الحاجة اللي تخلي الصابلي هشيش - منتديات الجلفة لكل الجزائريين و العرب

العودة   منتديات الجلفة لكل الجزائريين و العرب > منتدى شقائق الرجال > قسم الطبخ و المأكولات > قسم الحلويات

قسم الحلويات قسم مخصص للحلويات و المواضيع فيه حصرية للمنتدى


في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة تقرير عن مشاركة سيئة ( تقرير عن مشاركة سيئة )، و الموجودة أسفل كل مشاركة .

آخر المواضيع

إضافة رد
 
أدوات الموضوع انواع عرض الموضوع
قديم 2018-06-07, 14:20   رقم المشاركة : 1
معلومات العضو
crono
مشرفة قسم الأشغال اليدوية
 
الصورة الرمزية crono
 

 

 
الأوسمة
المشرف المميز المشرف المميز 2014 وسام المميز الاول وسام المركز الثاني وسام اميرة منتدى الجلفة في السموكس وسام شرف المشاركة 
إحصائية العضو










افتراضي الحاجة اللي تخلي الصابلي هشيش

السلام عليكن ونهاركم مبروك ووصيام مقبول ان شاء الله
رانا نفكروا في حلويات وش نديروا:d جبتلكم معلومات على الصابلي تخلي هشيش
علابالي راكم تقولو نعرفوه هناك أنواع كثيرة من الصابلي

هادي طريقة سهلة لي المبتدئات
https://www.djelfa.info/vb/showthread.php?t=1840596



هي أولا لازم تحترمي المقادير تاعو باسكو عجينة السابلي عندها مقادير مضبوطة حيث أنه دايما كمية المرغرين تكون نصف كمية الفرينة و كمية السكر هي نص كمية المرغرين يعني اذا درتي باكي مرغرين تاع 250 غ يعني تستعملي 500 غ فرينة و 125 غ سكر هاذي مقادير ستوندار ممكن تزيد و لا تنقصي شوية الفرينة علي حساب واش تاكلك لابات بصح هذا هو المبدا تاع السابلي
ثاني حاجة هي البيض...في القاطو صفار البيض يهشش لعجينة و البياض ييبسها... هاذي معلومة لازم تحفضيها... علي هذا و اذا حبيتي يجيك هشيش بزاف استعملي صفار البيض باش اطمي لعجينة احسن ما تستعملي بيضة كومبلي يعني.. 250 غ مرغرين لازملها 2 حبات بيض... أنت في عوض أديري 2 حبات كومبلي... ديري 2 صفار و حبة كومبلي...
السر الثالث هو في المايزينة.... تقدري أطمي العجينة بالفرينة وحدها و تجي مليحة بصح كي تزيديلها شوية مايزينة تحي هشيشة بزاف... يعني اذا حبيتي الصابلي تاعك يجي يقرمش شوية ديري الفرينة وحدها و اذا حبيتيها تجي مرملة كيما الغريبية زيديلها مايزينة...هاذي مسالة ذوق انا مرات نديرو بالفرينة وحدها و مرات نزيدلها مايزينة يعني القوام أللي يتبدل برك
رابع سر هو ...كي تلمي العجينة ما تعجنيهاش لميها برك.و لازم تخليها طرية ...هذا ثاني مبدا في القاطو... عجينة تلميها طرية مي تطيب تجيك طرية و اذا لميتيها يابسة سي نرمال في الفور تيبس أكثر ...علي هاذي قلتلك في السابلي ديما كيلي الفرينة تكون دوبل كمية ليدام سيريها مليح و حطيها قدامك باش ما تفوتيش هاذ الكمية .
ثاني كي تحلي العجينة تاعك من الاحسن تحليها فوق ساشي باش ما أديريش الفرينة باسكو كيما قلتلك كمية ليدام في السابلي محسوبة لوكان تحليها بفرينة بزاف قادرة تنشفي لعجينة و تجيك يابسة و كي تلميها حطيها في الفريجيدار مدة بسيطة حوالي 15 د باش تشد روحها و تجيك ساهلة في الحلان باسكو فيها ليدام بزاف لو مان تحليها تم تم تتقطعلك.
بالنسبة للتحضير...كاين طريقتين....
كاين أللي يخلط المرغرين مقطعة مكعبات مع الفرينة و يبسسهم بيدو و لا بالروبو حتي تدخل المرغرين في الفرينة و تتحصلي علي خليط يشبه للرمل و نزيدولو السكر قلاص نخلطو مليح ثم نلموها بالبيض اما بيض كامل او نستعملو صفار بيض مع بيضة كاملة... هاذ الطريقة أستعملتها دليلة تونسي تاع قناة سميرة و أنا شخصيا جربتها... و نقولكم بلي القاطو يجي مبسس بزاف بصح الذوق تاعو ماشي حاجة ...
الطريقة ثانية و هي الأفضل بالتجربة .... تبداي بالمرغرين تكون طرية ماشي ذايبة تخلطيها مع السكر قلاص بالباتور حتي تولي كريمة من بعد تزيديلهم البيض و تخلطيهم مليح باش يجيك القاطو بنين في الآخر تلميها بفرينة و مايزينية و تخلي العجينة طرية تغلفيها و تخليها ترتاح شوية في الثلاجة هنا القاطو يجيك بنين أحسن لان السكر تاعنا دخلناه في البيض و السكر مليح...
بالنسبة لليدام في السابلي نستعملو مرغرين وحدو يكفي و يجيك القاطو يهبل و طبعا أللي تقدر أدير الزبدة في عوض المرغرين ولا تخلطها مع المرغرين يجيك.القاطو شهيي باسكو الزبدة بنينة و ريحتها زاكية علابيها سومتها غالية
و كاين ناس ضافو مكون جديد ألا و هو الزيت يعني يديرو كمية تاع مرغرين كاملة و يزيدو شوية زيت زيادة قيس فنجان صغير ...أنا نقولكم بلي مرغرين وحدو يعطيك سابلي هاايل مي ممكن أتبعي هاذ الناس و أضيفي شوية زيت ...ما يخفالكمش بلي الزيت يهشش الحاجة هاذي حاجة معروفة يعني زيادة الهشاشة ...هشاشتين
بالنسبة للخميرة من الاحسن أديري كمية قليلة قرصة برك باش القاطو يحافظ علي الشكل تاعو باش كي تلصقيهم تجي كل حبة قد ختها و تقدري ما أديريش الخميرة واشنو اذا ما درتيش الخميرة ديري في بالك بلي الحبة تاع القاطو ما راحش تتنفخ يعني السمك أللي قطعتيه بيها راح يبقي هو هو بعد ما أطيبيها .. يعني اذا فيها خميرة اكيد تحليها رقيقة اكثر باسكو حتتنفخ و اذا ما درتيش الخميرة خشنيها اكثر....
و طبعا كي أطيبوها ما تحمروهاش لازم تقعد بيضة باش تجي شابة
تقبل الله منا ومنكم سائر الاعمال







 

آخر تعديل crono 2018-06-07 في 14:31.
رد مع اقتباس
مساحة إعلانية

قديم 2018-06-07, 14:34   رقم المشاركة : 2
معلومات العضو
Omaima mina
عضو مجتهـد
 
الصورة الرمزية Omaima mina
 

 

 
إحصائية العضو










افتراضي

شكراااااااااا لك يعطيك الصحة







رد مع اقتباس
قديم 2018-06-07, 14:37   رقم المشاركة : 3
معلومات العضو
sousou 5
عضو مميّز
 
الصورة الرمزية sousou 5
 

 

 
إحصائية العضو










افتراضي

بااارك الله فييبك







رد مع اقتباس
قديم 2018-06-07, 16:13   رقم المشاركة : 4
معلومات العضو
رندة.
عضو مميّز
 
إحصائية العضو










افتراضي

يعطيك الصحة كرونو على النصائح.
ربي يتقبل منا الصيام والقيام ان شاء الله






رد مع اقتباس
قديم 2018-06-07, 16:18   رقم المشاركة : 5
معلومات العضو
om wafaa
عضو فعّال
 
الصورة الرمزية om wafaa
 

 

 
إحصائية العضو










افتراضي

يعطيك صحا اختي نصائح في محلها







رد مع اقتباس
قديم 2018-06-07, 21:02   رقم المشاركة : 6
معلومات العضو
امة الله16
عضو جديد
 
إحصائية العضو










افتراضي

السلام عليكم
يعطيك الصحة اختي نفس الملاحظات و التدبيرات استنتجتهم انا مع الحلويات و الصابلي خاصة







آخر تعديل نُــور 2018-06-11 في 14:52.
رد مع اقتباس
قديم 2018-06-07, 21:35   رقم المشاركة : 7
معلومات العضو
naila166
عضو مجتهـد
 
إحصائية العضو










افتراضي

شكرا على التدابير اختي جعلها الله في ميزان حسناتك







رد مع اقتباس
قديم 2018-06-07, 21:58   رقم المشاركة : 8
معلومات العضو
raoufnina
عضو محترف
 
الصورة الرمزية raoufnina
 

 

 
إحصائية العضو










افتراضي

يعطيك صحا اختي نصائح في محلها







رد مع اقتباس
قديم 2018-06-08, 23:27   رقم المشاركة : 9
معلومات العضو
manel 16
عضو مجتهـد
 
إحصائية العضو










افتراضي

بارك الله فيك حبيبتي.كالعادة مواضيعك دائما في القمة و رائعة روعتك .شكرا لك







رد مع اقتباس
قديم 2018-06-09, 00:00   رقم المشاركة : 10
معلومات العضو
Simsim.rd
عضو مشارك
 
إحصائية العضو










افتراضي

نصائح في القمة يعطيك الصحة هكدا الجميع ينجحون في ال صابلي بفضل هدي المعلومات ربي يبارك فيك







رد مع اقتباس
قديم 2018-06-09, 12:09   رقم المشاركة : 11
معلومات العضو
ام هزار
عضو مميّز
 
الصورة الرمزية ام هزار
 

 

 
إحصائية العضو










افتراضي

دايما سبااقة للخير كرونو ربي يحفظك







رد مع اقتباس
قديم 2018-06-11, 14:30   رقم المشاركة : 12
معلومات العضو
celia16
عضو فعّال
 
الصورة الرمزية celia16
 

 

 
إحصائية العضو










افتراضي

merci ma soeur







رد مع اقتباس
قديم 2018-06-11, 15:00   رقم المشاركة : 13
معلومات العضو
نُــور
مُشـرفة عــامّة
 
الصورة الرمزية نُــور
 

 

 
الأوسمة
المشرف المميز المشرف المميز 2014 أحسن مشرف لسنة 2013 المرتبة الأولى 
إحصائية العضو










افتراضي

يعطيك الصّحّة

بارك الله فيك






رد مع اقتباس
قديم 2018-06-11, 16:51   رقم المشاركة : 14
معلومات العضو
دنيا الامل 18
عضو مميّز
 
إحصائية العضو










افتراضي

شكرا جزيلا







رد مع اقتباس
قديم 2018-06-15, 16:44   رقم المشاركة : 15
معلومات العضو
crono
مشرفة قسم الأشغال اليدوية
 
الصورة الرمزية crono
 

 

 
الأوسمة
المشرف المميز المشرف المميز 2014 وسام المميز الاول وسام المركز الثاني وسام اميرة منتدى الجلفة في السموكس وسام شرف المشاركة 
إحصائية العضو










افتراضي

صحا عيدكم كل عام وانتن بالف خير







رد مع اقتباس
إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

الساعة الآن 20:39

المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية


2006-2018 © www.djelfa.info جميع الحقوق محفوظة - الجلفة إنفو (خ. ب. س)

Powered by vBulletin .Copyright © 2018 vBulletin Solutions, Inc