راح نهبل من السفنج عاونوني

touta04 · 2014-08-27, 20:58

السلااااااااام على جميع نساء الجلفة الفحلات
راح نبدا ديراكت في الموضوع لاني مخنوقة عندي مشكلة مع السفنج عندي 3 ايام و انا ندير فيه يجيني ميش طالع و غلبني من الترقيق تع العجينة(لانوا معندناش هذيك الي نرقق بيها)تتمرمدت و مابانش عليها راح يهبلني السفنج اعطوني وصفاتكم بالتدقيق حبيت ننجح فيه لاني نحبوا و حابة نولي ندي معايا للجامعة كي نروح نقرا لاني نقعد في الاقامة
ربي يحفضكم عاونوني......و سمعت بواحد السفنج ميكونش عجينة يعني يكون سائل ة نهزوا بالمغرفة و نقليه فكرة هايلة باه نتهنى من القنوط ههههههههههههههههههه نشاء الله تعاونوني و ربي يحفضكم و يباركلكم

و ملاحظة واش الفرق بين الي نديروه بالدقيق و الي نديروه بالفرينة مع العلم انو الي درتوا بالفرينة.......................نهاية الشهر قضنا الدقيق هههههههههههههههههههههههههههههههههههه

أم ياسين الزهراء · 2014-08-27, 21:24

هدا درناها وناجح

https://www.djelfa.info/vb/showthread.php?t=1651958

touta04 · 2014-08-27, 21:29

شكرااااااااااااااااااااااااااااااااا ربي يحفضلك ياسين.انشاء الله تنجح معايا

سمسومة 05 · 2014-08-28, 00:35

كيما قاتلك الاخت ام ياسين الزهراء والله جربتهم وخرجو روووووووووعة شكرا لحبيبتي ام انس يعطيها الصحة اما السفنج السائل راني درتو اليوم يجي خفيف يهبل لكن ماجربتش نخبيه لانو ملي نديروه يكملو الكمية كلها جربي هذا المقدار وشوفي ديري زوج بيضات مغرف سكر شوي فاني او معطر غرفية حليب ونصف باكي خميرة طيميائية خلطي مليح ومباعد زيدي الدقيق يكون متوسط ديري بشوي وخلطي حتى تتحصلي على خليط كيما نتاع الموسكوتشو وكملي نصف باكي الخميرة وخلطي ميح وسخني الزيت وهزي بالمغرف وحطي في المقلاة استناي شوي وابداي فرغي عليها الزيت من الفوق باش تتنفخ وقلبي حتى تكملي الكمية اللي عندك هوما بتعسلو تحبي ديريلهم العسل او ترمديهم في اسكر خفيف ومقرمش روعة نتمنى نكون افدتك

touta04 · 2014-08-28, 11:52

شكرااااااااااااااااااااااااااااااااااااااااااا اختي رح نجربهم اليوم و نردلك انشاء الله يصلحوا.....مي لاحظت انك مخليتيهاش تتخمر؟؟؟؟؟؟؟؟؟؟؟؟؟

ادرارية · 2014-08-28, 13:09

https://www.djelfa.info/vb/showthread.php?t=1554457

جربي هاد الوصفة ان شاء الله تنجح معاك

touta04 · 2014-08-28, 20:12

اقتباس:

المشاركة الأصلية كتبت بواسطة سمسومة 05

كيما قاتلك الاخت ام ياسين الزهراء والله جربتهم وخرجو روووووووووعة شكرا لحبيبتي ام انس يعطيها الصحة اما السفنج السائل راني درتو اليوم يجي خفيف يهبل لكن ماجربتش نخبيه لانو ملي نديروه يكملو الكمية كلها جربي هذا المقدار وشوفي ديري زوج بيضات مغرف سكر شوي فاني او معطر غرفية حليب ونصف باكي خميرة طيميائية خلطي مليح ومباعد زيدي الدقيق يكون متوسط ديري بشوي وخلطي حتى تتحصلي على خليط كيما نتاع الموسكوتشو وكملي نصف باكي الخميرة وخلطي ميح وسخني الزيت وهزي بالمغرف وحطي في المقلاة استناي شوي وابداي فرغي عليها الزيت من الفوق باش تتنفخ وقلبي حتى تكملي الكمية اللي عندك هوما بتعسلو تحبي ديريلهم العسل او ترمديهم في اسكر خفيف ومقرمش روعة نتمنى نكون افدتك

شكرااااااااااااااااااا اختي و راني درتهم اليوم مي جاوني الداخل معجنين يعني علاه؟؟؟؟؟مع اني درت كيما قتيلي الا اني ثقلت شوي العجينة جات كي تتهز في المغرف ثقيلة شوي باه طيح انصحيني كيفاة نديرهم؟؟؟و راني مخليتهاش تطلع يخي هك

و مدبيك كي ديريهم وريلي الصور تعيشي ربي يحفضك زو شكراااااااااا

سمسومة 05 · 2014-08-28, 20:29

حبيبتي الطريقة صحيحة وايه ماتخليهاش تخمر ان شاء الله المرة الجاية كي نديرهم نحاول نحط الصور مازال مبتدئة ومانعرفش لكن اظن انك تريدين الوصفة اللي تكون منفوخة وفارغة خلاص من الداخل ماعليك غير بوصفة ام انس ربي يحفضها والله راااااااااااااائعة جربيها وحاولي ترققي العجينة شوي وخليها تخمر مدة مليحة والله تهبل

touta04 · 2014-08-28, 22:24

اقتباس:

المشاركة الأصلية كتبت بواسطة سمسومة 05

حبيبتي الطريقة صحيحة وايه ماتخليهاش تخمر ان شاء الله المرة الجاية كي نديرهم نحاول نحط الصور مازال مبتدئة ومانعرفش لكن اظن انك تريدين الوصفة اللي تكون منفوخة وفارغة خلاص من الداخل ماعليك غير بوصفة ام انس ربي يحفضها والله راااااااااااااائعة جربيها وحاولي ترققي العجينة شوي وخليها تخمر مدة مليحة والله تهبل

شكرااااااااااااااااااااااااااااااا خلاص درك نجربها ة نشاء الله تنجح و شكراااا كي قولتيلي صحيحة وااااااااااااااااااي نجحت ههههههههههههههههههههههههه ربي يحفضك اختي

الجسم في غربة والروح في وطن · 2014-08-29, 02:43

ـ و الله ما كان ينجحلي لسفنج مي كي جلربت الوصفة نتاع صوامعية والله غير وليت كل دقيقة نديرو ساهل او يجي هايل هاو الرابط جربيه على ضمانتي https://www.djelfa.info/vb/showthread.php?t=885990