أعملي لأولادك تارتة ألوان الطيف روووووووووعة

[ladymillion]

بسم الله الرحمن الرحيم


عملت اليوم تارتة الالوان وكل الاولاد يموتو عليها من ألوانها وانشاء الله تجربوها هايلة وسهلة جدا

اليكم مقادير المسكوتة في صينية بقطر 28سم

4 بيضات كاملة
8 ملاعق كبيرة زيت
8 ملاعق كبيرة سكر
8 ملاعق كبيرة فرينة
ملعقة صغيرة فاني
قرصة ملح
باكي خميرة
6 ملون غذائي { أحمر .برتقالي ,أصفر .أخضر .ازرق .بنفسجي }


في الخلاط الكهربائي اخفقي البيض والملح + السكر + الزيت + فاني + الخميرة والفرينة ويكون القوام كما في الصورة



للتزيين : شوكولا ذائبة وزيديلها شوي ماء وحركي مليح حتى ترجع سايلة شوي
حلوى ملونة




وقسمي الخليط على 6 كميات كما في الصورة وفي كل بول حطي لون بالترتيب وتكون كل كمية أقل من قبلها ورتبي الالوان كما كتبتهم لفوق ويكون الاحمر هو الكمية الاكبر وهكذا


ادهني صينية بالمارغارين ورشيلها الفرينة قطر الصينية 22 سم



وابداي تحطي باللون ومتحركيش الصينية ومتمسيش الخليط لاحظي الصور


ونحطها في الفرن 180°
بعد ما طيب خليها تبرد شوي وحطيها في صحن كبير وقطعي ورق الالمنيوم مستطيلات وحطيهم على حافة الصحن او plat ودخليهم شوي تحت المسكوتة باش كي يسيح كلاصاج الشوكولا تبقي خدمتك نظيفة ونحيه وحطيها في الثلاجة ل ربع ساعة يشيح شوي واجبديه وانزعي الورق



وهذا شكلها النهائي ومن داخل






انشاء الله تعجبكم وأعطوني رأيكم يا بنات


نتمنى تجربوها ونشوفها

[ام اسماعيل2009]

و الله بكل صراحة رائعة جدا اذا كتب ربي غدا نديره بصح عندي سؤال انا عندي ملون غبرة تصلحلي ردي عليا في اقرب اجل قداه درتي مغرفة فرينة

[randy fatima]

انا اول وحدة نرد عليك تعليق امالا ابعتيلي حقي ههههههههههههههههههههه
ماشاء الله و الله العظيم روعة

[ladymillion]

نعم يا أختي حتى أنا عملت ملون غذائي بودرة يصلحلك ديريه والفرينة درت 8 ملاعق كبيرة نتاع الاكل

[ام ولي]

ما شاء الله رووووووعة مشكورة

[ladymillion]

مشكورين أخواتي

[أم أدم يحي]

خرجلك يهبل و الوصفة وااااااضحة يعطيك الصحة و ربي يجازيك كل خير

[ام ملاك.]

ياحنونة ماشفت والو الصور بزاف كبيرة عاودي صغريهم باش يتفتح بسهولة

[dahby83]

خرجلك يهبل و الوصفة وااااااضحة يعطيك الصحة و ربي يجازيك كل خير

[ladymillion]

يا أختي أستناي شوي la connexion يخرجولك

[أم أولادي*]

كيفاش تحطي الخليط في الصينية تحطي واحد فوق واحد فهمني تيشي شكرا للوصفة بوركتي

[ladymillion]

المشاركة الأصلية كتبت بواسطة أم آلاء الصغيرة

كيفاش تحطي الخليط في الصينية تحطي واحد فوق واحد فهمني تيشي شكرا للوصفة بوركتي

نعم يا أختي حطي باللون وبالترتيب حطي اللون الاول وبلا ماتحركيه ولا تمشيه راهو يتعدل وحدو الالوان حطيهم فوق بعضاهم فقط كيما في الصور ،، وفيك بركة

[dalila setif]

حبيبتي يعطيك الصحة عجبتني بزاف بارك الله فيك

[نسايم الربيع2]

تبان هايلة لكن لم تظهر الصور رغم أنني انتظرت

[ladymillion]

راني عدلت الصور