اتصرف صح - خواطر جميلة

[knowlifenow.com]

خواطر جميلة



- اتصرف صح

- الموضوع مش ذكاء او موهبة ، دائماً الحظ مرتبط بالقدرة ، و الفرصة تعرف صاحبها اللي جاهز ليها ، لو ٥ أشخاص قاعدين علي القهوة و عدي عليهم واحد عايز يبيع IPhone 7 ب ٢٠٠٠ ج ، اللي هيستغل الفرصة المحظوظ هو اللي يملك القدرة و معاه ٢٠٠٠ج في جيبة ، خليك دائماً جاهز .

- عمرك ما هتعرف تعمل فلوس من غير ما تعرف هي الفلوس أصلاً بتتكون من آيه ؟ و مصدرها آيه ؟ و قيمتها آيه ؟ و بعدين هتعرف ازاي تحصل عليها ، اتعلَّم اقتصاد .

- كل ما الوضع الاقتصادي يتدهور في مكان بتكتر الفرص ، لان المشاكل بتبقي كتير ، مهمتك انك توجد حل لمشكلة و تسوقها ، هتحقق نجاح و مكسب كبير .

- اجمل و أفضل فرصة ممكن تشتغل فيها علي نفسك ، لما يبقي في حد بيصرف عليك 😄 الشباب الصغير يستغل المرحلة دي في حياته كويس اوي ، لان المسئولية مش سهلة .

- الادخار سلوك مش فكرة ، لو اتعودت انك تدخر حتي من مصروفك ، هتعود تدخر من مرتبك مهما كان ، اتعلموا و علموا ولادكم الادخار لانه أفضل طريق للاستثمار .

- رزقك هتاخده صحيح بس انت مش عارف هو فين ، علشان كده لازم تسعي في كل مكان حتي في المكان الغلط و اللي متخيل انه مقفول ، الانسان غبي ... الانسان غبي .

- اقرأ ، الكتاب الوحد ممكن يديك ١٠٠ فكرة و ممكن فكرة واحدة تغير حياتك ، الاستثمار في التعليم هو استثمار في الحياة ، و يمكن أقوي استثمار ناجح .

- الخسارة احدي أركان المكسب ، علشان تكسب لازم تخسر ، الذكاء انك تكسب كتير اوي علشان خسائرك متبقاش واضحة .

- ادفع ثمن كل حاجة ، متفرحش باي حاجة مجاناً ، لان بنسبة كبير هتدمر تفكيرك ، و اعرف ان قانون الحياة ان مفيش حاجة بلا مقابل ، حتي عبادة ربنا ليها مقابل ده قانون .

- مفيش مقاييس للنجاح ، كل واحد بينجح بطريقته و في حدود امكانياته ، النجاح ممكن تكون ست بيت شاطرة ، ام او أب عظيم ، حياة مريحة بلا ضغوط ، اوعي تمشي وراء مقياس نجاح حد لأنك ممكن تكتشف ان ده مش انت في النهاية .

- اخسر المعركة بس اكسب الحرب ، ركز دائماً علي النتيجة النهائية مش المكسب او الخسارة القريبة ، اصنع رؤيتك .

- ابسط الأشياء هي اللي بتصنع اكبر الأشياء ، الجبال بتتكون من شوية حصي ، و بوضوا الملايين بتتكون مش شوية جنيهات ، اوعي تبص علي الصورة الاخيرة و تفكر تنفذها ، رجع كل نهاية للبديات بتاعتها هتلاقي نفسك جاهز ليها .

بقلم: شريف سعيد - خواطر جميلة
.