وصفات حراير الكوزينة الجزء الثاني

[ام سهام 02]

ربي يجازيك كل خير حبيبتي ايدرونو على المجهود و يبارك لك في وليداتك امين يارب

[idron0]

عجيجات بالقرعة او الكورجات ريتاج التيارتية

نحكم القرعة نغسلها ونرابيها في السكرفاج الخشين ومن بعد نضيفلها قرصة ملح وراس الحانوت ونديرلها البيض ونقليها خبيزات صغار تجي هااااايلة وبنينة وثانيك ساهلة.

إضغط هنا لرؤية الصورة بحجمها الطبيعي.

[idron0]

مخللاتي بطريقة امي العزيزة oum islem

كمية من الخضر لفت جزر شوفلور فلفل حار مقطع كرمب خيار بسباس قطعيهم مكعبات
حطيهم في بلارات معقمة مع التوابل حبات كسبر وفلفل اسود وابيض وزريعة البسباس وكركم مرحي وفلفل احمر يابس
نحي منو البذور واوراق رند وفصوص ثوم وملح وزيتون اسود واخضر ونيسواز بالنواة تاعهم وخيار مخلل كورنيشون
اضيفي ثلاث ارباع البلارة خل والباقي ماء معدني وشرائح ليمون واغلقي مليييح البلارة وخبيها بعيدا عن الحرارة والضوء
حتى يصبح لون الخضر فاتح حلي بالواحدة واحتفضي بها في الثلاجة بعد الفتح .

إضغط هنا لرؤية الصورة بحجمها الطبيعي.

[tesnim27]

شكرا اختي بارك الله فيكي
ماشاء الله عليكم همة ونشاط وكلها وصفات تجنن

[ام احمدي]

مقبلة بالدجاج لام الاء
الجاج و لا الداند لازم يكون مرحي انا درت صدلر جاج مع حبة بيض معدنوس وتوابل تخلطيهم مليح و ديريهم فالاكواب تع المادلان تسوي الجاج على الحواف باش يخرجلك على شكل قالب تطيبيهم فالفور ممبع كي تخرجيهم تعمريهم بفريت مقطعة مكعبا ت و و جبن الشيدا و بسسسسسسسس

[idron0]

تورت السلق عازفة الناي

إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.
إضغط هنا لرؤية الصورة بحجمها الطبيعي.

[idron0]

حريرة اسيل ريحانتي

تحكمي لاكوكوت تحطي فيها اللحم لي تحبي وشوية زيت و2حبات بصل و4حبات جزر و2حبات طماطم كبار وحبة بطاطا صغيرة وربطة قصبر (دبشة)
وكامل الخضر تقطعيهم مربعات ومغرف كبيرة طماطم مصبرة ومغرف صغيرة حرور وكركم ونص مغرف صغيرة زنجبيل ونص مغرف صغيرة كروية والملح وعود قرفة تقدري ماديريش القرفة وتحطيها على نار تتقلى وساعة ساعة تقلبي المكونات وممبعد تمرقي وتغلقي عليها وممبعد وجدي غرفية حطي فيها 2مغارف فرينة كبار ونص عصير ليمون والماء وخلطيها مليح هدي حنا نقولولها الخميرة وممبعد كي يطيب اللحم والخضار نحي اللحم وطحني الكل وزيدي شوية ماء وخليها على النار كي تبدا في الغليان رمي خلطة الفرينة ومغرف كبيرة راس الحانوت وخلطي باش ماتلسقش الفارينة في القعر خليها تغلا لمدة نصف ساعة وطفي وقدميها في غرفية مرشوشة بالقصبر وشهية طيبة
ااه وخطرات ندير تشيشة في بلاصة الفرينة او ندير نص نص تاني تخرج رووعة.

إضغط هنا لرؤية الصورة بحجمها الطبيعي.

[idron0]

التارتولات ام ياسين الزهراء

هدي وصفة التارتولات لميت من وصفة ام كوثر وفلة وام سهام وام اماني وخرجت وصفة ممتازة
العجينة
250 غ فرينة + 125 غ زبدة نخدم بفلوريال تاع 250 غ +2 مغرف عسل + 2 مغارف زيت وفاني و1 بيضة كاملة وشوي ملح والماء ونلم كيما ندير العجينة البريزي ونحطها في فرجيدار ومنبعد نخرجها ونديرها في ليمول المول الفردي يجي خير من الكبير وعن تجربة وتهني روحك مع اولادك باش مايقولوش مامديتلناش كيفكيف انا ديما هدي المقادر ديري 10 من ليمول ونطيبها كيما موالفين راح تشمو ريحة تهبل ونحطها تبرد
من جهة 3 كاس حليب بارد + 5 مغارف سكر + 4 مغارف نشاء وفتيتة ملح فتيتة برك و1 بيضة كاملة تحركي مليح وعلى النار حتى تبدا تعقد زيديلها 2 سكر فاني سكر فاني فهمتو وشوي زبدة حوالي مغرف صغيرة ونفرغها على ليتاتولات وندير ليفراز وندهن بالمعجون
صدقوني تبقى كيما راهي موالفة نخليها تبات في فريجيدار وتبقى هي ماتطلقش الماء
شكرا لكل من حرفت لها الوصفة وشكرا لي ههههههههههههههههه

إضغط هنا لرؤية الصورة بحجمها الطبيعي.

[nananawel]

بارك الله فيك

[~اسيل ريحانتي~]

ايدرونو ربي يحفظك وبارك الله فيك حبيبتي

[idron0]

يبروانز ام ياسين الزهراء

وصفة من كراسي القديم وهي فرنسية

في كاسرونة ديري 150 غ شيكولا انا درت منى نوار +50 غ زبدة وحطيتهم يدوبو على حمام مائي وزدتلهم مغرف كرام فراش ومن جهة ضربت 3 بيض مع 100 غ سكر وزدتلهم الخليط تاع الشيكولا و100 غ فرينة مع 1 خميرة وكمشة جوز مدشش والى الفور روعة روعة الوصفة الاصلية مافيهاش الخميرة بصح انا درتها من فوق درتلها الشانتي .

إضغط هنا لرؤية الصورة بحجمها الطبيعي.

[باربي الأصيلة]

علموني شخشوخة الظفر ربي يحفظكم بالمراحل و الصورة

[idron0]

sabrina206 la turquoise

تقدري ديري عجينة البقلاوة ألي معتمدتها من تحت كطبقة سفلية حوالي 4 طبقات لا أكثر و أدهني بين الطبقات كما البقلاوة العادية كما تقدري ديري عجينة demi feilletée(3tours simples و حطيها مباشرتا في الصينية
كما تقدري تستعملي عجينة الفيلو بصح ألي تتباع مقطعة خسارة غير إذا استعملتي تاع l'importation
أما الحشوة ديري 3 كيلات مكسرات أنا نخلط كل المكسرات و مام الجلجلان بصح بلا منرحيه و كي نستعمل الكاوكاو بكثرة في الحشوة ديما نزيد كمية من حلوة الترك تاع الميزان طريقة أمي ربي يحفظها و نزيد شوية من عطر الكراميل+سكر +شوية ماء زهر+لافاني

و الطبقة العلوية راهي قطايف نزيدلها كمشة سكر عادي و نحلها بشوية سمن ذائب أو زيت عادي + لافاني و نوجد القطايف مسبقا بمدة خير بعدها نفرشهم فوق الحشوة
نغطي الحلوة بورق الألمنيوم و نطيبها كما البقلاوة العادية و كي تطيب من تحت نحي ورق الألومنيوم باش تحمار من فوق
خرجيها و عسليها بعسيلة ثقيلة و غد من داك قطعيها مربعات أو مثلثات حسب الرغبة و دردري شوية بيستاش فوق كل حبة و تقدري مام تكونجيليها تبقى intacte .

[10moha]

راءعين اريد المشاركة لاني عندي وصفات راءعة

[idron0]

تورت بمكعبات الخضر المقلية و الدجاج اسيا27


العجينة هي نفسها عجينة البيتزا و الحشو نقطع البطاطا و الجزر و صدر الجاج مكعبات و نقلي كل حاجة وحدها من بعد نقطع البصل شرائح و نقلوه حتى يولي شفاف مع الثوم و نزيدو عليه طماطم مرحية و بعدها نحطوفوق الكونات السابقة و نخلوها تبرد
نحلو العجين نلبسوه للقالب نحطو قطع جبن من تحت و نفرغو الحشو اللي كنا ضفنالو الملح و الحرور و راس الحانوت و القسبر المقطع نغطو الحشو بالعجين و نضغطو على الحواف باه تلصق و ندهنو سطحها بالبيض مع الكرام فراش و ندخلوها الفرن تطيب حتى تتحمر.