السلام عليكم
ايه واش نهدر واش نقول فعلا الأمر محير و يكاد لا يستوعبه العقل
بالنسبة للذهب لويزة تاع 1 غ راها دايرة 450 دج و هاذي راها طايحة في السومة زعما
و اذا جيتي تديري محزمة و تلصقيها غير فوق الخيط احسبي 450 * 20 على الأقل و هاذي بلا تكرشية ربي يهدي خقاااااا
يا جماعة الي عندو ما يبخلش روحو مي الي ماعندوش علاه العناد كل واحد ومقدورو
بصراحة انا السخاب تاعي شريتو فضة
وماتقولوش خليوها بيناتنا
صح يقولوا الحدايد للشدايد مي الي باباها ماعندوش يروح يسرق ولا كيفاه
انا رايي كل شيئ بالمعقول يجي خلو ويبارك فيه الله
وكثرة الأشياء تجيب العين وتعكس على مولاتها
أما بالنسبة للمطارح راني معولة ندير 5 مطارح
2 فوق السرير و2 فوق الكنابيات و يبقى واحد للضياف
وماتقولوليش راكي طايرة...هههههههههههههههههه
الهناء هو الغناء وياما بنات اداو معاهم شيئ ما يتعد ما يترد وامبعد صراولهم مشاكل و تطلقوا
خلاصة القول الله الله على العقبة كاين الي ماداو معاهم والوا و رجعوا هوما الأخيار وكاين الي داو العجب و رجعوا سبحان الله