موضوع مميز مشاركتي في مسابقة احسن مائدة رمضانية2013

*أم ثازيري* · 2013-07-24, 01:28

السلام عليكم
رمضان كريم
في البداية اقدم لكن مجموعة اطباقي

الطبق الاول **سلطة دوار الشمس**

المقادير

1/2 كاس ارز
صفار بيض مسلوق
درة
جلبانة مسلوقة
زيتون اسود
شيبس
مايونيز

كيفية التحضير
اسلقي الارز في ماء به ملح
و بعد مايبرد اضيفي المايونيز
في صحن ضعي مول شكل دائرة وضعي فيه طبقة ارز

ثم الجلبانة او الماييس

+ تونة

+ بيضة مسلوقة

تم طبقة ارز

اطليها بالمايونيز ودري عليها بيض اصفر مسلوق

زيني بانصاف الزيتون

ستفي الشيبس على الجوانب

الطبق الرئيسى طبق تقليدي مقدم بطرقة عصرية
الرشتة مع فخد الداند محمر و صوتي الخضر

المقادير
المرق
رشتة
2 حبات بصل
حبات لفت
2 ملاعق كبار سمن
قرفة
حمص
ثوم
ملح
فلفل اسود
زعفران
فخد داند
لتحمير الفخد نحتاج
زيت
رند
ماء
ملح
اكليل الجبل
سنات ثوم

كيفية التحضير
قلي الفخد مع السمن لمدة مع التقليب

اضيفي اليصل و الثوم المرحي و التوابل و القرفة و قلي ملييييييييييح

اضيفي كمية من الماء

انزعي الفخد قبل ان ينضج تماما

اضيفي اللفت

انزعيه بعد ان ينضج

اضيفي الحمص يغلي و طفي

صعي الفخد في كوكوت + فنجان زيت + 2كاس ماء + رند + توم + شوية ملح +اكليل الجبل و الزعفران
اقفلي الكوكوت لمدة 15د و على نار هادئة مع التحريك بين الحين و الاخر

افتحي الكوكوت و قلبي الفخد و ادا سفتي الماء قليل زيدي و رجعيها تكمل الطياب

حلي الرشتة بالزيت بالشويه

فوريها

عاوديها بشوبة ماء و انفضيها باه تتحل

فوريها و من يعد اسقسها بالمرق و كمليلها التفوار حتان تشوفيها فارت مليح

من بعد جمريها

حمري اللفت في شوية زبدة

كيفية التقديم

التحلية

تحلية الشكولاطة ميرانغي بنكهة النسكافي
هادي التحلية من بنات افكاري ولا اقصد بدلك طريقة التزيين

المقادير
كريمة الشكولاطة
1 مينا نوار
سكر حسب الدوق
3بياض بيض
2 ملعقة كبيرة كريم فريش
كريمة النسكافي
1 ملعقة صغيرة نسكافي
كريم شونتيي
1 ملعقة كبيرة جبن امير ان وجد
كيفية التحضير
1- كريمة الشكولاطة
دوبي الشكولاطة في حمام مائي

من جهة اخفقي البيض و السكر جيدا . ماش لازم يكونو كي الثلج المهم يكون عندهم قوام الميرانغ يتعالك

اخفقي الكريم فريش جيدا

بعد دوبان الشكولاطة اضيفي لها كريم فريش المخفوقة و خلطي جيدا ..

.اضيفي 2 ملاعق اكل من خليط البياض للشكولاطة و خلطي الكل بسرعة

راح تلاحظي بان الشكولاطة اصبح لها قوام *مطاطي * تتعالك كيما نقولو
اسكبي الخليط بسرعة في الكؤوس بشرط ان تكون مايلة

ثم ضعيها في الثلاجة و هب مائلة
2- كريمة النسكافي
ملاحظة ادا كنت من محبي دوق القهوة ايتعملي النسكافي وادا ماتحبيهاش ماتستعمليهاش...كما يمكن استبدال النسكافي بالقهوة العادية طايبة
اضيفي لمخفوق البياض المتبقي 1 ملعقة كبيرة جبن امير *اختياري *

اخفقي جيدا

اضيفي من 3 ال 4 ملاعق كبار كريم شونتيي المهم تتحصلي على قوام سميك

دوبي النسكافي في القليل من كريم فريش او الحليب و اضيفيها للخليط

سيتغير لون الخليط من لون ابيض ثلجب الى لون كريمي راااااااائع
تاكدي من ان كريمة الشكولاطة قد تماسكت و لك بوضع الكاس بصورة طبيعية
ان تحركت الكريمة ارجعيها الى الثلاجة

بعد ان تتماسك اضيفي الخليط الكريمي و حاولي ان نضغطي جيدا ختى تتخلصي من الفراغات
ضعيهم في الثلاجة مرة اخري و حضري التزيين
ان تبقى لك مقدار من كريمة النسكافي يمكنك استعماله للتزيين و ان لم يتبقى لك اخفقي كمية من الشونتيي مع الحليب البارد
زبنب بها مع نجوم و اهلة من الشكولاطة *اخترتها لتتنايب مع المناسبة الكريمة *

بالهنااء و الشفاء
التحلية الوردية عبارة عن *باناكوتا * + ملون غدائي
طريقة تحضيرها مثل الفلان

ارجو ان تعجبكن اطباقي
و اكيد التصويت للافضل

روزا1995 · 2013-07-24, 01:39

برافو برافو
سلاطة 4444444444444444444
يعطيك الصحة

المستغفرة · 2013-07-24, 01:46

واو باتيلا. سلطة عجيبة
يعطيك الف صحة برافووووووووووووو

kiya · 2013-07-24, 01:52

وااو سلطة روعة يعطيك الصحة
راكي فووووووووووووووووور

nour inasse · 2013-07-24, 01:57

ياباتي يا باتي يسلمو هذوك لديات كلشي بالطبع يعطيك الصحة

souma.f · 2013-07-24, 02:02

واو روعة بأتم معنى الكلمة سلمت يداك يا جميل
هذا راهو فن و ابداع يهبل كلش حتى الصور تبان بروفيسيونال وين كنت مخبية هادا كامل الشعر و الطبخ وكلش يا أم الفنون
تبارك الله عليك باتي ان شاء الله تربحي المسابقة و ما تنسايش تقولي شعر عليا

om anous · 2013-07-24, 02:21

الله يبارك كل شي رائع تقولي صور من كتاب تاع طبخ ........ابدعتي

*أم ثازيري* · 2013-07-24, 02:37

شكرا يالبنات يا حبووووبات ....يخي قلتلكم قد الفم ....قد الدراع ههههههههههه

oum siradj ahmed · 2013-07-24, 02:49

machala 3lik bitawfik habibati

*زهرة اللوتس* · 2013-07-24, 03:40

كلش هايل ما شاء الله عليك با أختي باتيلا , كل حاجة تقدميها متقونة و متحوفة كيما انتي أكيد, اكتشفنا الموهبة نتاعك في الشعر و ذرك في الرسم , السلطة نتاعك تبان لوحة مرسومة خسارة تتكل خاصة كيعاد نموت على les cocinelles يعطيك الصحة فنانة كي العادة , تصبحي على خير

أم ماجد · 2013-07-24, 05:02

44444444444444444444444444444444444444444444444444 4

عجز اللسان عن الشكر يا شاعرة

انا حبة سكر · 2013-07-24, 07:01

الله يبارك الى نال اعجابي اكثر شيء السلطة سلمت يدااااك اختي برافوووووووووووووو
يعطيك الصحة
كاني نتفرج في توب شاف نتاع الخارج
يعطيك الصحة اختي
نتمنالك الفوز
صحا رمضانك
راح نطبق سلطة نتاعك اليوم عجبتني بزااف ياخي يقولك عاند ومتحسدش ههه
برافوووووووو روعة مشاء الله

ladymillion · 2013-07-24, 07:30

الله يبارك انا زدت كتاشفت بلي تمارسي ملي traitement d'image هههههههه

basmala farah · 2013-07-24, 08:11

الله يبارك اطباق كلها تشهي روووووووووووووعة

بالتوفيق ان شاء الله

*أم ثازيري* · 2013-07-24, 08:32

اقتباس:

المشاركة الأصلية كتبت بواسطة ladymillion

الله يبارك انا زدت كتاشفت بلي تمارسي ملي traitement d'image هههههههه

شكرا لايدي ...ماعجبوك ني الافكار ني الاطباق ؟ الفضل لام رامي دلتني على كيفية التعديل و اخي طبقو