موضوع مميز اطباق متنوعة من مطبخي ممكن تفيدك

الوهرانية 1 · 2013-04-14, 13:57

السلام عليكن حبيباتي الغاليات نتمنى يلقاكم موضوعي هدا في تمام الصحة والعافية حبيت ننقل ليكم صور اطباق وحلويات بسيطة درتها هاد الاسبوع
كانو عندنا ضياف الصراحة ضياف الدار يعني من المقربين وهدا واش كتب ربي لضيافتهم اسمحولي كاين اطباق مقدرتش نصورهم هادو الاهم منها
على بركة الله
طعام باللحم والخضر
مثوم الدجاج محمر والكفتة مرفوق ببطاطا مقلية ومحمرة في الثوم والمعدنوس والزبدة
بطاطا مرحية مرفوقة بدوائر الكفتة والصلصة البيضاء والجبن
مدلوك الطاجين
مسمن مقلي ومعسل ومرشوش باللوز ايفيلي
لامونة بالكريمة
نخليكم مع الصور

بالنسبة لهاد الطبق سهل ويحضر في 40 دقيقة تقريبا نحتاجو
لحم مرحي متبل بالملح والفلفل الاسود والمعدنوس والثوم
بطاطا
دجاجة او اطراف دجاج
3 حبات بصل
معنوس وثوم مرحيين
زبدة
طريقة التحضير /
1/ في طنجرة ضغط ادا كنتي مزروبة او في قدر عادي حطي الدجاج + بصل شرائح+ ملعقة زبدة + ملح + زعفران+ فلفل اسود + سكنجبير + ماء حتى يتغطى الدجاج نغلق ونخليه ادا كان جديد 15د الى20د تكفي وادا كان مجمد 30الى 35 د
2/ في الوقت الي يكون الدجاج يطيب نكور الكفتة ونضعها في قدر صغير ولا مقلاة مع شوية حتى ماء تتغطى الحبات وبصل شرائح وملعة صغيرة زبدة وملح وفلفل وزعفران ونخليها تطيب
3/ في مقلاة نحط الزبدة والثوم والمعدنوس والملح والفلفل الاسود ثم نحطو البطاطا المقلية ونحمروها على نار هادئة البطاطا اقليها من قبل وكي تحبي تحطي ديري هاد الطريقة يعني ما عليش ادا كانت باردة
الدجاج ندهنوه بالزبدة ونحمروه في الفرن ثم في صحن التقديم نحطو البطاطا وحبات الكفتة واطراف الدجاج ونسقيها بالمرقة تاع الكفتة
ملاحظة ادا كنتي مزروبة ولا عندك ضياف وما يكفيكش الوقت ديري غير البطاطا والكفتة واشترى دجاج جاهز انا كان عندي الوقت الكافي حمرتها في كيس الفرن

المسمن والمدلوك في هاد الرابط
https://www.djelfa.info/vb/showthread.php?t=1075615

لامونة بالكريمة في هاد الرابط
https://www.djelfa.info/vb/showthread.php?t=1267713

نتمنى تعجبكم واي استفسار او سؤال راني موجودة

/زهرة عصفور الجنة/ · 2013-04-14, 14:00

ما شاء الله تشكيلة منوعة.ربي يدوم الخير والصحة .الطبق الذي على اليمين هل هو الخشخاش

الوهرانية 1 · 2013-04-14, 14:25

اولا شكرا على الرد الطيب حبيبتي الغالية
الي جنب المدلوك مسمن مقلي درته صغير كنوع من التغيير ورشيته باللوز ايفيلي بعدما عسلته
تحياتي ليك حبيبة

nadha2005 · 2013-04-14, 14:30

ما شاء الله والله روعة راكي دوخت ضيافك او دوختينا بلا ما دوقنا نطلبو منك غير تمدينا أسماء الأطباق
مشكووووووووووووورا

فاطمة1987 · 2013-04-14, 14:36

يعطيك الصحة الله يبارك

الوهرانية 1 · 2013-04-14, 14:43

اقتباس:

المشاركة الأصلية كتبت بواسطة nadha2005

ما شاء الله والله روعة راكي دوخت ضيافك او دوختينا بلا ما دوقنا نطلبو منك غير تمدينا أسماء الأطباق
مشكووووووووووووورا

حبيبتي الغالية تحياتي ليك وشكرا على الكلام الحلو
بالنسبة للاطباق
كاين
طعام باللحم والخضر
مثوم الدجاج محمر والكفتة مرفوق ببطاطا مقلية ومحمرة في الثوم والمعدنوس والزبدة
بطاطا مرحية مرفوقة بدوائر الكفتة والصلصة البيضاء والجبن
مدلوك الطاجين
مسمن مقلي ومعسل ومرشوش باللوز ايفيلي
لامونة بالكريمة
تحياتي اختي

ام نظال · 2013-04-14, 14:43

بارك الله فيك اختي الوهرانية ممكن اسماء الاطباق والمقادير شششششكككككككرررااااااااا

الوهرانية 1 · 2013-04-14, 14:46

اقتباس:

المشاركة الأصلية كتبت بواسطة ام نظال

بارك الله فيك اختي الوهرانية ممكن اسماء الاطباق والمقادير شششششكككككككرررااااااااا

راني عدلت الموضوع فيه الاسماء ومن بعد نحط المقادير بادن الله
شكرا على الاهتمام حبيبتي

إلهام07 · 2013-04-14, 14:46

مممممممممممم يعطيك الصحة راهم يشهيو السؤال اللي كان عندي سألاتو الأخت بصح كيفاش المسمن قليتيه
يسلم يديك كيفاش قدرتي درتي هاذو كامل في نفس اليوم ماشاء الله ربي يبعد عليك العين
بصح من فضلك طلب صغير : الصور نتاوعك ديما كبار مايجيو يطلعولي ونشوف طيابك حتى يطلعلي السكر
من فضلك صغري في الحجم شوية والله ماجاو يطلعو ضرك غير بالسيف مع الانترنيت ثقيلة واش نقلك

أم ياسين الزهراء · 2013-04-14, 14:49

عزيزتي راكي شاف ماشاء الله عليك وبصحتهم الضياف وربي يديمها نعمة عليكم كل يوم تزيدي في عينيا الله يبارك ماتبخلي ما تتكبري الله يكملك
انا حابة طريقة لمونة بالكريمة وبالتفصيل تعيشي

المرة الماجية نجيك انا وليكيب انتاعي هههههههههههههههههههه