الى (حراير) وكل حرة تحب تتعلم فن الرسم على الحرير

[ام حمزة22]

G][Ittp://imMG][/IMG]السلام عليكم ورحمة الله تعالى وبركاته
اخواتي بعد تطبيقي لعملي في الدورة لي قامت بيها المشرفة الغالية فيفي ولي فتحتنا باب التعلم ربي يجازيها كل خير
هادا رابط الدورة https://www.djelfa.info/vb/showthread.php?t=1701489
تطبيقي في الرسم علي الساتان هو عبارة عن شال او باليطة نتاع الفتول انا ما نعرفش كيفية الفتول لاكن دبرت راسي بيد ما تدخل كاش حرة تعلمنا هاد المهنة او هاد الفن
القماش لي نسحقوه هو ساتان ميترا وربع نرشم نصف المربع لي يصبحنا مثلث وباه نرشم نسحق ورق الكالك الخاص بالقماش
بعد الرشم نبدا في تلوين الرسم وقبل ما ينشف نرش عليه البرييون باه يتبت مليح
ملاحضة : انا هنا ما ستعملتش الوسيط البركاني لان ما كانش متوفر عندي بصح ما كانش مشكل تقدري تخدمي بلا بيه
الا حبيتي تتعلمي تخدمي بالويسط البركاني عودي لالرابط تصيبي الكيفية مع الحرة فيفي
بعد ما كملنا تلوين الشال نحدد من الخلف الخدمة نلصق الورود لي خدمتهم بالحاشية الدهبية ثم نخيط المربع نتاعنا الوجه للوه باه يصبح مثلت ما ننساش كي نخيط نخلي فتحة صغيرى باه نخرج القسم الداخلي باه تكون عندنا خدمة مقيقيا
بعد ما قلبنا المثلث على الوجه نبدة نخدم الفتول نتعنا لاكن مثل ما قلتلكم فالاول للفتول لي ستعملتو من اختصاصي ساها وانق
عندنا كبة خيط حرير نعمل سلاسل بالكروشي مثل ماراه يبانلكم في الصور
من بعد نحكم الفسكار نتاع الفتول نفتحو ونقطعو من جهة ونخليه طويل باه يجونا فتول طوال و شبين
وان شاء الله الطريقة وللشرح تكون مفهومة
و اي استفسارات راني هنا للجواب بادن الله












[I




سامحوني نسيت نقوللكم الادوات المستعملة [IMG]http:
وهي البنتير لون دهبي وفضي وكدالك البرييون دهبي وفضي
كدالك نسحق حاشية دهبية للورود للصغيرة
ومزيد من المعلومات عودو الى رابط الدورة راح تتعلمو احسن
اشكركن على المتابعة مسبقا

[ام هاديل وياسين]

كنت شفتو من قبل ولله غير عمل رائع خاصة كي تكوني الخدمة نتاع يد
يعطيك الصحة اختي ام حمزة اتمنى لكي التوفيق

[سمراء الدنيا]

[تغرينية]

الله الله عليك روعه

[صدفات]

يعطيك الصحة يا أم حمزة وربي يحفظك من العين نتمنى لو في يوم نقدر نصنع حاجة كيما هذه

[ثلوج الشتاء]

فعلا أكثر من راااااااااااائع

[crono]

بسم الله ماشاء الله فن وتحفة ربي يعينك يعطيك الصحة
حويك من عاداتنا لازم يكون في الحنة
أي شي يرشي العينين نحبو هههه:d
نقولولها بليطة الحنةويتحط على الاكتاف أنا خدمتها بغرزة الحساب
خصوصا كي تكون العروسة في شهورها الاولى نتاع العرس
كي تعمليلو بروش الله الله وتشديه بجهة والفتول ويزيدو فيها النص
تاني يجي كي تكون العروسة خارجة ولا رايحة لكاش عرس تدخل بيه لاصال وامبعد تنحو
هي والبربوس يجب ان يكونو ا حاظريين للتصديرة
وتبقى الاصالة ديالنا لي يلزم نستحفضو عليها
الا كتب ربي نصور وش خدمت نحطلكم شوي لعيونكم الحلويين
عملك جميل ونظيف ومتقن ما شاء الله
نتمنالك التوفيق والمزيد من الابداع يعطيك الصحة حبيبة
دمتي متالقة يا مبدعة
سلامي ياغالية
صحيتي

[ام حمزة22]

سلامي الحار للجميع
راني نحوس على الموضوع ما عقلتوش راه منور ومميز
بارك الله فيكم
وان شاء الله يستفاد منو الجميع

[ام حمزة22]

شكرا كرونو الله كلامك كاد ينزلي دموعي شديتهم على جال بنتي راهي قدامي ههههه
كرونو الا تعرفي تخدمي الفتول ديرلنا ورشة


صدفات الخدمة راهي اسهل ما يكون تقدري تبعي دروس الدورة لي تقوم بيها الغالية فيفي راح تسهل عليك التعلم

[*أم جابر*]

السلام عليكم اختي ام حمزة ماشاء الله والله روعة عليك اختي بالمداومة على الاذكار للحفظ من العين بارك الله فيك بوركت اختي

[ام حمزة22]

وعليكم السلام والرحمة والاكرام
شكرا ليك ام اسبد حفضني واياكم الله من كل شر آميييييييييييييين

[روح مراد]

الله يبارك الزين و الدين و طاعة الوالديين و صنعة اليدين ما شاء الله
حقا عمل رائع

[حورية38]

الله يباركلك حنونة شكرا على الطرح المميز والفتول كان تعرفي المكرامي هو نفس لغرز فقط الخيط يختلف

[ام حمزة22]

المشاركة الأصلية كتبت بواسطة حورية38

الله يباركلك حنونة شكرا على الطرح المميز والفتول كان تعرفي المكرامي هو نفس لغرز فقط الخيط يختلف

الله يسلمك حورية
وسكرا على الشرح المفيد الماكرمي ما نعرغلوش بصح بتي الله يحفضها تعلماتو من قوقل نقوللها تعلمني فالعطلة درك راهي مع الامتحنات ربي يوفقها ويوغق جميع وليدات المومنبن

المشاركة الأصلية كتبت بواسطة روح مراد

الله يبارك الزين و الدين و طاعة الوالديين و صنعة اليدين ما شاء الله
حقا عمل رائع

الله يسلمك روح مراد مرورك اسعدني
مشكوووووووورة

[fifiarch]

جميييل جدا العمل اختي ام حمزة

ماشاء الله عليك

والف شكر حبيبتي على الكلمات الطيبة