ساعدوني في وصفات من القمح و الشعير

[denise]

با بنات حنا في دارنا نديرو العجين بصح بالسميد فقط .و دركا يما مرضت و نصحها الطبيب بالقمح و الشعير و النخالة.......و انا جامي استعملتهم و ما نعرفش من نبداه اصلا..

من فضلكم لي موالفا تطيب بالقمح و الشعير و النخالة و يجيها الخبز مليح تعطيني وصفات مضبوطة للكسرة و المطلوع او خبز الدار والبغرير و مختلف انواع الخبز سواءا على الطاجين و الفرن

كذلك المرمز من غير التشيشة واش نقدر نعمل بيه؟؟؟؟؟

ربي يحفظلكم صحتكم و يجازيكم الف خير ان شاء الله

[fadila34]

ربي يشفي يماك اختي انا نطيب بالقمح نقولك على المطلوع والكسرة المطلوع ديري كمية من الدقيق القمح وحطي الخميرة وسكر وملح ولملي العجينة ومتكثريش الماء خطر ميحبش الماء كما الدقيق وادلكيه بلما تقطعي العجينة لمي برك وخليه شوية حام روحو وقرسي كما المطلوع العادي بصح مترقيش القورصة ونتمنا نكون فهمتك اما الكسر دقيق القمح وملح ولاحبيتي ديري شوية زيت وخليها يابسة وقرسي وطيبي فى الطاجين اما دقيق الشعير يجي قسرة يقلولها مزامنة وهي دقيق الشعير وخميرة المطلوع شوية برك وماء ساخن واعجنيها بلا ماتقطعي وحطيها فى نفس الدقيق وغطيها ثاني بدقيق وخليها خمر وقرسيها وطيبيها فى طاجين الكسر راهي تشققة من فوق

[fadila34]

[fadila34]

[ام هاديل وياسين]

ادخلي لهاد الرابط كاين وصفة للاخت زينب https://www.djelfa.info/vb/showthrea...1712996&page=6

وزيدي حوسي في مواضيعها تلقاي وصفات اخرى

[denise]

يعطيكم الصحة يا بنات على الوصفات