Pancake بانكيك من مطبخ ساريتا حياكم ~

رثاآء · 2014-04-18, 21:22

السلام عليكم حبيباتي
عندها هادي مدة وانا نشتهي في البانكيك (راني كيما اللي راهي تتوحم)
جا الوقت اللي درته اليوم وحبيت نشارككم الوصفة
مع العلم هذي وصفة جد ناجحة ودايما كل ما نديرها تخرجلي وما يجيش معجن ,,,,يجي خفيف وجد شهي دونك ديروها وادعولي

نبدو مع المقادير:
4 بيض
300 ملل حليب
300غ فرينة
4ملاعق كبار سكر
1 كيس خميرة كيميائية
قرصة ملح

نفصل الصفار عن البياض
في وعاء نخلطو الصفار مع الحليب+الفرينة +ملح+الخميرة الكيميائية + السكر
من جهة نطلعو البياض en neige ونضيفوه للمزيج الاول
هنا ننصحك اختي تستعملي spatule وجربي ما تطلعيش الهوا من المزيج خلطي بشوية حتى يتجانس
وخليه يريّح لمدة 15 دقيقة (كل ما زادت المدة كل ما كان احسن )
من بعد طيبيه عادي كيما les crepes
وبالصحة والراحة

وهنا من الداخل

لا تنسونا من صالح الدعاء