطلبة في كفة وحدة

كاين اللي قرا وتعب و ما جابش بسبب ظلم التصحيح

أنا ديت 14 مي ربي عالم بللي تظلمت في التصحيح في 4 مواد

منهم زوج اساسيين

صدقيني غير كنت قادرة بلا هذاك الظلم ندي 16

و كاين اللي ماتعبش و دا على زهرو طاح في أستاذ اللي يمد

ماشي كامل ما قراوش و ما داوش

++ كدليل عليها روحي شوفي اللي ماخدمش طول و جا لقا روحو ضرب فيها 12 و 13

واحد شفتو في الشروق يحلف قال المعدل الفصلي تاعو 4 و5

و من بعد بلا قراية بلا والو قاللهم لقا روحو مدي 12

و في المقابل كاينة وحدة صاحبتي صح كانت 16 و تجي بعدي في الترتيب

تصوري العام هذا مسكينة وين تروح وهي تقرا ما خلات لي كور ما خلات وقت فراغ

ومن بعد دات 12

تولي كيفها كيف هذاك

على بيها أختي حاباتك تفهمي وين رانا حابين نوصلو

ما تشوفيش لواحد على أساس معدلو - على خاطر في بلادنا حتى الباك ولا زهر مع الاساتذة المعوجين اللي راهم يصححو-

شوفيلو على أساس قداش تعب وقداش قرا

حنا كامل اللي كنا في الثانوية نديو معدل 16 و 17 دينا 14 و 13

زعما ثانوية كاملة تلاميذها مايقراوش

++ الثانوية اللي قدامنا نفس الشي

زعما كامل ما نقراوش ؟

شويه منطق

أختي نتمنى تكوني فهمتي وين حبيت نوصل ووين حبت الأخت توصل

كل احترامي ليك

تقبل الله طاعتك

سلا~~مـ

مع كل الاحترام لكم الا انني لا اصدق كل ماقلتموه ........وييي كاين الي ماقراش عام كامل و فالباك ادا 13 مثلا هادا الي عندو معلومات و دكاء ومكتسبات قبلية و يعرف كيفاش يجاوب على حساب التنقيط و يمكن عندو دكاء وقوة في التخمين و الاحتمال و الاعتقاد ببعض المسائل التي ربما ستطرح بالاضافة الى توفيق رب العالمين و التوكل عليه و دعاء الوالدين .........و كاين الي كان يجيب فالعام ب17 جاب الباك ب 13 بسبب الارتباك و الخوف و اعطاء الباك قدرا زائدا من اهميته على حساب صحته و راحته النفسية مثلا صديقتي الممتازة حصل معها نفس الشيء و زيادة انها بسبب الخوف لم تنم مدة اسبوع كامل الا بضعة سويعات و سهرت كل الليالي في المراجعة و الحفظ مما اثر عليا و شعرت بالارهاق حيث لم تقدر التفكير و استرجاع اي معلومة اثناء الامتحان.......و زيادة على دالك ربما حصل مؤثرات خارجية او صدمات بايام قبل الامتحان و+ تاثير المحيط العالي سلبا على المعنويات ادا لم تعرف الاسرة كيف تتعامل مع الممتحن و شحنه بمعنويات اجابية تزيده حماس لنيل المعدل المرغوب...........اما بخصوص الغش في التصحيح و الظلم كما تقولين فل يكن بعلمك ان دالك من سابع المستحيلات .......ربما من سوء الكتابة او التنظيم او ماشابه دالك و زعما شفتي الاوراق نتاوعك باش قلتي غش و ورقتك فاتت على 2 اساتدة على الاقل بعدا كامل يغشو و كيفاش يغشوك يا ختي وين شافو اسمك ولا عرفوك باش يحقدو عليك ويغشوك و بعدا في 4 مواد ههههههه ماصراتش فالدنيا .......و قتاش تنحيو عليكم هاد التفكير السلبي و علابالك ختي بلي لازم تحمدي ربي و تستغفريه علاخاطر هاد الشيء يدخل فالفضفضة و النميمة على اصحاب المعدلات الجيدة و الاساتدة المصححين........و قتاش تعرفو بلي ربي كل واحد يمدلو على حساب قلبو ......و لي توكل على ربي و قرا و سهر و حفظ و تعب من اول يوم دراسي و عمرو ولا فرط في الصلاة و كسب دعاوي الخير من والديه اكيد رب مايخيبوش .........اما اختي كي تقولي غشوني دركا واش الفايدة ربي عارف علاش مدلك 14 و ديري في بالك بلي ..........من جدّ وجد ومن زرع حصد ومن سار على الدرب وصل .........وشكرا .

عطر و مطر · 2012-08-05, 14:05

موضوع في الصميم ..... بوركت اختي على طيب الطرح
و دمتم بخير

سطايفية بكل فخر · 2012-08-05, 16:23

اقتباس:

المشاركة الأصلية كتبت بواسطة yesican

مع كل الاحترام لكم الا انني لا اصدق كل ماقلتموه ........وييي كاين الي ماقراش عام كامل و فالباك ادا 13 مثلا هادا الي عندو معلومات و دكاء ومكتسبات قبلية و يعرف كيفاش يجاوب على حساب التنقيط و يمكن عندو دكاء وقوة في التخمين و الاحتمال و الاعتقاد ببعض المسائل التي ربما ستطرح بالاضافة الى توفيق رب العالمين و التوكل عليه و دعاء الوالدين .........و كاين الي كان يجيب فالعام ب17 جاب الباك ب 13 بسبب الارتباك و الخوف و اعطاء الباك قدرا زائدا من اهميته على حساب صحته و راحته النفسية مثلا صديقتي الممتازة حصل معها نفس الشيء و زيادة انها بسبب الخوف لم تنم مدة اسبوع كامل الا بضعة سويعات و سهرت كل الليالي في المراجعة و الحفظ مما اثر عليا و شعرت بالارهاق حيث لم تقدر التفكير و استرجاع اي معلومة اثناء الامتحان.......و زيادة على دالك ربما حصل مؤثرات خارجية او صدمات بايام قبل الامتحان و+ تاثير المحيط العالي سلبا على المعنويات ادا لم تعرف الاسرة كيف تتعامل مع الممتحن و شحنه بمعنويات اجابية تزيده حماس لنيل المعدل المرغوب...........اما بخصوص الغش في التصحيح و الظلم كما تقولين فل يكن بعلمك ان دالك من سابع المستحيلات .......ربما من سوء الكتابة او التنظيم او ماشابه دالك و زعما شفتي الاوراق نتاوعك باش قلتي غش و ورقتك فاتت على 2 اساتدة على الاقل بعدا كامل يغشو و كيفاش يغشوك يا ختي وين شافو اسمك :dولا عرفوك باش يحقدو عليك ويغشوك و بعدا في 4 مواد ههههههه ماصراتش فالدنيا .......و قتاش تنحيو عليكم هاد التفكير السلبي و علابالك ختي بلي لازم تحمدي ربي و تستغفريه علاخاطر هاد الشيء يدخل فالفضفضة و النميمة على اصحاب المعدلات الجيدة و الاساتدة المصححين........و قتاش تعرفو بلي ربي كل واحد يمدلو على حساب قلبو ......و لي توكل على ربي و قرا و سهر و حفظ و تعب من اول يوم دراسي و عمرو ولا فرط في الصلاة و كسب دعاوي الخير من والديه اكيد رب مايخيبوش .........اما اختي كي تقولي غشوني دركا واش الفايدة ربي عارف علاش مدلك 14 و ديري في بالك بلي ..........من جدّ وجد ومن زرع حصد ومن سار على الدرب وصل .........وشكرا .

تاع التصحيح كاينة منها وادا مصدقتيش انت حرة مزال المستقبل قدامك غاليتي وتشوف لعجب
+
انا شخصيا من اصحاب المعدلا ت لمليحة ومني نشوف في حتى سبب يخلي واحد يحقد على واحد لانو جاب مليح
وبالعكس لي يتواضع ربي يرفعو ويزيدز على علمو علما
+
واش دخل لقلوب فالنص لي قرا يلقا ولي مقراش طفرت فيه وممكن يطلع ادا التصححيح كان خفيف عليه وبي هدا وهدا كاين لي حكمت عليه ظروف ومخلاتوش يتفوق وهادووهوما لي راني ندافع عليهم
+

+
العام الجاي بيناتنا ورجعيلي لخبر تاع التصحيح لانك طالعة للجامعة وهدا الموضوع بيناتنا ويومها قوليل ادا صدقتي ولا لالا
وبركايك من كلمة يحقدو عليك لانك جبتي معدل مليح لانك غير تملاي راسك بيها لانو فرحانيلك بمعدلك لي يشرف الجزائر
وصحاب ال10 وان ردو عليك لانك قستيهم بلا متفيقي
بالتوفيق ليك وللجميع