الجزء184 من واش طيبتي اليوم.... كوزينة التألق و النجاح

[الماسة النادرة]

صباح الخير لبنات كيفاش راكم نهال انا تام جربتها مي مجاتنيش ناشفة جاتني طرية وتتعلك مي المهم حاجة نشربه بيها القهوة هههه

[الماسة النادرة]

[/SIZE][/B][/QUOTE]
حياة تعيشي مايلي طريقة الباتنجال اذا امكن

[الماسة النادرة]

حياة مديلي طريقة الباتنجال انا مواصلة نقليه بعدما نمرود في الفرينة مي هذا يبان منفخ

[البحر الصافي]

اسمحولي لبنات سمعت غير بالكوزينة الجديدة غير امس ومعولة ندخل ونبارك لنهال اليوم لاكن بالصدفة اكتشفت انو دوبارتي تاع الحمص سرقولي الموضوع وحطوه في منتدى اخر وزادت لي سرقاتو حطت اسمها على الصور وماكلفتش نفسها حتى تكتب كتبة جديدة هزت كلش حرفيا ربي يهدي ماخلق هاهو الرابط ودرك نجيبلكم رابط دوبارتي
https://vb.3dlat.net/showthread.php?t=321629


وهذا رابط الموضوع لي يخصني
https://www.djelfa.info/vb/showthread.php?t=1900458

[البحر الصافي]

من بعد نرجع ونجيب الباروك للكوزينة

[nihal159]

اهلين الماسة، طريقة البادنجان تلقايها في موضوع الاخت ايدرون، رأهي حاطة جميع الوصفات مثورة و من بينها وصفة البادنجان المقلي تاع زيكا، انا نخدم بالطابليت مانعرفش نحط رابط الصفحة كون راني عاونتك، اسمحيلي.
بحورة مرحبا بيك، و الله ياختي حرام عليهم يسرقو في تعب الناس باطل، على الاقل تقول الوصفة منقولة مافيها والو، ربي يهدي ماخلق.
في انتضار الباروك على احر من الجمر اححححححححححححححححح بسرعة الجمر اكواني ههههههههه

[البحر الصافي]

اااااه يانهال رجعت على جالك منخليش اختي يكويها الجمر هيا نجيبلك طبسي رفيس تونسي من صنع اديا وحيات عنيا ومافيهش الاسم الله غالب طيبتو غير البارح وخليييي لي حب يسرق يسرق هههههههه
احكمي يديك بيه وبعدي على الجمر حتان نزيد نجيب باروكات اخرين ههه
نكمل غدايا لي هو دوبارة حمص ممممم حاااارة وبنينة اكيد
لي عودة باذن الله تعالى

[فردوس الرحمان]

صباحو البنات ،. حيوتة الصورة ب 25 الف ، تاع البنات خير عندك بزاف الاختيار ، ملاك حشمتينى حتى وليت حبة طوماطيش،. لي الشرف ننديرلك كيكة عيد ميلاد ملاك الصغير ياك انا خالتو ،. حتى كي تروحي تخدمي خليهلي ، تحكمو مع وليد خويا ، أمه تان خدامة ،. راني متقاعدة ،. نهال يعطيك الصحة على الاطايب ، الكيكة العجيبة مزية مدرتهاش ،. حسيتها ماشي مليحة وزادت ام اسيل في اليوتيوب قالت بلي بنتها ماكان ماكان الحلوى الملونة راني دايرة بيها حالة نزين بيها ومنين نعود قاعدة لوح كمشة في فمي بنة عظيمة كي تلقاي زريعة البسباس،. غدايا عدس ،. ياك تعرفوا العدس منصورش مالا ،. في أمان الله

[nihal159]

بحورة يالهوي على الرفيس، يهببببببببل يبان طري مش ناشف، يعطيك الصحة في انتضار المزيد.
فردوس حتى انا راني بالحلوى تاع البسباس ههههههههه بالنسبة للكيكة العجيبة منطقيا من خلال مكوناتها باينة بلي طعمها ماكان ماكان، ياختي مافيها لابيض لا زبدة، منين رايحة تجي بنينة؟ بصح كما قلت الأكل أذواق، انا اختي لكبيرة جربتها وراهي هابلة عليها و انا عكسها .
بصحتك لعدس.
أنا غذايا لوبيا فصاصة بقاتلي من لبارح و زدت معاها سلاطة ماسيدوان مع كمية مهولة من البيطراف تحبو ماريا، عشايا ان شاء الله بانيني.

[أم رقية نسرين]

السلام عليكم صح غداكم ياحرائر
نعلق سع على نهولة إيه ختي الأكل اكيد أذواق و راهي جاتك هايلة ابعثيهالي خخخخ
بصحتك الغدا البيطراف راهو مليييييح لبنتك الله يبارك كي عادت تاكلو اناتاني نحب ناكلو و على الغراتان أنا تاني درت فكرة جديدة بالنسبة ليا ههههه و جاني بنيين كيما تقول ام هدول خلطها تصفى
البحر الصافي هداك الرفيس التونسي بانلي كلي معسل يسخففف يعطيك الصحة ختي وعلى السرقة تامني بالله انا تطبيقاتي في منتدى الجلفة نلقاهم في منتدى النهار اون لاين كاتبين إيمان تقول و هو نفس موضوعي في الجلفة اصلا اانا منكتبش اسمي في الصور على خاطر ديما نكونيكتي بالهاتف
الماسة النادرة درك نحطلك صورة مصورة لوصفة الباذجان لي تحوسي عليها

[أم رقية نسرين]

غدايا روز و الحمد لله

[أم رقية نسرين]

ماسة ختي هاهي وصفة الباذنجان

[أمنية غفران]

السلام عليكم و رحمة الله تعالى و بركاته

كيف الاحوال حبيباتي

يا لهوي دخلت على البحر الصافي ما تتقلقيش ياو كاين الي حلو قناة و الوصفة عيني عينك سارقتها و تقول لك بطريقتي المهم شوفي حبيبتي ابعثيلي صورك لهيته و انا نحط لك الاسم ماكاين حتى مشكل احم احم
والرفيس نتاعك راهو يشهي بصحتكم درك نسرقها لك و نعاود نحطها لك فيها اسمك هههههههههههههه

فردوس يعطيك الصحة كي شاركتينا عيد ميلاد وليدكم ربي يحفظه و يرزقك بزوج عاجل غير اجل يا رب

البنات الي ما علقتش عليهم سامحوني ياك شا نقول ليكم راكم فور تبارك الرحمان

فطورنا كان مردود بنين و زيد حار يمي يمي

[أم رقية نسرين]

فردوس ربي يحفظلكم البوبون و يكبرو في طاعتو
وبصحتك العدس بالنسبة للكيكة هي خفيفة و هشة و انا من عشاق الكاكاو و الشوكولا اكيد تعجبني خخخخ

[أم رقية نسرين]

امينة بصحتكم المردود حنا نقولو العيش نموت عليه راهو يشهي يعطيك الصحة