صوص بيضاء للبيزا بديل الموزاريلا بنيييين و اقتصادي

widada111 · 2017-04-25, 17:13

اليوم جبتلكم وصفة هايلة للصوص بيضاء للبيتزا إذا مكانش عندك فروماج رابي و لا الموزاريلا كاين البديل و الله بنين بزاااااااااااااااااااااااااااااااااف و اقتصادي
نحكمو 5 حبات فرماج
5مغارف كبار حليب
3مغارف كبار زيت
حبة بيض
الملح
نميكسو الكل بالميكسور و نديروه فوق البيزا نتاعنا و ندخلوها للفور و الله تجي هاد الصوص بنييييييينة جربوها و الله ما تندموا و دعوة خير برك من عندكم سلااااااااااااااااااااااااااام:m h31:

عبدالودود13 · 2017-04-25, 17:22

اخت وداد لدي مشكل مع البيتزا اتبع جميع المقادير و في الاخير لا تنجح البيتزا معي تأتي قاسية و مثل الخبز لا تأتي طرية و هشة معي مثل بيتزا المحلات

و الفرينة اختي هل يجب ان اختار نوعية مثلا ام مادا

widada111 · 2017-04-25, 17:40

أخي أناالعجينة المعتمدة عندي و الله تجي بنينة و هشة 3 كيسان فرينة مغرف كبيرة خميرة الخبز الملح
مغرف كبيرلة سكر و حبة بيض و مغرف كبيرة لحظة
الطريقة أنك تحل الخميرة و السكر في كأس ماء دافئ و تخليهم بجيه مدة دقيقة
تخلط الفرينة مع الملح و اللحظة و البيض و تزيد ليهم الماء لي فيه الخميرة و السكر و تلم و تزيد الماء حتى تتحصل على عجينة تتلصق من بعد زيد 2مغارف زيت هذا هو السر انك تضيف الزيت حتى الأخير و تدلك العجينة نتاعك مليح مليح و تخليها ساعة تخمر في مكان دافئ
و بغيت نعطيك ملاحظة برك أنا البيزا كي ندخلها للفور نشعلها من الفوق و التحت مدة5 دقايق حتى تشد روحا من بعد نزيد نخرجها و نزيد ليها لاصوص و االفرماج و الزيتون و نردها للفور مدة 5 دقايق برك و انشاء الله نكون أفدتك

أم رقية نسرين · 2017-04-25, 17:53

يعطيك الصحة و جزاكي الله خيرا إن شاء الله نجربها و نقولك

رحمة2016 · 2017-04-25, 18:40

بارك الله فيك اختي

اميريم19 · 2017-04-26, 11:26

بارك الله فيك اختي نجربها ان شاء الله

شمس بريكة · 2017-04-30, 11:06

شمس 15 · 2017-04-30, 18:29

ربي يحفظك ختي....

ام معاذ واسيا · 2017-05-01, 20:26

السلام عليكم
شكرا اخت وداد على الوصفات وانا بدوري نفيدك بعجينتي تاع البيتزا معتمدتها هايلة
كاس ماء دافي+كاس حليب دافي+كاش زيت+ملعقة خميرة خيزنخلط الكل ثم نضيف الفرينة +1خمارة حلوى ونلم العجينة حتى نحصل على عجينة لينة نقدر نستعملها مباشرة
لا تنسونا من صالح دعائكم

ام معاذ واسيا · 2017-05-01, 20:30

السلام عليكم
شكرا اخت وداد على الوصفات وانا بدوري نفيدك بعجينتي تاع البيتزا معتمدتها هايلة
كاس ماء دافي+كاس حليب دافي+كاش زيت+ملعقة خميرة خيزنخلط الكل ثم نضيف الفرينة +1خمارة حلوى ونلم العجينة حتى نحصل على عجينة لينة نقدر نستعملها مباشرة والملح ما تنساوهش بطبيعة الحال
لا تنسونا من صالح دعائكم