عاونوني

[سلسبيل حياة]

انا دائما عندما اصنع المقروط يبدا يتفتت ما علاباليش السبب قولولي بليز الطريقة الصحيحة

[OUM DANIA]

هل تقصدين مقروط المقلة او الكوشة

[سلسبيل حياة]

مقروط المقلة

[ام انفال الاء لجين]

اظن الاشكال في العبر نتاع السمن او الزبدة......ربما راكي تزيدي
.......اختي انا المقروض ناجح معي 100بالمئة.......ديري 3عبار نتاع سميد بعبر واحد نتاع سمن دائب و قرصة ملح فاني.كاس سكر.لما تبسيه بالسمن مليح رشيه فقط بكاس نتاع ماء زهر و خليه يريح انا نشمه في الليل و الصباح نخدمه......لما تحبي تخدميه حطي بجانبك اناء فيه ماء+ماء زهر و بداي نشمخي غير بالشوية قد حربوش واحد ....و التكملة واضحة اظن تعرفي الطريقة نتاع التشكيل و الطبع......اما بخصوص الحشو ندير الغرس اي التمر نضيف له شوية كوكاو محمص و مطحون و شوية قرفة و شوية كبابة و شوية زيت باش يبقى طري و ما يفسدش في مدة قصيرة خافي الصيف.......بالتوفيق اختي و اي سؤال تفضلي.

[*توبــــة*]

حبيبتي أنا جامي درت مقروط المقلة

ومقروط الكوشة شوفي وصفة ام أماني تعجبني بزاااف

[OUM DANIA]

السلام عليكم انا اسفة للتاخير عندي وصفة مقروط المقلة العتمد عليها في كل مناسباتي وللامانة هي لدليلة سليماني الوصفة كالتالي ;3 كيلات سميد حرش 1 كيلة ليدام ولي هو ( 1/2سمن 1/4 مرغرين 1/4 زيت)2 بيضات 4ملاعق اكل سكر عادي 4 ملاعق كبار فرينة رشة ملح فاني ماء ماء الزهر للم العجينة والان نروحو للكيفية نخلط كل المواد الجافةمعا نضيف ليدام ذايب ونحكوهم بالكفين جيدا ونخلوه يبات ثم في اليوم الموالي نضيف البيض ونلم بالماء و ماء الزهر لازم العجينة ماتكونش يابسة باش ما تتفتتش لان السميد يتشرب الماء بسرعة بعدها نشكلوه كالعادة ونقلوه في زيت سخونة عل نار متوسطة باش يطيب مليح من الداخل و مايتحمرش بسرعة ثم لما يطيب من المقلة مباشرة للعسل نتمنى اختي اني افدتك جربيه وان شاء الله ماتندميش ارجوان تدعو لابي وابنتي بالشفاء

[ام ياسين187]

chwiya farina dirihalah tkhalih yetmassak

[سلسبيل حياة]

merci allah ya7fadkoum