لمونة اقتصادية

[ام سوهيل]

البسملة1

اليوم جبتلكم لمونة اقتصادية وبنينة كنة حطيت الصور في موضوع

ام حمزة وطلبولي الاخواة الوصفة

املا قلة منبخلش على خياتي وحضرتها وصورتلكم المراحل

انروحو للمقادير

اولى نحتاجو 2كسان تع ماء دافي انا ندير كاس ماء وكاس حليب +نصف كاس زيت +كاس سكر عادي +مغرف ونصف خمارة العجين +قرصة ملح

+نصف مغرف لفاني وفرينة حسب الحاجة

وهاهية المقادير في الصورة




ومن بعد نخلطو كل المقادير معاد الفرينة حتى يدوب السكر والخميرة



ومن بعد نضيف الفرينة بي التدريج ونخلطو بي الاصابع بلا مندلكوها



ومنشفوهاش بزاف لزم تبقا تتلصق في اليد كما الصورة



ونخدو قصعة او معون كبير على الي خلطنا فيه العجينة نديرو فيه ماء ساخن ونغطو اللمونة ونخلوها حتى تخمر ويتضاعف الحجم انتاعها





نبلو يدينا بي الماء ونلموها تولي كما هكا يعني تولي رطبة ومتلصقش بزاف



نشكلوها خبيزاة او كويرات صغار كما حبينا انا درة خبزات ونحطوها في صنيوة مدهونة ونشعلو الفرن يسخن 5د ونطفوه وندخلوها فيه حتى تخمر

كما الصورة



ونعاودو نشعلو الفرن نتاعنا من الفوق ومن الاسفل وندخلوها اطيب

وهادا شكلها بعد ما طابت تحمرة مليح بلا مندهنوها بي اي شيء فقط كي نكونو نخبزوفيها في الصنية نستعينو بي الماء باش متلسقش والماء هوالي يعطيها الون



نخلوها حتى تبرد تماما بش نقدرو نتحكموفيها ونقطعوها في الوسط ونعمروها بي الكريمة


ونلصقوها ونطلوها اما بي الشكلاط اوالمربي ونرشوها من الفوق بي السكر قلاصي




والكريمة اي نوع كريمة يصلح معاها سواء كريمة اليمون اوالبرتقال او اللكرام بتسيار او حتى نحشوها بي المربي عادي

دعوة في ضهر الغيب تكفيني