أخي مادامك من أم البواقي راح نحكيلك على حالتي و تجربتي معاهم ...
أنا من مواليد 1992 يعني كلاستي الله أعلم في 2012 ...
المهم أنا كذلك منسي و لم أسجل في الفحص الطبي و ما تجينيش لوردابال و مانيش عاصي ...
على كل حال مع ليكونكور لازم بطاقة الخدمة الوطنية قلت خلي نروح نسقسي عليها و العمال على ربي ...
كي رحت عندهم مالقاوش إسمي و بعد بحث طويل لقاو غلطولي فاللقب زادو نقطة أنا لقبي نجار داروها تجار ... قالولي دير إعادة تسجيل فالبلدية و جيبلنا دوسي ( شهادة ميلاد و تصاور و فوتوكوبي تاع لاكارت) باش يعاودوا يبعثوهم لدزاير و يعاودولي الماتريكيل أنا درت كيما قالولي و عطيتهم الدوسي و قالولي ارجعلنا بعد شهر أو شهرين .
أنا رجعتلهم بعد 6 أشهر و بقا نفس المشكل ( أظن أنهم ريحو الدوسي ) ، و قالي واحد منهم شوف إذا راك حاب تفوت العام تاعك عاود جيبلنا الدوسي و نصلحولك اللقب و يبعثولك ... و إذا ماكش حاب تفوت أضرب النح راهم ماش راح يبعثولك ... و قالي إذا راك محبس القراية في 2013 ممكن تستفيد من إعفاء و أنا خسارة حبست في 2014 على كل حال أخي أنت أدرى بمصلحتك إذا حاب تفوت العام تاعك روح سقسي على الوضعية تاعك و إذا راك حاب تخليها هكذا ( كيما أنا ) راح تبقا ديما موسوس و توقع يبعثولك في أي لحظة ... و ربي يجيبلك الخير ...