تطبيقي وتطبيق قسم عضوات واش طيبتي لبيني بالياؤورت

ام سراج وملاك · 2015-09-05, 17:44

البسملة1

اهلا بالجميع كنت شفت من قبل موضوع العضوة ام فراس واصيل لموضوعها لبيني في المقلة نقلها يعطيك الصحة اختي ومشكورة على الوصفة الرائعة

وكي شفت موضوعها عجبتني الفكرة نتاع لبيني بالياؤورت الطبيعي ويتعجنو بالماء البارد ويخمرو في مكان بارد جاتني غريبة شوي جربت الوصفة وكانت النتيجة رائعة طبعا وليت ندير وصفتها جاتني طريقة سهلة حرفت فيها ماشي في الوصفة بدلت الياؤورت فقط كل منديرهم نغير في نوع الياؤورت درتهم بياؤورت ذوق فراز وذوق خوخ وذوق موز يعني وليت نغير في الياؤورت كل مانجي نديرهم
لقيت النتيجة اروع وبما انو موضوع ام فراس واصيل مفيهش الصور كي طبقتهم من قبل وكان اول تطبيق دعمت موضوعها بالصور وايضا الاخت ام ماجد ربي يحفظها صورت المراحل وزادت دعمت موضوعها وطبعا عضوات قسم واش طيبتي اليوم طبقوهم وكانت النتيجة رائعة واكيد شكروهم كامل وليوم عاودت درتهم و صورت المراحل مليح منطولش عليكم بزاف ونخليكم مع الصور وصور تطبيق العضوات
الوصفة من موضوع ام فراس واصيل
المقادير :
باط ياؤورت طبيعي + مغرف سكر عادي +2مغارف زيت + مغرف خميرة انتاع الخبز + فرينة كيلة تقريبا بول نتاع شربة و تلميها بالماء البارد وتحطيها تخمر تريح في مكان بارد لاشة ربع ساعة كي تخمر تحليها بالحلال ترشي الفرينة وتحلي باش ما تلصقش ماتكونش رقيقة وماتكونش خشينة وتشكليهم دوائر بالكاس وتخليهم يخمر يعني يريحو ثاني في مكان بارد انا نخليهم في الكوزينة منحطهمش في بلاصة سخونة وبعد ذلك تسخني الزيت وتقليهم بلا ماتكبي فوقهم الزيت يتنفخ والحشو كيما تحبي ديريلهم لكرام باتيسيار وذري فوقهم السكر الارطب رهم روعة وبالاخص مع قهوة العشية
جربيهم وماتخافيش
اعطيوني رايكم فيهم كي تجربوهم ردولي بالخبر صراحة هاذي الوصفة معتامدتها من مدة ويجيو بنان حتى في القليان نتاعهم ميتعبوش متبقاوش تكبي في الزيت يتنفخو ثمثم ملاح لضياف الغفلة
ملاحظة خاصة بي : متنساوش الملح بالنسبة للعجين خليتو ربع ساعة ريح وكي طبعتهم خليتهم نصف ساعة خمرو فيها وطبعا كي تحلو لعجينة رشو قبل بالفرينة بالنسبة لزيت انا كي منكثرش الزيت نبقى نكب فوق الحبة حتان تتنفخ واذا كانت كمية الزيت كبيرة مع نحط الحبة تتنفخ وحدها اما كمية الفرينة لي درتها انا تقريبا حوالي رطل فرينة وضفت المقادير الباقية منقستش منها والو خليت المقادير عادي دارتلي كمية كبيرة ولي تحب كمية قليلة تكيل كيما قالت صاحبة الوصفة بول نتاع شربة وكي كيلت بول شربة لي عندي قدش يهز من فرينة بباط ياؤورت فارغ لقيتهم 5 باطات ياؤورت فارغين نتمنى اني نكون افدتكم
رابط الوصفة
https://www.djelfa.info/vb/showthread.php?t=1761179

تطبيق ام ماجد :

تطبيق لاول مرة ام سراج وملاك:

تطبيق lyzzabel

تطبيق ام وابنة

تطبيق fadila34

تطبيق سرور2

تطبيق الرجاء الاماني المجد

تطبيق um alaa

تطبيق oumoujou

تطبيق اسمهان 79

تطبيق دائمة الحمد

تطبيق OUM SOUHAIB

تطبيق ام هدول

تطبيق RIMA.87

لبنات لي نسيتها تسمحلي وتبعثلي عبر الخاص الصور نزيد نحطها ولي مطبقوهمش نقلهم واش تستناو جربوهم اكيد يعجبوكم ولي حابة تحط الصور هنا ماشي مشكل
نخليكم في امان الله

lahna moka · 2015-09-05, 18:33

بارك الله فيك يا الغالية و جعلها في ميزان حسناتك يا رب

scorpionoir · 2015-09-05, 18:34

با رك الله فيك اليوم وين شريت الياؤورت الطبيعي باش نجربهم لوكان علابالي يصلحو بالعادي راني درتهم قبل هكا
ربي يجعلها في ميزان حسناتك

الرجاء الاماني المجد · 2015-09-05, 18:34

شكرا عزيزتي ام سراج وين كنتي غايبة صدقني طبقت وخرج روعععععععععععععععععععععععععععععة يعطيك الصحة

omjoujou · 2015-09-05, 18:36

يعطيك الصحة حبيبتي ام سراج بقيت غير انا مجربتهمش باذن الله نجربهم ونبعثلك الصور

ام سراج وملاك · 2015-09-05, 18:39

اقتباس:

المشاركة الأصلية كتبت بواسطة lahna moka

بارك الله فيك يا الغالية و جعلها في ميزان حسناتك يا رب

وفيك بارك الله اختي نورتني

اقتباس:

المشاركة الأصلية كتبت بواسطة scorpionoir

با رك الله فيك اليوم وين شريت الياؤورت الطبيعي باش نجربهم لوكان علابالي يصلحو بالعادي راني درتهم قبل هكا
ربي يجعلها في ميزان حسناتك

وفيك بارك الله اختي يصلحو عادي بالعكس لقيت فيهم ذوق رائع على الياؤورت الطبيعي

[/font][/size]

اقتباس:

المشاركة الأصلية كتبت بواسطة الرجاء الاماني المجد

شكرا عزيزتي ام سراج وين كنتي غايبة صدقني طبقت وخرج روعععععععععععععععععععععععععععععة يعطيك الصحة

اهلا ياغالية اكيد شفت تطبيقك بصحتكم اختي

ام سراج وملاك · 2015-09-05, 18:40

اقتباس:

المشاركة الأصلية كتبت بواسطة omjoujou

يعطيك الصحة حبيبتي ام سراج بقيت غير انا مجربتهمش باذن الله نجربهم ونبعثلك الصور

اهلا ياغالية نورتني اكيد جربيهم راح يعجبوك راني ليوم برك وين درتهم الصور راهم لفوق في انتظار تطبيقك وصورك

اسمهان79 · 2015-09-05, 18:44

كون يقدرني ربي يا لحبيبة غدوة نجربهم لبناتي كي يدخلو يقراو
بارك الله فيكي وفي صحتك
وربي يعطيك ويرضى عليك راكي نعم الاخت الخدوم الحنون
ربي يجازيك الجنة إن شاءالله
أحلى تقييييييييييم

fadila34 · 2015-09-05, 18:44

براك الله فيك وشكرا على التاطبيق التاعي لحطيته
لبنات غير روحو طبقوه رهو هااااااااااااااايل واقتصادي

Oum Habouba · 2015-09-05, 18:51

بارك الله فيك ام سراج راني في شحال نبغي نديرهم بصح نخاف ما يصدقوليش شجعتيني وشكرا على الشرح المبسط نديرهم ان شاء الله ونوريلك الصور يا الحنونة الودودة الغالية.................

سعاذ · 2015-09-05, 19:00

سلام عليكم
الله يبارك يسخفوا معليش تقلولي تقريبا الفرينة شحال

oum islem · 2015-09-05, 20:00

يعطيكم الصحة يا حراير
شهيتوني يا مصايب
نريح ونطبقو ونحي السخفة

أم ياسين الزهراء · 2015-09-05, 20:45

بقيت غير انا ماجربتوش واكيد تطبياتكم راح تخليني نعادكم يعطيك الصحة سخفتيني

ام سارة18 · 2015-09-05, 21:34

الله يبارك تطبيقات ماشاء الله حتى انا طبقتو الا لقيت الصورة نحطهالكم

ام و ابنة · 2015-09-05, 21:38

حبيت نعاود نشكرك لانو لو كان ماشي انت ما نعرفش الوصفة
و طبعا الشكر خالص ايضا لصاحبة الوصفة
و كذلك البنات اللي جربوهم قبلي
فعلا ساهلين و بنان
انا فقط حليت العجينة خشينة فجاوني سمااان خخخخ
اكيد رايحة نعتمد هاذ الوصفة و عمري ما نبدلها

جزاكم الله خيرا