موضوع مميز الجزء الثالث من وصفات حراير واش طيبتي اليوم - الصفحة 67

idron0 · 2017-05-30, 15:28

فريث اوملات abdelkader bech

idron0 · 2017-05-30, 15:30

الشكشوكة abdelkader bech

idron0 · 2017-05-30, 15:46

حريرة بطريقة مختلفة ام سراج و ملاك

idron0 · 2017-05-30, 15:49

كيكة بالفلان nina sirin

idron0 · 2017-05-30, 15:58

دولمة السردين حياة نور الدين

idron0 · 2017-05-30, 16:32

بوزلوف في الفرن ام كادي

اولا تشوطيه ووو الطر يقة المتعارف عليها ثم تحطيه في الماء و الملح و ملعقة طماطم مصبرة و الكمون و حبة بصل مقطعة على 4 و سنات توم و ورقة رند و تخليه يطيب مليح حتى يولي يتنحى من العظم تقطريه و تعمليلو خردل و زبدة و كمون و راس لحانوت و دوقيه على الملح ادا يحتاج و بصل رابي غير شوية و فلفل اسود و ثوم وتديريه في كيس الشواء و دخليه يطيب راح يجي بنييييييييييييييييييين يهبل يهبل ايه حقا تقدري تنحيلو لعضام و لا تخليهملو.

idron0 · 2017-06-01, 15:36

تحلية merry-mora

سييت الوصفة لاول مره لقيتها تان فاليوتوب

ديري نص لتر حليب زتخلي شوية تحلي فيه زوج مغارف كبار مايزينة والحليب لاخر خليه فوق النار يسخن زيديلو زوج معارف ونص سكر ومغرف قهوة سريعة الذوبان انا درت نسكافي خلطي مليح حتى يدوبو من بعد زيدي المايزينة لي خلطتيها في شوية حليب وحركي حتى يعقد المزيج وديريهم في كؤوس وزيني انا للامانة
كي بردت شوية خلطت شوية شانتيي فيها باش تبقى خفيفة كي تبرد ماتجمدش بزاف .

الماسة النادرة · 2017-06-01, 15:48

يعطيك الصحة اختي ربي يفرحك خاصة البوزلوف امممممم

idron0 · 2017-06-03, 13:43

لوبيا ماشطو بحلة جديدة امنية غفران

الطريقة الاولى

حكمت لوبيا ماشطو اكيد بعد غسلها قطعنها و فورتها لازم تفوريها و من جهة ارحي نصف صدر دجاج و كي تفور هاديك اللوبيا زيدي ارحيها كيما ارحيتي الدجاج و من بعد خلطيهم مع بعض يعني الدجاج و اللوبيا و ضيفي توابل كيما فلفل اسود و ملح طبعا و كمون و زيدي شوية زنجبيل و مغيرفة صغيرة زيت و شوية ثوم مرابي وخلطي حتى تتجانس جميع المكونات

ملاحظة: لازم تكون كمية اللوبيا اكثر من الدجاج

و هنايا غطسي يدك في الزيت و اعملي كويرات و دخليهم للثلاجة مدة صغيرة ادا حبيبتي و من بعد مرمديهم في الفرينة ثم البيض و من بعد في شابليير و تكوني موجدة مقلة الزيت فوق النار مافيهاش زيت بزاف و اقليهم وحطيهم فوق ورق ماص

من جهة وجدي صوص من عظم هاداك الصدر مع بصلة صغيرة مرابية و سنينات ثوم و شوية و ضيفي شوية فلفل اكحل و ملح وقلي مليح و من بعد مرقي و ضيفي وريقة رند و خلي طيب شوية راهي ما طولش

و من بعد حطي هادوك الكويرات في مول الكوشة و ضيفي ليه الصوص و غطي المول و دخليه للكوشة قيس ما تحسيه طاب الدجاج ما يطولش نحي الغطاء خليه دقائق و خرجيه من الكوشة و بصحتكم

الطريقة الثانية

هي فكرة اني وضعتهم في لي غامكا باش ما يزعفوش مني اخواتي نقصد هادوك طويجينات الصغيرونين نتاع كل فرد في العائلة

نفس العملية فقط الكويرات فوريهم قبل ما تقليهم حطيهم في كسكاس بعد ما تدهنيه بالزيت و تفوريهم ما يشدوش الوقت باش نضمنو برك الدجاج يكون طاب و من بعد هنايا قليهم في زيت قليل بـــــدون ما ديريهم في الفرينة و البيض و شابلير
و حضري هادوك الطويجينات ديري فيهم كل وحدة شرائح طماطم في القاعدة و حطي فوقهم على الاقل ثلاث كويرات ديجا هاداك واش يهزو ههههههههههه

و من بعد فرغي عليهم خليط الي متكون من ياوورت طبيعي مخلط مع البيض فيه شوية ملح و فلفل اكحل ادا حبيبتي و دخليهم للفرن قيس ما تشوفي شد روحو و ادا حبيتي فقصي حبة بيض في كل طويجن و زينيه بعرف معدنوس و رجعيهم للفرن يطيب
و بصحتكم

idron0 · 2017-06-03, 13:59

مبطن الليبي امنية غفران

هاد المبطن الحق خفيف ظريف و مايديش الوقت الله يبارك تحية عطرة لاخوتنا الليبيين و ربي يكون معاهم

الطريقة ساهلة ممكن تكونو تعرفوها تقطعي البطاطا دوائر ماشي رقاق و انقعيهم في الما المملح مدة نصف ساعة هاد العملية ضرورية باش تتنحا هاديك القصوحية نتاع البطاطا كي تجي تخدميها مبطن

و من بعد تحكمي البطاطا المقطعة بالوحدة بالوحدة و تحليها بالموس بلا ما توصلي للحافة شغل تعملي جيب و تحشيها بالكفتة الي تكوني داويتيها بالملح و التوابل حتى تحصلي على الشكل كيما في الصورة و من بعد تغطسيهم في البيض و تمرمديهم في شابلير و تقليهم لازم في البداية سخني الزيت مليح و كي تجي ترمي المبطن نقصي النار و خليهم يتقلاو في غرضهم مع التقليب المستمر ما تخافيش رايحة طييب البطاطا و اللحم و من بعد حطيهم فوق ورق ماص

اليوم قدمته عادي مكان البوراك و ممكن ترافقيه بصوص بيضا بالحميصة هنايا يولي طاجين مبطن حطي الحبيبات و سقيهم بالصوص

و بصحتكم احلى مبطن

idron0 · 2017-06-07, 12:14

باش يولي المنتدى يطلع خفيف زخرفة

اولا استعملي Google Chrome

من بعد حمليلو تطبيق ad blocker

هذا باش ينحي الاعلانات

من بعد بالنسبة لتوقيعات المنخرطين

روحي في لوحة التحكم

من بعد تعديل الخيارات

و نحي اظهار التواقيع

و نحي عرض الصور الرمزية

و خلي فقط الصور خاطش كان تنحيهم ما تشوفيش واش طيبو خواتاتك

و طبعا الحاجة لي راهي تثقل المنتدى هي الاقتباسات للصور

كي تحط وحدة صورة اختها باش تقوللها صحيتي تدير اقتباس و هذا يرجع الصفحة ثقيلة من كثرة الاعادة .

idron0 · 2017-06-07, 12:21

موس الليمون حياة نور الدين

idron0 · 2017-06-07, 12:45

وصفة الخبز ام انس 69

idron0 · 2017-06-07, 12:55

دولمة السلق امنية غفران

و الوصفة ديتها من عند هاد الاخت ربي يحفظها انا برك صوص درت فيها الحميصة ماشي زيتون و زدت شمست الكويرات في الزيت يعني قليتهم في شوي زيت قبل ما نرميهم في الصوص خفت لا يتحلو في المرق ههههههههههه

idron0 · 2017-06-11, 17:13

دجاج روتي مرفوق بلوبيا ماشطو و بطاطا امنية غفران

حكمت الدجاج درته في ساشيات الفور و ضفت ليه الملح فلفل اكحل و كمون و زنجبيل و شوية حرور مطحون و وو ريقات رند و ضفت ملعقة كبيرة زيت و ضفت فنجان قهوة ماء و زدت سنينات ثوم كل سنينة مقسومة على زوج

غلقت الساشية و حركت مليح باش تندمج المكونات و دخلته الفرن و كي شفته طاب نحيتو من الساشي و فرغته في قالب الفرن مع هاديك لاصوص امممم باش يتحمر من فوق

و لوبيا ماشطو فورتها و من بعد في مقلة حطيت شوي زيدة غي ذابت ارميت ليها اللوبيا و رابيت زوج سنينات ثوم و شوي ملح و خليتها تتشمس في نار قليلة مع كل مرة نهز المقلة و من بعد نقلبها اللوبيا غي بالعقل كي نشوفو لونها تبدل شوي نطفي النار

و البطاطا نحكم حبيبات و نطيبهم في الماء المملح و كي يطيبو نحي القشرة نخليهم يبردو مليح و من بعد نقطعم دوائر و نشمسهم في هاديك المقلة الي شمست فيها اللوبيا غي يحمارو نحيهم

و قدمي الدجاج مع اللوبيا و البطاطا مرفوقيين بهاديك الصوص امممممممممممم

ملاحظة باش تجيك الصوص ماشي مالحة ما تكثريش الملح مع الدجاج في البداية

و بصحتكم