استفسار حول الفيزلين (تم الرد)

amel... · 2014-12-09, 15:19

السلام عليكم ... نتمنا تكونو ملاح و صحتكم بخير
بعدما درت الكوراج و عولت حتا انا نولي نخيط معليش غير حوايج ليا بداو يبانولي حوايج منعرفهمش كيما
الفيزلين
محتاجة نعرف و كتاش نستعملها و كيفاه نثبتها و معلومات عليها ادا ممكن
رني نيتنا فيكم جاوبوني و ربي يجازيكم ان شاء الله

djamilach23 · 2014-12-09, 15:34

الفازلين نوع من القماش مثل الورق به غراء نسفج به رقبة القندورة روحي لعند عمنا قوقل واكتبي قماش الفازلين وستتعرفين عليه اكثر هو يباع بالمتر او عبارة عن رولو مثل الشرط الستان

الخروبية · 2014-12-09, 15:58

السلام عليكم ختى الفازلين كيما قالت الخت قبلى ونستعملوه تانى كيما نخدمو الحاشية فى لقنادر ونديروه فى قنادر الطرز وقنادر الشامسة وقنادر الحرج كاين 2 انواع خشين ورقيق يعنى عندو استعملات كثيرة بصح نتى فحلة وحتتعلمى قريب تحية من الخروبية للجميع سلام ياكرام

تقوى اماني · 2014-12-09, 16:32

يعطيك الصحة خروبية
وقتاه حبيبتي تكملينا الدرس تاع الفتلة بالماشينة

أم أيوب 11 · 2014-12-10, 22:48

الفيزلين يشبه الورق نستعملوه بكثرة في الطرز
لالصاقه يجب وضع الجهة التي تلمع مباشرة اسفل القماش ونفوت عليه بالحداد اي المكواة على درجة حرارة معتدلة حتى يثبت
نتمنى نكون افدتك وراني هنا لاي استفسار

stayfiya · 2014-12-10, 23:03

اسمو الفيزلين اختي الفازلين كريم تاع يدين و نستعملوها في التجميل و الفيزلين تساعمليها في ظهر القماش باش تطرزي فوقها ولا تبلاسيها على الحواف توقف الخدمه كاين انواع الرقيقه و المتوسطه و لخشيته على حسب لقماش لي تتعاملي معاه تخيري السمك
وجهها لي يبرق هذاك فيه لاكول هو لي يجي فوق لقماش من اسفل و تحديه مليح حتى يتغير لونو تعرفي بلي ذاب لاكول و لصق فقط