وصفة سحرية لادرار الحليب

[SS86]

شفت حنا الجزايريات دايما كاين مشكل الحليب و المرأة ما تقدرش ترضع مدة طويلة
.هاذي حلبة يعملوها المشارقة للوالدة ومفعولها مجرب ،صديقتي قاتلي كي توكلها حتان يولي بنها يجيف من قوة الحليب لكن شرط انو تعمليها على الاقل 3 ايام متتالية حتى جيب فايدة وحتى انها تزيد في شهية الرضيع لانها تمر في الحليب
. شفتكم تهدروا على الموضوع نضت طيبتها باه نصور المراحل والله القادر على كل شي هذي فقط اسباب ناخذ بها
هذا المقادير تاع مرةواحدة
نبداو بسم الله
اولا النار لازم تكون قلييييلة طول مدة الطهي
قلي معرفة صغيرة حلبة في شوية زبدة حتى يتبدل لونها لكن احذري تتحرق يولي طعمها مر[]


زيديلها كاس ماء مملوء و خليها طيب على نار ضعييييفة
خذي كاس حليب فايض و بارد ذوبي فيه ملعقة اكل فرينة و ملعقة اكل سكر
لما ينشف تقريبا الماء تاع الحلبة أو تشوفيها ولات طرية صبي هذا الخليط كي الخيط ونتي تحركي واستمري في التحريك حتى يغلي الخليط و يصبح كي المحلبي طفي عليه وتقدم ساخنة و مزينة بالقرفة انا هنا ماكانتش عنديو


الحلبة بها تجيب فائدة لازم تكليها هيا والعصارة تاعها ،التيزانة وحدها ماتكفيش وزيد لازم تكليها 3 الى 5 ايام متتالية توقفيها مدة ثم تعاودي الوصفة هذي متوليش فيك ريحة الحلبة اطلاقا ،المشرقيات شفتهم ما عندهمش مشاكل خلاص في الرضاعة زيد عليها اكل البيض مفعولو مليح ايضا ،عند الصينين الرضاعة تعتمد على شرب الماء كثيرا مع اكل البروتين والسمك وكل اكل المرضعة يكون عبارة عن حساء ،عند الامريكان الشوفان و الدجاج هم سر الحليب.
اضا عزيزاتي حاولوا تكثروا الشوربات ممكن حساء خضر و كثري فيه الكرافس مع بيض مسلوق وجبة متكاملة و متسمنش أو يمكنك ايضا ديري شربة عاديةبالجاج و في مكان الفريك ديري شوفان مع التركيز على شرب الماء وان شاء الله يدر الحليب
الله يقوي كل ام و يدر فيها الحليب ،اللهم امين. نتمنا جربوها أو فقط ادعولي دعوة خير راني محتاجتها كثير الله يهديني و ينولني مرادي قريبا ان شاء الله

[الوردةالجورية]

مشكورة اختي وربي ايجازيك كل خير ويعطيك ماتتمني ادا كا فيه الخير

[lilii7179]

مشكورة و ربي يجازيك كل خير . خسارة ما شفتش الوصفة نتاعك من قبل خاطر انا نقصتلي كمية الحليب حتى كرهت بنتي و ما حبتش ترضعني خلاص. عندها شهر و نص ملي حبست الرضاعة. ان شاء الله يستفادو الاخوات

[تسنيم*]

شكراااااااا اختي انشاء الله نجربها والله بنتي ماتاكلش خلاص تعتمد غير على الرضاعة
صح في الحليب بصح زيادة الخير
جعلها الله في ميزان حسناتك

[fatisousou]

السلام عليك
يعطيك الصحة في ميزان حسناتك انشاء الله مع تحياتي

[البحر الصافي]

الله يجازيك الخير

[اسمهان79]

في ميزان حسناتك حبيبتي
بارك الله فيكي

[SS86]

شكرا لمروركن اخواتي أو تقبل الله دعائكم أو باذن الله تفيدكم االوصفة فقط التزموا بالمدة

[،،ايمان،،]

بارك الله فيك اختي قوليلي كيفاش الطعم تاعها

[ام ريان عبدالله]

بارك الله فيك

[SS86]

المشاركة الأصلية كتبت بواسطة ،،ايمان،،

بارك الله فيك اختي قوليلي كيفاش الطعم تاعها

الطعم تاعها مليح خصوصا اذا نسمتيها بالقرية او الهيل هنا بصراحة قبل الزواج جربت الحلبة تيزان مقدرتش نشر بها ماعجبنيش الطعم اطلاقا لكن هذي لما ذقتها عادي

[scorpionoir]

شكرا اختي على الوصفة .باذن الله نجربها كي نسلك على خير ونشوف اذا نقدر ناكل الحلبة ولا لا .
بارك الله فيك

[SS86]

المشاركة الأصلية كتبت بواسطة scorpionoir

شكرا اختي على الوصفة .باذن الله نجربها كي نسلك على خير ونشوف اذا نقدر ناكل الحلبة ولا لا .
بارك الله فيك

الله يسلكك على خير و باذن الله تقدري تاكليها لا هو كمية الحلبة قليلة وانا كنت الحلبة مانقدرش حتى ناكلها لكن هذي جاتني عادي
انا لمدتلي الوصفة صديقة سودانية أو هم يديروها كتحلية مثل ما حنا نديروا لمحلبي يزيدوا ينسموها بالقرفة و الهيل تكليها عادي بحول الله

[زهرة الريف*]

مشكورة أختي على الوصفة ربي يجازيك كل خير
ربي يرزق كل محرومة الذرية الصالحة

[lyzzabel]

بااارك الله فييك على الوصفة و الطرييقة حبييبتي و جزااك خيير الجزاااء ،، ويين كنت مخبيتها هدا شحاااال خخخخ هههه

اساأل الله العظيييم ان يرزقك ذرية طييبة سليييمة عاااجلااا و ليس آجلااااا اللهم آميييين