لا استطييييع الزواج

[مشكلتي]

السلام عليكم و رحمة الله و بركااااااته
رجااااءا نحن في ايااام مبااااركة محتاااجة دعوة في ظهر الغيب
عندي سحر تعطيييل الزواااااج ربي يغفر للانسان الجاااهل هدا اللي غبني
عمري 25 سنة و كنت مخطوووبة ثبل 5سنوات و عاقدة عقد مدني
خااايفة لا يفوتني القطاااار قلبي معمر بزااااااااااف و انا قلقاااانة بزااااف ادعولللي يفتح هدااا السحر و يكرمني ربي بزوج صاااالح عاااجلا و ليس اااجلا
استحلفكم باللله ان تدعولي في ظهر الغيب

ربي انشاااء اللله يفرحكم

[ثلجَة]

السّلام عليكم

لا حول و لا قوّة الاّ بالله العلي العظيم

نسأل الله الهِداية لذوي النّفوس الضّعيفة الذين أعماهم الشيطان فلجأؤا للسّحر و غيره

فرّج الله همّك و كشف عنك هذا السحر عاجلا غير آآجلل

رقّي نفسك و أكثري من المداومة على سورة البقرة قراءة و سماعا ،

و غيرها من الأذكار و ربّ يفتح عليك و يكشف ما بك من ضر و سقم

[منار الحرية]

ومن قال لك أن لديك سحر ؟؟؟؟؟؟؟؟؟؟؟
ما توسوسي روحك ما والو ربي يجيبلك الخير

[أم أماني أريج]

25 سنة مازلت صغيرة ماتوسوسيش روحك كيما قالت الأخت .
ارقي نفسك بنفسك باش يروحلك الشك و ادعي لربي سبحانو و الرزق بيدو و لو تجمع ضدك جميع البشر
بالتوفيق

[sohaibdz]

شكون قالك عندك سحر تعطيل الزواج ?? اذا راقي لي قالك علاه مانحاهولكش ??

[أريج الهدى]

ربي يفرج عليك يا رب اكثري من الاستغفار

[خالد عنابي]

المجتمع الجزائري يعيش في انفصام رهيب وتلقى الخرافات والخزعبلات رواجا شاسعا لديه برغم انتشار التعليم ووسائل الاعلام والاتصال

منعرف وعلاه الجيش الفرنسي مادارولوش سحر تعطيل غزو لما نزل على شاطئ سيدي فرج او بعد معركة سهل سطاوالي او بعد تدميره

لحصن مولاي حسن او حتى بعد دخوله للعاصمة

لي ماداش الباك يقول بيا عين

لي ما تزوجش يقول دارولي سحر تعطيل

الراقي لي قالك عندك تعطيل قوليلو ياكتيفيلك وش عطلولك

واذا الهدرة من عندك فكنا منها

[ايمان4]

شكون قالك بلي عندك السحر هذا ؟؟بنت عمي اتخطبت و تباطلو اكثر من مرة و عمها و لا شكت ف هذا الدفيش ... و ربي اكرمها بزوج احسن منهم كامل ف كل مرة كانت تعرف بلي تهنات منه و كانت تحمد ربي لي قاها شره .... و اتزوجت على 30 سنة قريب ... و بشخص مثقف ذو اخلاق عاليه بعمل جد محتلرم و برزقه

و زيد بالزيادة هاد الراقي بذاته تصيبيه حاصل في همه ... علاش ما يرقيش روحه يترفه و يحل مشاكل اولاده ...

ارجع و اكرر انا نحير ف الناس لي يقلك عندي سحر ... الناس راهم غير يتخالاو عليك انت ؟؟؟ يعني معندهمش مشاكا غير زواجك خايفينك يلا تتزوجي ؟؟؟ يعني الزواج فوز بالجنة؟؟!
مكتوبك جاي جاي باذن الله استغفري الله و اخطيك من الدجالين اقراي اخدمي اشغلي روحك ريثما ياتي المكتوب .... لازم يشوفوك الناس باش يخطبوك مدفونة ف الدار شكون يشوفك؟؟؟ على الاقل يهدرو بيك عمومك اخوالك ممكن يشوفوك .... مكتوب ربي الله يسهلك

[محمد جديدي التبسي]

مازالت في سن مناسب للزواج تفائلي ما فاتك قطار ما والو
توكلي على ربي واكثري من الذكر والاستغفار والدعاء بيقين وسيرزقك الله بكل خير.

[امرأة]

مكتوبك يجيك في الوقت والزمان المناسبين. غير ربي سبحانه اللي ما يديلكش حقك وما يظلمكش. حاشاه جل في علاه. قوي ايمانك وعيشي سعيدة وانتظري مفاجأة اللي ربي مخبيهالك والله غير تحمديه ليل ونهار. الله لا يأخذ منا أشياءنا انما يستبدلها بأشياء أجمل وأفضل غير احنا اللي مجبولين على القلق والخوف. ربي يقوي ايماننا ويفرحك ويهنيك الدنيا مزالها أمامك ومازلت صغيرة في عوض اللي تقتلي حالك بالهم والتخمام ديري كاش حاجة تفيدك وتعمرلك وقتك ومكتوبك عند ربي محفوظ واحد ما يديهولك.

[ام العبدين]

للسحر علامات منها الصرع والاحساس بالبكاء الشديد عند سماع ايات السحر وهوحق وما هم بضارين به من احد الا باذن الله وحد الساحر قطع راسه بسبب الفساد الناتج عن سحره ولو اعلن توبته يقطع راسه وقد سحر النبي صلى الله عليه وسلم سحره يهودي وسبب كثرة السحر انتشار الجهل والشر بين الناس اما اختي ان كان مجرد انه لم يتقدم لك احد او لا يتيسر زواجك تقولي سحر فهذا توهم فالزواج رزق شفاك الله وعفاك

[ROMMEL]

شكون لي قالك عندك سحر؟؟؟ربي يهدينا و يهديك

[غزلانْ]

السلام عليكم

تبقي أنت الأدرى بحالتك فإن كنت تجدين من نفسك مسحورة تكفيك الرقية
و لتعتبري كل ما يعترضك من باب القدر الله كتبه لكِ حتى لو سُحرت
فليس بسبب فلاح الساحر و انما الله كتب لك فكل شيء باذنه
بالتوفيق

[karime amrs]

سلام عليكم
اختي في الله قبل اي شيىء لا داعي للقلق بلا سبب نعم بلا سبب لانو الزواج قسمة و نصيب و انت عمرك 25 سنة يعني مازالك صغيرة على الزواج و تحمل المسؤولية
لو تشوفي هم الناس تنساي همك ...نساء تزوجو و طلقو نساء تزوجو و راهم في هم كبير ...شكون قالك لما تتزوجي رايحة تعيشي احلامك و عيشة هانية هذا وهم و تخريف لانو حتى و فرضا طحتي في ولد الحلال الزواج صعب جدا و همومو كبار مسؤوليات كبيرة و صعيبة ...قولك فاتك القطار انقولك مقولة غالطة و جهل من يقول هاك تعرفي من يفوتو القطار صح ..لما تموتي يفوتك قطار التوبة و لا رجوع .....عيشي حياتك ما تسمعي كلام الجهل ممكن الله كاتبلك الخير ممكن عمرك راه اقصر مما تتصوري توبي الى الله و تقربي منو ...اما الزواج صدقيني همو اكبر منو و لكان ما صدقتي ديري طلة لمحكمة شؤون الاسرة تشوفي عجب العجاب الدخلة باطل ....انزيدك اخر حاجة نصيحة من اخ ليك الرجال اصبحو قلال بزاف لا شهامة لا تقوى الله الا من رحم ربي ..و لي تلقايه يخاف ربي و ماشي في طريق الصح تلقاي ظروفو صعيبة ....حتى ولو يجيك و يخطبك تاكدي منو و عرفي تربيتو و اسلامو و رزقو منين حلال و لا حرام و ما تشرطي عليه شروط قاسية ....و تفكري كلامي راكي تتزوجي و تكرهي هذي هي الحياة نحي الاوهام من راسك و الحياة الوردية لانو كلشي كذب في كذب
ربي يوفقك

[أم سلوى]

لا سحر ولت هم يحزنون

الكل يتوهم انه مسحور

الحل اطمأني ...كثيرا كثيرا واعبدي الله ولا تشركي به شيئ

سبحان الله وبحمده سبحان الله العظيم


الأفكار هي التي تهدمك
.....حتى السحر ...وختى التعطيل مكتوب الله ...وهو قدر لك واراده الله ...ووافق الله . ان يصيبك...وهل هذا وراء ارادة الله....