قلب الوز الكيسان محشية ولديدة

[فرح.]

• بسم الله الرحمن الرحيم
  السلام عليكم ورحمة الله تعالى وبركاته
  تبارك الله مشاء الله
• قلب الوز نتاع الكيسان محشية ويعطيها الصحة صاحبة الوصفة قالت بلي هاد الوصفة كيما نتاع المحلات انا نقولكم هاد الوصفة احلى واحلى من تاع المحلات جربووووها — ‏
• 
• 
• 
• اول شي نحضر الشاربات لازم تبات هي سر نجاح قلب الوز
• 500غ سكر في لتر واحد من الماء نضعه فوق النار ونخليه حتى يغلي ولما يغلي نقص النار شوية ونحسب مدة 20 دقيقة وبعدها نطفي النار ونضيف كاس غير ربع ماء الزهر
• 
• طريقة ‏تحضير قلب الوز الكيلات كلها بكاس الاتاي
• 
• وهنا نضع 10كيسان سميد مع 6كيسان سكر

• وهنا مابين يدينا نخلط جيدااااااا السميد والسكر مدة ساعتين نروح ونجي عليه وحنا نخلط فيه مابين يدينا حتى يرجع السميد يبرق
• 
  
  وهنانضيف 3كيسان اتاي ماء الزهر وباطرف الاصابع نخلط السميد جيداااا
  
• 
  

انا علاش قلت باطرف الاصابع باه مايتعجنش غير يتخلط مع ماء الزهر فقط ونكونو تحصلنا على خليط قلب الوز

• والبلاط ندهنوه بالزبدة

• 
• ونضع كمية السميد في البلاط
• 
• ونرش عليه الحشو ناشف ماشي مشمخ
• 
• ونكمل نرش باقي السميد على الحشو وباطرف الاصابع نوزع السميد بشكل متساوي على الصينية
  
• 
• ونجيب طبسي فيه شوية ماء وملعقة ونشمخ الملعقة في الماء ونمسح الوجه جيدا لنتحصل على وجه مسطح
• 
• ونقسم بالطول فقط وندخلو الفور مسخن مسبقا في درجة 180 حتى تتحمر على الاطراف ونشعلها من الفوق نحمرها
• 
• 
• ونحيها سحونة ونسقيها بشربات بارد دفعة واحدة ونطفي الفور ونرجعها للفور هكداك سخون ونغلق عليها ونخليها مدة ساعة وكي تبرد نقسمها
• ولازم تخليها مدة طويلة من المستحسن تبات ادا مصبرتوش عليها هههههه خلوها على الاقل مدة 7سعات
• ان شاء الله تجربوها وتعجبكم
• ودعولي لي ولي عائلتي من صالح دعائكن ولكن بالمثل
• 
• 
• 

هدا هو السميد الي خدمت بيه

[أم محمد تاج]

روووووووووعة الله يعطيك الصحة

[مسعود رحاب]

ماشاء الله لكن اختي ساعتين و انتي تخلطي في الشيشة ماشي بزاف و تعيشي قوليلي نوعية التشيشة

[اسمهان79]

أحلى تقييم روعةةةةةةة بارك الله فيكي و تسلم ايدك حبيبتي

[um alaa]

baraka ellaho fik rawwwwwwwwwwww3a rani djarabtou men 9bel hayel

[ام مهدي 03]

ان شاء الله نجربها والله تعقدت من قلب اللوز جامى صلحلى شكلو الذوق رائع لكن الشكل ربى يجيب
خرجلك تحفة. قوليلى كى تسقيه بالشاربات ما طيرش القشرة الفوقانية؟

[saddam02]

emmmmmmmmmmm ziiina

ci bien fait

[fleur de lili]

ra3aaaaaaaaaaaa

[أم غيلاس]

تهبل يعطيك الصحة

[طالبة النجاحْ~]

يشهي يعطيك الصحة احلي تقييييم

[om_hadil]

رووووووعة يعطيك الصحححححححة

[فرح.]

المشاركة الأصلية كتبت بواسطة مسعود رحاب

ماشاء الله لكن اختي ساعتين و انتي تخلطي في الشيشة ماشي بزاف و تعيشي قوليلي نوعية التشيشة

مدة ساعتين وانت تروحي وتجي على الدقيق يعني ماشي تقعجيلو لتم ساعتين وانت تخلطي ههههة والله طيحي دوخي كاع
اما السميد راني صورتلكم في الموضوغ النوعية سميد sim متوسط

[فرح.]

المشاركة الأصلية كتبت بواسطة ام مهدي 03

ان شاء الله نجربها والله تعقدت من قلب اللوز جامى صلحلى شكلو الذوق رائع لكن الشكل ربى يجيب
خرجلك تحفة. قوليلى كى تسقيه بالشاربات ما طيرش القشرة الفوقانية؟

كي تسقيها بالشربات ماطيرليش القشرة الفوقانية راك شفتي الصور
بلاك مراكيش كيبي شربات من قبل يعني لازم تبات

[imy 26]

تهبل يعطيك الصحة

[عازفة الناي]

روووووووووووووووووووووووووعة وتهبل يعطيك الصحة