موضوع مميز ورشة اعمال بالخرز*الكرستال* الدرس الاول

سنوم 33 · 2013-02-02, 19:38

السلام عليكم ورحمة الله وبركاته
...................
اهلا وسهلا بكم في ورشتنا المتواضعة

ان شاء الله تكون لمتنا لمة خير.........نفيدو ونستفادو

راح نقضو مع بعض وقت طويييييييل ان شاء الله.. نتعلمو كيفية العمل بالخرز من اكسسوارات ومفارش و...و...و...
الي تحب تشترك معنا بالورشة تضيف الشعار لتوقيعها.

موديلات روعة واجددها ارجوا ان لا تفوتوا الفرصة لمشاهدتها
https://www.gulfup.com/?cX0ytT

سنوم 33 · 2013-02-02, 20:21

الدرس الاول:يعتبر هو الاساس في اي عمل بالخرز.
اساور بسيطة:

اليوم راح نديرو سوار هذا.

نحتاج اللوازم هذي..نديرو خيط النيلون اذا كنا راح نستخدم القفل---قفل الي يستعمل لغلق السلسلة---

انا استعملت الخيطالمطاط لانو مايتوفرش لدي القفل

انا استعملت الخرز المتوسط الحجم...بلون اخضر فاتح واحمر

قياس الخيط...لفي الخيط على معصم ايدك اربع مرات وشوي...يجيك الخيط فاضل ومايجيكش ناقص خير.

الشرح والتطبيق:

1-ناخذ خرزة حمراء في الخيط

2-نضيف لكل طرف من الخيط خرزتين من اللون الاخضر

3-نضيف خرزة حمراء في الطرفين.بحيث يتقاطعا.

4-ثم نقوم باضافة خرزتين خضرا..مثل المرة الاولى ثم نغلق بخرزة حمراء مع تقاطع الطرفين

سنوم 33 · 2013-02-04, 11:39

fatma079 · 2013-02-02, 20:50

بـــــــــــــــــــــارك الله فيك اختي على الموضوع الجميل....

لي عودة ان شاء الله ...

دمت بألف ود

سنوم 33 · 2013-02-02, 20:55

5-ثم نضيف خرزتين-خ-في الطرفين ثم نضيفولها خرزة حمراء للغلق مع تقاطع طرفي الخيط
وهكذا حتى نكملو السوار

6-في الاخر نضيف خرزتين-خ-دون اضافة خرزة حمراء

سنوم 33 · 2013-02-02, 21:04

7-طريقة غلق الاسوارة..
باه نتاكد من وضعية السوار ما يجيناش اعوج نمسك وكانو سوار مكتمل بالطريقة لي في الصورة

8-مبعد نحطوه بالشكل هذاك على الطاولة بطريقة نقدر نكمل الخدمة بلا ما يخرج معايا السوار معوج
*ندخلو الخيط الي في الجهة اليسرى في اول حبة حمراء درناه في الخيط

سنوم 33 · 2013-02-02, 21:10

9-نفس الشي بالنسبة للطرف الثاني من الخيط...ندخلوه في اول خرزة حمراء درناها-نفس الخرزة-لكن ندخلوها من الجهة الاخرى والصورة توضح ذلك

سنوم 33 · 2013-02-02, 21:13

10-نجبد الخيط حتى يتضم طرفا السوار

سنوم 33 · 2013-02-02, 21:17

11-نفوت الخيط الى الخرزتين -خ-الي بعد الخرزة الحمراء الاولى.كل طرف من الخيط نفوتو من الجهة نتاعو.
والصورةتو ضح اكثر
*هذي الخرزة الاولى الحمراء

سنوم 33 · 2013-02-02, 21:26

وهذا هو السوار تاعنا

ان شاء الله يكون عجبكم
لا تنسونا بالتقييم *التقيييييييييييييييييييييييييييييم*

بدينا بسيوار سااااهل...ومبعد نبدو ندخلو في الصعيب وحدة وحدة
حتى نوصلو للمفارش....
وما نديرش العمل الثاني حتى ارى تطبيقاتكن...هههههه
هيا حطولنا تطبيقاتكم باه نتشجع ونزيد نقدم اكثر
العمل الثاني راح يكون هذا الاكسسوار.

غربة أهل السنّة · 2013-02-10, 09:46

اقتباس:

المشاركة الأصلية كتبت بواسطة سنوم 33

وهذا هو السوار تاعنا

ان شاء الله يكون عجبكم
لا تنسونا بالتقييم *التقيييييييييييييييييييييييييييييم*

بدينا بسيوار سااااهل...ومبعد نبدو ندخلو في الصعيب وحدة وحدة
حتى نوصلو للمفارش....
وما نديرش العمل الثاني حتى ارى تطبيقاتكن...هههههه

هيا حطولنا تطبيقاتكم باه نتشجع ونزيد نقدم اكثر
العمل الثاني راح يكون هذا الاكسسوار.

أريد ان أنظم إلى هذه الورشة و أرجو منك اختي أن تخبريني بأسعار الخرز و الكمية لي لازم تكون عندي
و كذلك أسعار الخيط لأنه حاليا ماعنديش باه ندير التطبيق

و شكرا سلفا

سنوم 33 · 2013-02-10, 12:46

اقتباس:

المشاركة الأصلية كتبت بواسطة أم جهاد الجزائرية

أريد ان أنظم إلى هذه الورشة و أرجو منك اختي أن تخبريني بأسعار الخرز و الكمية لي لازم تكون عندي
و كذلك أسعار الخيط لأنه حاليا ماعنديش باه ندير التطبيق

و شكرا سلفا

صباح الخير ام جهاد....
بالنسبة لسعر الخيط,انا شريت الكبير ب 15.000 يعني تكفيلك باه دير ياسر ياااااااااسر حوايج.

بالنسبة لسعر الخرز يختلف كاين لي يتباع بالحبة و كاين لي يتباع بالغرام وكاين لي يتباع بالسلسلة
كما هذا متوسط الحجم.يتباع الحبة ب 200.

وهذا صغير الحجم.الحبة ب 100.

وهذا الحبة ب 300.

وهذا الحبة ب 500.

وهذا يتباع بالسلسلة-السلسلة ب 1000.

وهذا السلسلة ب 2000.