استشارة تابع

الله يجيب الخير

[kameljijeli]

سلام عليكم
بحكم تجربتي, فقد عشت سنوات في فرنسا و دول أوروبية, أقول أن أغلب الشباب الجزائريين المولودين هناك لايعرفون الدين جيدا و لا يتقنون اللغة العربية ناهيك عن طيشهم و تهورهم. و اعذريني لأقول أن طريقة عيشهم لاتختلف في شيئ عن الفرنسيين, فالكثيرين يعاقرون الخمر, ويتعاطون المخدرات, أما العلاقات الج.... مع الفتيات فحدث ولا حرج. لا أكذب عليك, عن نفسي لو يخطب أحدهم أختي أو إبنتي فلن أزوجها له مهما يكن

[loubna 91]

انتي صلي استخاره بصح نصيحه خطيك راكي تجازفي من تجربه شخصيه

[زبدة ذايبة]

يا أختي وش ممكن تتوقعي من هذا الخاطب ؟؟؟؟

كنت تستناي يجيب معاه لبنات لداركم ولايجيب معاه المسكرات هذا مستحيل وأبدا تقدري تشوفيه ؟؟؟؟؟!!!!!!!!!!!!!

راه ناوي يتسقم ومازال مايصليش

أولادنا الصغار كي يبداو يتعلمو الوقفة يعرفو الصلاة يعرف " الله أكبر" ويركع كيما تركع يماه وجداتو

وهذا حياتو كامل ماشافش واحد يصلي مستحيل

باش راه مسلم؟؟؟؟ بالصيام برك

نرجع ليك انت

باش رايحة تبني دارك وحياتك الزوجية؟؟؟؟ باش ؟؟؟؟؟


ماعندك حتى دعائم ترتكزي عليها غير أنه خدام ويدخل الشهرية

هذا مايكفيش الحياة الزوجية تختلف كل الاختلاف على نهار الخطبة

يبان الراجل ماكاش خير منو.

انتبهي وين تحطي رجليك. نعرف من صديقاتي الجزائريات اللي تقدمولهم ناس مابدلوهمش ومن بعد الزواج تكتشف المرأة أن الزوج تاع خمور و........

وياريت تقدر تحكم عليه الدليل على الأقل تقول قدام الناس أن زوجي فاسد. على هذا تطلقت ماكاين حتى دليل . يدير كلشي بالتخبية ومايخلي حتى أثر

عمرنا ماسمعنا بخاطب جا يخطب وفي يدو العصا ولا يجي يضارب مع أهل المخطوبة.

يعني خوك كي عجبو مايكفيش هذي الصورة الشكلية باش تبني بيتك.

إذا كان هذا الإنسان صادق في أنه رايح يتحسن راح يوفقو ربي

لكن انت ماتغامريش بحياتك

قولو رانا نعرفو ناس في فرنسا في المنطقة اللي راك ساكن فيها نسقسيو عليك وشوفو ردت فعلو إذا يوافق أولا.

صدقيني الزواج الدخول فيه سهل والخروج منو أصعب بكثير

أنت الآن سيدة نفسك ومن بعد ماتتزوجي يولي هو السيد انتاعك واش يقول تطبقي

إذن اختاري سيدك جيدا. أن يكون ذو دين وخلق فأنت قد فزت ورب الكعبة

مازلت صغيرة واستخيري مرة ثانية وماتغركش فرنسا الرزق عل رب العالمين

راحة البال والهنا بالدنيا كامل.

أنا أختك لكبيرة ماتزعفيش لو كان نكون قاسية عليك.