اختى الصغرى رح تتزوج قبلي وبدأت تعايرني

قمر السلام · 2013-09-24, 10:22

انا فتاة عمري 23 سنة كنت مخطوبة لمحامي لمدة 7 اشهر عقدنا

وكل شي بس شاءت الاقدار انهم يفرقو بيننا

المهم انه بعد ما انفصلنا حزنت شوية من كلام الناس ولكن ربي

ارضاني لما سمعت على خطيبي بلي مهوش مليح

والي نتلاقا بيه يقولي انه يسكر ومهوش مليح اخلاقيا حمدت ربي

ومسحت دموعي وقلت منزيدش نتفكر الي جرحني وجرح اهلي

بعد ما ساعدناه

انا عندي تقريبا شهرين ونص منلي افترقنا والمشكلة انو عقدنا يعني

درك راني مطلقة عزباء يعني معرستش مزلت فتاة

اختى الاسبوع الماضي جاوها ناس يخطبوا مشاء الله طبيب جراح

عظام انا زعلت شوي وقلت في نفسي انا حياتي كامل عشتها

بالحزن

وكنت مكتئبة في فترة المراهقة وكنت محجبة ومنرفعش راسي من

الارض والكل يضرب المثل بي في الحياء ولا عمري هدرت مع

اي شاب

غير الي معايا في القسم ومش دايما غير لما نسأل على شيئ في

مجال الدراسة

عمري مطيحت كلمة لاي شخص

حياتي الماضية كلها دمووع و

هموم

وفي الاخير لما خطبني هاد المحامي انا قلت الحمدلله نهاية همومي

اخيرا ربي جازاني اخيرا رح نذوق الابتسامة وطعم الحرية

والسعادة

ولكن طلقني وزاد هم على همي وزدت رحت للمسابقة باش نشارك

مقبلونيش كل شيئ منغلق في وجهي اي حاجة نحط عليها يدي

متصلحش وهكداك ونقول الحمدلله بمعطاة ربي

الا اني ساعات نقول

اختي حياتها كاملة وهي تلبس وتمكيج وتخرج وتجي

وزاد ربي جازاها بزوج طبيب جراح وزاد رح تتزوج قبلي والي

زاد الطين بلة

انها قالتلي اسمعي عندك تولي تحسي بلي انا الصغيرة تزوجت قبلك

وانتي الكبيرة راكي قعدتي

وولات تعايرني المطلقة هي وامي جرحوني وقالولي بلي راكي

زاعلة وامي قالت اني زعلت من اختي

هربت عند بيت جدي وبقيت سمانة نصحوني ورتاحت اعصابي

راني وليت اليوم وهوما راهم يشروا ويجهزوا في القش

وجهازي الي اخترتوا بنفسي وبنيت بيه احلامي والي تخيلت انو

رح يكون في داري والي كل قطعة شريتها واخترتها تخليلت روحي

بيها

كلهم كلهم رح تتديهم هي

يخي ربي وصف وسمى نفسو العدل مش شاكة في رحمة ربي

ولكن

خالدينهو · 2013-09-24, 11:10

يا اختي الله يبارك عليك وعلى اخلاقك ولي خلق عمرو مايضيع
عسى ان تكرهو شيئا وهو خير لكم

محمد جديدي التبسي · 2013-09-24, 11:18

ينقصك الرضا بالقضاء والقدر وعدم التسخط والتفاؤل مازالت في سن تجلب لك الكثير من الخطاب وزيد صيدلية الله يبارك
المهم أن تبقى سمعتك طيبة واصبري وسيأتيك رزقك واعلمي أن كل ما اختاره الله لك هو خير لك
أما أختك فأكثري من الدعاء لها بأن تتيسر أمورها ويوفقها الله في زواجها وسيقول الملك "ولك بالمثل"
أما كونها تعايرك فهذا يدل على طيش منها وقلة عقل ادعيلها بالهداية وكوني أرزن وأوعى
ربي يفتح عليك ...

حميد.ص · 2013-09-24, 11:19

أولا هاذي أختك لازم عليك تفرحي ............بيها اسالي الي ماعندهاش أخت لكي تعرفي قيمة الاخت.
ثانيا: وبالمقابل أختك الواجب عليها أيضا أن تواسيكي في ما لم توفقي فيه
ثالثا: احمدي الله على أنه صرف عنك هذا الرجل
رابعا: بما ان أخلاقك طيبة فان الله سوف يرزقك برجل طيب القلب مثلك

ربي يعطيك الخير

راجية رضى الرحمان · 2013-09-24, 11:32

السلام عليكم و رحمة الله تعالى و بركاته
أخيتي , ,
لعلك من شدة وجعك بدوت ناقمة على أختك ,, لكن الأكيد أنك تحملين لها بقلبك حبا يجعلك تدعين لها بالخير و السعادة
أما عنكِ فتأكدي أن الله أحن عليك من أمك و أبيك و أنه ما صرف عنك أمرا تحبينه إلا ليرزقك بأفضل منه ,,
تيقني يا أخية أن مقادير الله كلها خير ,,
أدعو الله أن يفرج كربك و ينير دربك و يسعد قلبك ,,

تحياتي ..

قمر السلام · 2013-09-24, 13:41

امين يارب العالمين ربي يخليكم

omar1992 · 2013-09-24, 16:05

أسأل الله ان يرزقك الزوج الصالح

أسومة المتفائلة · 2013-09-24, 17:50

ربي يرزقك الزوج الصالح
ماتتقلقيش اختي كلشي بيد ربي انت صبري
اختك ربي يهنيها عارفة كلامها قاسي ويجرح مي تبقى اختك ديري بالك عليها ونصحيها راهي صغيرة ومش واعية واش تقول
ربي يزين سعدك ويهنيك وربي يصبرك

أم عيشوش · 2013-09-24, 17:59

هذه دنيا ابتلاءات والله يحط حملوا على اللي يحبوا كما تقول جدتي اياك ان تشكي في عدل الله فهو يختبرك ان صبرت فلك الجزاء الحسن وان تمردت و كفرتي فلك العقاب
واهلك لازمهم يراعوا شعورك لانوا الواحد كون ما تحسش بيه امو شكون يحس بيه
ندعوا لك بتفريج همك و غمك ويعوضك الله خيرا من اللي فات

خديجةوفاء · 2013-09-24, 18:26

السلام عليكم
اختي الفاضلة ادعو الله لكي ان يوفقكي في حياتك وان يرزقك الزوج الصالح ويعوضكي علي لي فات من حياتك

thawizat · 2013-09-24, 18:35

أختي ربي يعوض عليك ويرزقك بزوج صالح
بصح يماك و أختك ربي يهديهم

RABHA ALI · 2013-09-24, 21:41

راجعي نفسك و حاسبيها.............
أنت غير راضية بحالك ............................
فيكشيء من الغيرة إن لم يكن حسدا تجاه أختك.................................
تمنين على من بحجابك وبسترتك؟ لا أدري الحجاب فرض لا نقاش فيه................ فلماذا تقولين أنا كذا و أختي كذا واعطاها ربي..............
استغفري أختي فهذا كله من عمل الشيطان........................................... ........
افرحي لأختك.... شاركيها انشغالها وسيعوضك الله خيرا................................ وإن تأخر نصيبك فارضي فالكثيرات لايملكن قسطا بسيطا مما تملكين.وتجدينهن قانعات مستسلمات لمشيئة الله.
و انت في 23 من العمر ساخطة على عدم زواجك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

**د لا ل** · 2013-09-25, 00:19

السلام عليكم ورحمة الله وبركاته

لم كل هذا اليأس يا اختي ؟؟؟

قد يكون الامر صعبا ومؤلما عليكي حقا ولكنه خير باذن الله ثقي فقط بان الله يختار لنا دائما الافضل وما انتِ فيه هو الأفضل لكِ على الاقل في هذا الوقت

والله اذ ا احب عبدا ابتلاه وهو يبتلي الانسان ليرى مقدار صبره وتحمله فاصبري واحتسبي الاجر يا اختي وتيقني ان بعد العسر يسر وبعد الشدة يأتي الفرج حتما
عليكي بالقليل من الصبر وحسن الظن بالله والرضا بما قسمه الله لكِ وباذن الله سيفرج الله همكِ ويعوضك خيرا ويرزقك بالزوج الصالح التقي

ثم ماذا يعني طبيب جراح ؟؟ اعتقد اننا نرى الانسان باخلاقه وشخصه فقد يكون طبيبا وربما جراحا حتى لكنه لا يمت للدين بصله او لا يعرف قاموسه معنى الاخلاق ابدا

فلا تنظري للامر من هاته الجهة

هي اختك فافرحي وتمني السعادة لها ولكِ بالمثل ان شاء الله وحتى ان كانت تؤذيكي بلسانها فكوني افضل منها وقابلي الاساءة بالحسنى دائما والله سيعوضك خيرا باذن الله

يقول الامام حسن البصري رحمه الله

**علمت ان نصيبي في الدنيا لن يأخذه غيري فاطمئن قلبي **

لذا ثقي ان نصيبك من الدنيا سيأتيكي حتما بقليل من الصبر وكثرة الدعاء وحسن الظن بالله

فتأملي خيرا يا اختي وحاولي ان تنسي احزانك وافرحي مع الاخرين كي يُفرحك الله ويُعوضك خيرا

وربي يصلح الاحوال

وفقكِ الله

~~نايفز55~~ · 2013-09-25, 09:24

مشكلتكم انكم دئما طعين في رجال يكنوا بمناصبهم مرموقة طبيب محامي شغل هذم في نظركم رجال و سباك و ماصوا وميكانكي هذم مخلوقات فضائية لا تصلح لزواج

رابي شاف خير في طلاق من هذا الرجل وممكن يجي لأحسن منوا وزيد قاع رانا عيشين مشاكل موش غير انت

انا نقولك اذا عباد ظلموك ربي ما يظلمش وزيد يجي يوم تقولي كوت غير نقلق في روحي والله يا اختي انا نقولك عبى حسب تجربتي في حياة

كاين بزاف امور كنت حابها وربي ما كتبهاليش بصح مع الوقت عدة نحمد في ربي لاني دئما نكتشف اني كنت راح نتهلك بسبت هذك الشيئ لكنت متعلق به

بصح ربي نجاني منوا

خلي دنيا تدي حقها كيما جات جات .

flash_122 · 2013-09-25, 09:31

e77emdi rebbi, w mate9entich men ra7emtou
w nchallah rebbi ya3tik ma khir mennou w l9ech w edrahem rahom wsekh eddenia w 3omrek matenedmi 3lihom
rebbi ya3tik ya okhti 3la 7saab niytek wida ma3takch e7tasibiha 3inda ellah rahi khir meddeniya w ma fiha
ed3i rebbi ya3tik s7i7tek w y9owik bessber