لي ميحبوش الخضر ليكم شكشوكة خفيفة وبنينة

[GAcem biba]

السلام عليكم مرحبا بيكم كاملين وبالمناسبة نشكر كل الاعضاء لي في هذا المنتدى لي وبكل صراحة استفدت منهم سنين طويلة ونشاء الله ربي يقدرني ونفيدهم ولو بالقليل
شكرا شكرا شكرا

نرجعو لشكشوكتنا
نحتاجو حبيبات قرعة مقطعة مربعات ومقلية ومربعات بطاطا مقلية ومربعات جزر مقلية وكذالك مربعات باذنجان مقلية سنينا ثوم وحباة طماطم مقشورة ومقطعة صغير جدا نحطر الكل في مقلة مع ملعة صغييرة طماطم علب مغرف كمون وهذا هو سر البنة وملح فلفل اكحل وشوية معدنوس مقطع رقيق نحرك على النار بملعقة خشب ثم كي تبدا طماطم تنطلق ثم الخضر تتشرب مرق الطماطم نكسرو عليه البيض بعدما نكونو خلطناه بالفرشيطا ونحوها بعدما يطيب البيض وبالصحة والهنا لاكن حذاري الملح ويمكن قلي الخضر بلا ملح تفادي للملح نزيدوه فالطياب كي نخلط الخضر وبصحتكم
اه نسيت لمحبي الاجبان يمكنك اضافة اي نوع مع البيض

[حياة نور الدين]

شكرااااااااااااا

[GAcem biba]

بلا مزية لا شكر على واجب

[ام سراج وملاك]

جزاك الله خيرا اختي شكرا على الوصفة

[ماريا.م]

شكرا لك
هذا واش يليق في الصيف
لكن اختي الزرودية كيفاش تقليها؟

[ام احمد اسامة]

شكرًا جزيلا وصفتك توالام فصل الصيف

[GAcem biba]

لاشكر على واجب انا لي نشكركم على ردودكم لي تشجعني بزاااف
ام بالنسبة للاخت الكريمة لي سالت عن قلي الجزر نقوللها عادي مثل البطاطا اما في هذه الوصفة نحتاجوه يكون مربعات لجمال الوصفة

[الرجاء الاماني المجد]

شكرا على الوصفة انا دائما نديرها