وصفات من حراير مطبخ وش طيبتي اليوم

[natacabell]

نوتيلا البيضاء ل افروديث

aphrodite16

النوتيلا سااااهلة ماااهلة في ميكسور ديري كاس زيت كاس حليب كاس لحظة و كاس سكر قلاصي وخلييييهم يتخلطووو حتى يتجانسو ملييييييح مليح وادا حبيتيها كحلة نحي اللحظة و ديري في بلاصتها كاكاو

[aphrodite16]

الديول ل lilouchaf



aphrodite hadik atarika te3 le pinceau te3 silicon mais la pate ana ndir kass smid ou ness farina ou nzid kass ou ness ma melh ou nkhelet mlih ou nkhlih yertah bah essmid ou l farina yedhoubou mlih maa el ma
wa nsekhen mekla tefal wa nekhdem
nkhelihoum yenechefou koul wahda wahedha men baad bah nejmaahoum fhemti

[*عاشقة الجنة*]

sabinaz

عصير الفراولة على طريقة صليحة بسكري ننصحكم نجربوه رووووعة



في الاول وجدي السيرو اللي هو عصير كغ ليمون مع 800غ سكر وزاست القارص كي يذوب السكر زيذي قيس كوب منه لاي فاكهة حبيتيها واعصريها انا درت الفراولة وزيدي الماء انت وذوقك

[فاطمةع]

وهذي وصفة المعقودة لدائمة الحمد وام رياض وراهي كيما تديروها نظن المهم هاهي اذا عجبتكم
بطاطا مشرشمة ( الكمية حسب العائلة )
دبشة مقطعة رقيق
فرماج
بيضة وملح وفلفل اسود
تخلطي الكل مع بعض وتصنعي كويرات ولا اصابع وتحطيهم في الفرينة ثم البيض واقليهم وبالصحة والعافية يارب

[lilouchaf]

بيسكوي رولي افروديت

مرسيييي ليلوشاف ربي يخليك حبيبتي
و البيسكوي رولي انا ما نفصلش البيضاض على الصفار
في البيتران طلعي 6 بيض دافيين مع شوية فاني طلعييييييهم مليييييح ملييييح اومباعد زيدي 150 سكر و كملي طلعيييهم ملييح راح يولي عندك موس
حبسي البيتران و ابداي تزيدي 150 غ فرينة مغ مغرف صغيرة خميرة تاع الحلوى بالسباتيلا و خلطي من تحت لفوق الفرينة زيديها على 2 دفعات والا 3
و تكوني سخنتي الفووور و فرشي بابيي كويسون على السنوية و طيبي الخليط ما يطولش وحد 10 دقايق
كي يخرج روليه في طرشونة مندية و خليه فالفريجيدار
اومباعد حليه و واحشييه باش تحبي و عاودي رولييه

[ام سراج وملاك]

رووووووووووووووووووووووووووعة يعطكم الصحة

دونات من مطبخ nari21
راح نمدالك وصفة تاع دونات تدعيلي عليها راني معتمدتها من بكري وتجي ريشة المهم ديري 2كيسان حليب يغلو كي يغلو طفي وديفيلهوم نصف كاس زبدة وحركي حتى يدوب وزيديلهوم نصف كاس سكر عادي وخليها حتى تدفى من بعد زيدي بيضة وملعقة لفاني ومغرف كبيرة خميرة تاع الخبز ولمي بالفرينة حتى توالي عندك عجينة طرية خليها تخمر ساعة من بعد شكليها دونات وزيدي خليها تخمر كي تخمر مليح اقليها وشبحي باش بغيتي كي تسييها رديلي لخبر بصحتك

[ام ندى 87]

نصائح البقلاوة من عند الهام

1- عجينة البقلاوة تتعجن مليح ماشي بزاف كيما الشخشوخة بصح دخليها مليح في بعضاها باش ترجع مطاطية وماتتقطعلكش كي تحليها
- وتخليها تريح باش ماتعبكش في الحلان
- ديريها وسط لاهي جارية لا ناشفة: لو جريها رايحة تعبك في الحلان تلصق في الماشينة ولوكان تيبسيها تعبك ثاني في الحلان ومن بعد كي طيب جيك تتفتت
2- العلو نتاع الحشو : قبل ماتبداي في البقلاوة ترحي اللوز نتاعك وتحطيه في الصينية اللي رايحة تخدمي بيها وتعدليه من بعد ديري ثقبة ف وسط الصينية بصبعك وشوفي العلو نتاع الحشو مالازمش تكون عالية بزاف ماجيش باهية الحبة وجي ثقيلة وممكن يطير العجين من الحشو من بعد كي تطيب و تتقص
- العلو نتاع العجينة : انا ديما ندير 5 ورقات من تحت و 4 من فوق لازم يكون كاين تناسق مابين العلو نتاع العجين والحشو مثلا : ماشي العجين العلو نتاعها خشين والحشو رقيق والعكس ثاني ماشي مليح
قتلك انا ندير 5 من تحت و4 من فوق ونحل بيدي بصح نحلها رقيييييقة كيما ورقة الكراس عندي الماشينة بصح نحلها بيدي نحب نتاكد باللي جات رقيقة ملي مليح.
3- لالا ماتدهنيش الحشو راني فهمتك علاه وحقة كاين سبب آخر وهو ممكن ثاني ماخليتيهاش شربت مليح العسل وتسرعتي وقصيتيها أنا ماما تخليها قداش من يوم حتى تتشرب مليح باش تقصها تبقى متماسكة
4- الحشو : مايكونش جاري ولا ناشف لانو لو يكون ناشف بزاف رايح ينفل عن العجين كيما صراتلك انت ولوكان يكون جاري كي دخليها للفرن يغلي الماء اللي فيه ويرجع سائل لانو السكر يذوب ويخرجلك الحشو ما بين الحبات ومن بعد كي يخرج من النار يتحرق يرجع كاراميل وجيك البقلاوة يابسة
نصيحتي : تخلطي الحشو مسبقا بنص نهار مثلا وتخلطيه مليح باش وتغطيه مليح بكيس بلاستيك ولازوج لانو ينشف بسررررررعة لذلك لازم يتغطى مليح من الهواء وتخليه عدة ساعات يذوب السكر نتاعو هذا أحسن
ماتنحيلوش الكيس حتان تكوني خلصتي طبقات العجين السفلية وتوجدي الطبقة الأولى نتاع العجينة اللي رايحة تحطيها فوق الحشو باش تنحيلو الكيس وتحطيه فوق العجينة ومباشرة تغطيه بورة عجين اللي وجدتيها مسبقا هكذا ماينشفش الحشو
5- اللوز يقشروه فقط بصح مانحمصوهش لالا صراحة انا نحب نرحيه بقشورو وممكن نزيد فيه شوية عطر الجوز كي تشوفيه يبانك لوز وجوز حتى الطعم يبانلي خير بصح كل واحد وذوقو
- أرحيه ماهو خشين ماهو رقيق ياخي مالفة تاكلي البقلاوة ماديريهش رقيق جيك كلي معجنة الحشوة وكون تخليه خشين يجيك الحشو يتفتت وأنت تاكلي في حبة البقلاوة لانو مرحي اللوز خشين مايتماسكش الحشو

6- طرقيتك في الحلان صحيحة مع انني كيما قتلك نحلو بيدي مانقسمش القرصة نحلها كامل قرصة مدورة ونهزها بالشوية بالحلال ونحطها في الصينية

7- شفتك تستقسي على زبدة التوريق : أستعملي أي ماركة انا نستعمل ديما صالحة متوفرة في كل المحلات

وهاهي بقلاوتي إن شاء الله تصلحلك أنت ثاني :
إضغط هنا لرؤية الصورة بحجمها الطبيعي.

عن قرب التورييييييييق

إضغط هنا لرؤية الصورة بحجمها الطبيعي.

أتمنى تكوني استفدت

سفنج المتالقة الغالية lahna moka
دائمة الحمد غاليتي السفنج درتو من راسي و الحمد لله نجحلي
درت كمية سميد ناعم يعني غربلت الرقيق برك حوالي 500غ و زدتلها شوية فرينة حوالي كأس و ملعقة صغيرة ملح و في الاول زدت الماء الدافيء غير بالشوية حتى تجمعت العجينة و لازم تكون قاسية عجنتها مليح و مين ذاك نبلل يدي بالما و نعجن
درت خميرة الخبز حوالي ملعقة كبيرة و نصف في كأس ماء دافئ مع شوية سكر حتى طلعت و بديت نزيدها للعجينة غير بالشوية و انا نعجن و هكذا كي تكمل الخميرة نزيد بالشوية الماء حتى تطرى شوية العجينة درتها في كيس مبلل بماء سخون و خليتها ترتاح نصف ساعة
و عاودت عجنتها مليح و اذا خصها الماء نزيد حتى ولاّت طرية بزاف بصح ماشي جارية يعني طرية حاكمة روحها و درتها في اناء تختمر و بعدها شمخت يدي بالماء و بديت نقلي, نحطها فالمقلاة تكون الزيت فيها غزيرة و سخوووونة و كي تبدى تدير الفقاعات نرش عليها الزيت بالملعقة حتى تنتفخ و تحصلي على هاذي مممممممم
إضغط هنا لرؤية الصورة بحجمها الطبيعي.

[R I A D]

هذه وصفة دولمة فلفل بطريقتي RIAD
لقيت واحدة ما جابتها قلت نجيبها انا لعل و عسى كاش نهار واحدة تستنفع بها :

تبلي اللحم المرحي كيما موالفة تتبليه معدنوس و بصل و ثوم وبيضة و شوية روز و التوابل....(اذالحم قليل ديري غير الصفار) و
خذي الفلفل اغسليه و انزعيلو القبعة تاعو ثم عمريه باللحم المرحي و الباقي من اللحم اعمليه بولات
خذي مقلاة كبيرة حطي فيها شوية زيت في القعر برك و ستفي الفلفل و خليه يتحمر على الجهتين ثم انزعيه و في نفس المقلاة قلي البصل و 2 سنات توم و توابل لما يتقلاو زيدي عليهم 3 حبات طماطم مكرفجة و 1مك طماطم مصبرة و قلي ثم امرقي ماش بزاف الماء (1لتر)و اذا الدولمة قليلة ديري اقل و لما يغلي ستفي الفلفل و زيدي لي بولات و خليه على نار متوسطة الى هادئه حتى يطيب
و قدميه في صحن التقديم الفلفل حبة و راء ختها و على الجانبين لي بولات و رشي عليه شوية دبشة وبالصحة و العافية

[دائمة الحمد]

ليلو الكفتاجي هوطبق لذيذ نعملوه خاصة في الصيف او كمقبلة للضياف وفي رمضان نعملو تقريبا يوميا


تقصي البطاطا مربعات وتقليها وتحطيها في صحن بلا وفوقها الطماطم تقصيها مربعات وتقلبها مع شوية زيت وملح وسنة ثوم مرابيا
وتقلي الفلفل وتقشريه وتقطعيه مربعات وتزيدي تحطيه جريوات تقصيها دوائر وتقليها وتعمليها ومن فوق تعملي البيض طايب وتجملي من فوق كيما تحبي


ليلو الصحن هذا خص نص ليك


إضغط هنا لرؤية الصورة بحجمها الطبيعي.

[*عاشقة الجنة*]

nawel zed

تحلية للسيدة يعلى



طلعي كرام شانتي الكمية اللي تحبي بالحليب عادي تخليها تبرد في هاذاك الوقت تبرشي التفاح الاصفر و ديريلو القارص باه ما يتبدلش لونو و تذوبي شكولا بالماء كيما دارت هي تجي غاااامقة تجيبي الشانتي تزيديلها مبشور التفاح و الشكولا المذابة و تحركي مرتيييييييييين فقط باه تجي degradée و تقدميها مع فراولة كيما دارت هي المهم حاجة حمراااء قالت انا ما لقيتش غير الطماطم ما تصلحش بنة تهبل امممم و تجي خفيفة التفاح ينقص من الدسامة جربوها

[أم إناس]

ام محمد تاج

وصفة صابلي بالعسل






صابلي العسل
ثلاث بيضات ضربيهم مع زوج مغارف كبار سكر وخمس مغارف كبار عسل ورشة ملح ورشة فاني خبطي مليح حتان يذوب السكر وزيدي كاس متوسط زيت وثلاث مغارف معمرين زبدة طرية وراني ناكد حبيباتي راه عندنا ثلاث بيضات يعني الزيت يكون الكاس متوسط مايش كبير ونخبط مليح ونزيد باكي خميرة وثلاث مغارف نشا والفرينة حتان تتلم ندير العجينة في كيس ونخليها ترتاح عشر دقائق ونطبعها ونطيبها ونلصقها بالمعجون وعلى لحواشي نسخن شوي عسل وندهن على لحواشي ونلصق القوفريط مرحي من الاحسن ذوق الشوكولاطة

[Hemal]

merciiiiiiiiiiiiiiiiiiiiiiiiiiiiiiiii

[أم إناس]

ام مروان
تحليه
اسمه fraisier






من عيووووووووووووووووووووووووني يا الغاليااااااااااااااااااااات
الوصفة :
1- ديري جينواز عادية طيبيها في بلا او قالب مدور
بعد الطياب قطعيها الى 3 ديسكات ( دوائر ) و المهم جداااااااا انك يكون عندك قالب الشارلوت
2- فراز تقطعيه في الطول
3- توجدي سيرو فيه كاس سكر + كاس ماء + حبات فراز 2 او 3 و حطيه على النار حتي يثقال شوووووية
4- ارحي في الميكسور 300 غ فراز ثم حطيه في كاسرونة و + عليه 150 غ سكر عادي و خليه حتى يغلي ثم + عليه 1 م. ك جيلاتين و حاولي تخلطي مليح باش تذوب الجلاتين ثم نحيها على النار و بدليلها الكاسرونة و خليها تبرد شوية مع خلطها كل مرة ( حطيها في الثلاجة احسن ) ماتنساييييييش الخلط مرة على مرة
5- بالخلاط خلطي 250 ملل كرام فراش ماطلعيهاش بزاف شوية برك غير كيما تحكم روحها ثم جيبي الخليط رقم 4 وخلطيه معاها و لكن باليد و بواسطة السباتيل

6- نحكم مول الشاغلوت ندهنه بالجولي من داخل و للضمان اكثر قبل ما تدهنيها غلفيها بورق الفيلم ثم حطي ديسك واحد وشربيه بالسيرو و ستفي على جوانب المول الفراز المقطع في الطول ثم ضعي كمية من الكريمة
( خليط الفراز و الكرام فراش ) ثم تحطي عليها شوية فراز مقطع ثم ديك اخر من الجينواز ( مذابيكم يكون قطره ناقص شوية على الاول ) نشربه بالسيرو ثم الكريمة ثم قطع فراز ثم الديسك الثالث و الاخييير نشربه بالسيرو و نحط عليه قيس 2 م.ك من الكريمة و نستفه ملييييح مع المول ثم نضعه شوية في المجمد قيس ربع ساعة و نخرجه نخفق كرام شونتي بودر مع الحليب الباااارد و ندير طبقة فوقانية و نرجعه للثلاجة و نخلييييييييه من الصبااح للعشية و نديموليه واش نقولكم يدي راها تكسرت من الكتيبة و التفتاش على الحروووووووف مي ماشي خساااااارة فيكم
ملاحظات :
يمكنكم الاستغناء على هذه الكريم و تبدلوها بكرام موسليييين او كرام باتسييييير وحدها
يمكنكم الاستغناء على الطبقة الفوقانية نتاع الشونتي و ديرو في بلاصتها لا بات داموند تحلوها بسمك 3 ملم و تحطوها من فوق مع قص الجونب نتاعها قيس القالب اللي عندكم ok
علابالي بلي دوختكم و لكنها تحلييييييية تستااااااااااهل العناء