الى الأخت zawali قريوش من مطبخي + قريوش على شكل قلب

[*زهرة اللوتس*]

السلام عليكم، كنت وعدت اختي zawali نحطلها طريقة القريوش كي نعاود نخدمو، خدمتو الأيام اللي فاتو وصورت المراحل ان شاء الله تكون الطريقة واضحة
المقادير:
كاس مرغرين او سمن او زبدة ذايبة وباردة (انا استعملت السمن)
4 كيسان فرينة + 2 ملاعق صغيرة خميرة كيميائية+ ملح
بيضة+ ملعقة كبيرة خل+ كاس تاي تاع ماء الزهر
التحضير:
نبسس (الفرينة + الخميرة+ الملح) بالسمن مليح ونضيف خليط (البيضة+الخل+ ماء الزهر) ونكمل بالماء البارد حتى نتحصل على عجينة متماسكة مش طرية
نقسمها على 4 او 5 كريات غطيهم مليح، خليها ترتاح على الأقل ساعتين فما أكثر


ناخذ بالوحدة نحلها بالحلال ونرشها بكمية قليلة تاع النشاء(ماتكثريش) وطبقيها على 3 كيما البارمي (permis de conduire) كيما نخدمو العجينةالمورقة



دوري العجينة عاودي حليها ورشي رشة خفيفة جدا من النشاء وعاودي طبقيها على 3(نفس طريقة العجينة المورقة)




حليها شوية وخليها بجهة حتى تكملي الكريات كامل

ابداي حلي بالواحدة(ابداي بالأولى اللي خدمتيها)حليها بالحلال حوالي 2 ملم ا اذا استعملتي المشينة حليها في 1 ثم 3 ثم 4
ثم ابداي التشكيل كيما تحبي الشكل سواءا الشكل التقليدي للقريوش او اشكال اخرى(كاين بزاااااف اشكال)،
انا خدمت هاذ المرة شكل القلب اللي تعلمتو من عند الفنانة طومة نشكرها على كل وصفاتها ربي يعطيها ماتتمنى ويحفظها من كل سوء ويوفقها في حياتها، والصور توضح الطريقة







كي تكملي كل العجينة اللي عندك حطي الزيت في كاسرونة يكون عندها علو، حطي كمية مليحة تاع الزيت، سخنيها مليح ومبعد نقصي للنار ازم تكون متوسطة باش يجيك لونه ذهبي باهي ويطيب من داخل في نفس الوقت، حطي الحبات في نفس الوقت بصح نتباعدين ماتكثريش العدد انا حطيت 5 ،كي يطلعو الفوق لوحي عليهم الزيت بالملعقة حتى يتنفخو، ماتطوليش وقلبيهم يزيدو يطيبو وياخذو لون على الجهة الثانية وماتغفليش عليهم حركيهم باش يجي لونهم متجانس


انا ماقطعتش 3 خطوط في الوسط كيما دارت طومة ، قطعت 5 خطوط باش تجيني الحبة كبيرة وشكلها اجمل وكل وحدة كيما تحب الشكل

شوفو كيفاه تجي الحبة

نحيهم وخليهم يقطرو في كسكاس، واحتفظي بيهم لوقت الإستعمال، اذا في نفس اليوم خليهم يبردو مليح وعسليهم بعسل مخلط بشوية ماء الزهر(العسل بكون ثقيل )



ان شاء الله نكون وصلت الفكرة مليح، واذا كاين استفسار انا في الخدمة وسامحوني على كثرة الصور

[حية بذكر الله]

السلام عليكم

اواه لازم ندي حقي ^^

روعة ما شاء الله

بارك الله فيك

سلام

[ميمي2012]

مشاء الله بارك الله فيك على الشرح الواضح في ميزان حسناتك
رني نشرب في قهوة نتاعي مدابيك بلا منقلك حقي هههههههههههه

[لميس اميرة]

بارك الله فيك و الله خرجلك روعة روعة ماشاء الله

ان شاء الله نجرب وصفتك و طريقتك و يخرجلي كيما تاعك

لانو نتاعي يخرج احمر و مش منبل اطلاق يعني يجي مبسط بلا يعني

شكرا اختي و ربي يعطيك وقفة ساهلة

[raboha]

واااااااااااو شكلو هبال يعطيك الصحة و بارك الله فيك على المجهود
إن شاء الله نجربو عجبني شكلو بزاف

[تغرينية]

يعطيك الصحة الله يبارك يشهي

[ام رشدى]

شكرا اختي على الوصفة الرائعة نجربها باه الا نجحت فيها نديرو للعيد انشاء الله
فقط اختيانتي كبرتي الحبة وتبعتي نفس الطريقة الاولىيعني ندخل ونخرج حتى نوصل للحاشية ونجبدها هكدا
ياريت تجاوبيني اختي بارك الله فيكي

[أم محمد تاج]

الله يبارك رووووعة الله يعطيك الصحة

[*زهرة اللوتس*]

شكرا حبيباتي على الردود المشجعة ربي يحفظكم

المشاركة الأصلية كتبت بواسطة ام رشدى

شكرا اختي على الوصفة الرائعة نجربها باه الا نجحت فيها نديرو للعيد انشاء الله
فقط اختيانتي كبرتي الحبة وتبعتي نفس الطريقة الاولىيعني ندخل ونخرج حتى نوصل للحاشية ونجبدها هكدا
ياريت تجاوبيني اختي بارك الله فيكي

اختي ام رشدي هو شكل المربع كبريه شوية اذا حبيتي الحبة كبيرة وثاني شيء هو عدد الخطوط اللي داخل امربع طومة دارت 3 ( الخطوط تاع الجرارة اللي نقطعو بيها) وانا قطعت 5 خطوط تجي الحبة اجمل (طبعا رأيي الشخصي) وكل واحد وذوقه وتقدري تشوفي الفرق بين الحبتين

[Mizou123]

روووووعة الله يباراختي و يعطيك الصحة

[x ام رحاب x]

يعطيك الفين صحة ماشاء الله عليك تحفة فنية ربي يسهلك زيادتك وتفرحي بمزيودك يارب

[sabrina206]

رائععععععععععععع بارك الله فيك أختي

[أمّ علي]

شكرا و يجعلها في ميزان حسناتك

[ام مريم الجزائرية]

الله يبارك خرجتلك هايلة

[أم ياسين الزهراء]

روعة الله يعطيك الصحة ان شاء الله نجربها في العيد بصح ماعنديش ماشينة تصلحلي