تفضلوا دجاج محمر فالفرن 2 من مطبخ ليزابال

lyzzabel · 2014-04-12, 00:07

مرحبا بكن حبيباتي في موضوع جديد و طريقة اخرى من طرقي في تحضير الدجاج محمر فالفرن ممممم هههه
بدون إطالة هاهي المقادير
دجاجة منقية و مغسولة مليييح طبعا بالماء و الخل
بصلة متوسطة رابي
اربع فصوص ثوم رابي
شوية معدنوس مقطع رقيق
ملح فلفل اسود كمون راس الحانوت سكنجبير
أوراق رند
زيت الزيتون أو زيت عادي
خمس فصوص ثوم صحاح
قليل من الماء
نأتي الى الطريقة
أولا نحضر الحشو ندير في صحن عميق البصلة رابي و الثوم رابي و ملح ،ربع م ص فلفل اسود ، نص م ص كمون و المعدنوس المقطع و نخلط مليح و نخليه بجهة

نوجد التتبيلة بخلط م ص مملوءة ملح نص م ص فلفل اسود نص م ص سكنجبير م ص كمون م ص راس الحانوت اربع م ك زيت الزيتون أو زيت عادي و نخلط ملييييح و نتبل الدجاجة من الداخل و الخارج من كل النواحي

نفتح الدجاجة من جهة الفخذين بالأصبع بين الجلد و اللحم كما هو موضح في الصور و نأخذ شوية من الحشو نحشي بيه فالفتحة لي عملناها و نفتح أيضاً في منطقة الصدر بالأصبع من الجهتين كما في الصور و نحشي بالحشو و طبعا نحشيها داخل البطن بباقي الخليط و نحط معاه فصوص الثوم الصحاح و ورقات رند و نخلي ورقتين أو ثلاثة بجهة

نحط الدجاجة في صينية الفرن على جهة البطن و نكون ربطتلهاا رجليها مع بعض بخيط باش تبقى ملمومة فالطياب ونسقي بجنبها بزوج كيسان ماء و نرمي معاها الرند لي بقى

نغطي بورق الألمنيوم طبعا نقدر نستعمل كيس الشواء و ندخل لفرن سااااااخن من قبل على 220 درجة و نخليها تطيب مدة ساعة ونصف حتى لزوج سوايع بلا ما ننسى نسقيها بالصلصة تاعها مرة على مرة ومين نشوفها تحمرت من فوق نقلبها على الجهة الأخرى غير بالشوية باش تحافظ على شكلها و نخليها تزيد تطيب و تتحمر مليح
و النتيجة عندك دجاج محمر فالفرن و لذييييييذ كيييييما يبغيه الخاطر مممممممم

نتمنى تجربو الوصفة حبيباتي لانها فعلا رااااءعة انا نديرها من بكري و ما نستغنااااش عليها
راني كثرت الصور باش تكون الطريقة مفهومة مليييييح بصح راهم خرجو ملخبطيييين و النت راهي ثقييييييلة عجزت نعاود نحملهم ههه
و في الأخير أتمنى ان تعجبكم وصفتي اللذيذة و الى اللقاء في موضوع آخر بإذن المولى عز وجل
و طبعا دعوة خيييير بزااااف عليا

تينا ماريا · 2014-04-12, 06:15

تشهي يعطيك الصحة اختى

دائمة الحمد · 2014-04-12, 07:43

اكيد راح تعجبنا وصفتك اللذيذة ليزابيل الغالية وكل وصفاتك رائعة

x ام رحاب x · 2014-04-12, 08:49

وصفاتك كلها رائعة بلا نقاش ربي يخليك لينا يارب

oum anas 69 · 2014-04-12, 08:50

الله يبارك ليزابال راكي محترفة في طبخ الدجاج ممممم
كيما تقول إلهام الله يذكرها بالخير مادابيك تبعثيهالي من تحت الطابلة لامن شاف لامن درى هههههه
و تشجيعا لكي الموضوع للتثبيت حتى يطلع عليه أكبر عدد من الأخوات

*بيتي مملكتي* · 2014-04-12, 08:59

امممممممممممممممممممممم تشهييي يعطيك الصحة حبوبة ليزابال

أم ياسين الزهراء · 2014-04-12, 09:05

اممممممممممممممممم هايلة نمووووووووووووووووووووت على الجاج المحمر يعطيك الصحة ياشاف

ام نوردين · 2014-04-12, 09:19

يعطيك الصحة ليزابيل وصفاتك دايما 444444444444444444444444

lyzzabel · 2014-04-12, 09:21

شكرااااااا حبيباتي فرحتوووووني بردودكم و تعليقاتكم الجمييييلة
ولي فرحني اكثر هو تثبيت الموضوووووع هههه شكراااااا حبيبتي ام انس طاطايا الغاااااالية و ربي يخليك ليا
حبيباتي انتن الاررررروع يا أحلى رفقة

بشرى2008 · 2014-04-12, 09:52

أممممممممممممممممممممممممممممممممممممممممممممممممم مممممممممممممممممممممممممممممممممممممممممممم راهي قتلتني

imene mimicha 05 · 2014-04-12, 09:56

اممممممممم رائعة يعطيك الصحة

أم محمد تاج · 2014-04-12, 10:01

حبيبتي الله يعطيك الصحة ياعسلاية وتقريبا نفس طريقتي بصح كي نلوح سنينات الثوم والرند في الدجاجة نحط معاهم ربطة معدنووووس ممم تخرج ثاني هايلة
مبروووك التثبييييت تستاهلي كل خيييييير

أم إناس · 2014-04-12, 10:06

امممممممممممممم اليزابل حنونه محمر على الكيف امممممم يعطيك الصحه وَبَارِكْ الله فيك
امممممممممممممواح
ومبروك عليك التثبيت تستاهلي لان كل دجاجاتك محمرين ويشهو اممممممم

iaman.fr · 2014-04-12, 10:28

يعطيك الصحة

lyzzabel · 2014-04-12, 10:31

حبيبااااتي نتوما لي مممممممم ههه
ام محمد وييي مام انا راني دايرة المعدنوس من داخل مع فصوص الثوم بصح مقطع فالحشو مممممم هههه
موااااااح ليكم كااااامل نورتوا موضوعي