حلوى بالفلان

**نور اليقين** · 2011-09-09, 16:27

بسمـ اللهـ الرحمنـ الرحيمـ ’
السلامـ عليكمـ ورحمة اللهـ وبركاتهـ ’

حلوى اللمبوط بالفلان

المقادير

4 حبات بيض
كاس زيت
مبشور ليمونتين
كاس فلان غبرة ( تقدري تديري نص كاس )
كيس خميرة ( درنا 2 خميرة )
2 كيس فانيليا
نص كاس سكر ناعم
كاس مايزينة
900 غرام فرينة ( ماتقيديش بهذا المقدار بالضبط ، ديري الفرينة حتى تصبح عجينة طرية وماتكونش يابسة )

الطريقة

في جفنة نضع البيض والسكر ونمزجهما جيدا ، نضيف مبشور الليمونتين و الزيت و غبرة الفلان ، ونخلط جيدا بواسطة ملعقة خشبية ، بعدها نضيف الخميرة والفرينة ونحصل على عجينة طرية، نضع العجينة في قمع الحلوى ونشكلوها
ونصنع دوائر أو أصابع ، نضع الحلوى في صينية مرشوشة بالفرينة وندخلها الفرن لمدة 20 دقيقة.

بنتها روووووووووعة

نتمنى تجربوه وتردولي الخبر

نورة · 2011-09-09, 16:30

حاوى شكلها رائع وباينة بنينة يعطيك الصحة

remadna · 2011-09-09, 16:37

يعطيك الصحة
كنت ننتظر في الوصفة
الزيت مع البيض في الأول؟
موالفين السكر+ البيض ثم الزيت

**نور اليقين** · 2011-09-09, 16:38

اقتباس:

المشاركة الأصلية كتبت بواسطة نورة

حاوى شكلها رائع وباينة بنينة يعطيك الصحة

الله يسلمك اختي نورة
هذي دارتها اختي للعيد
بنيـــــــــــــــــــــنة بزااااف
مشكورة على المرور حبيبتي

**نور اليقين** · 2011-09-09, 16:41

اقتباس:

المشاركة الأصلية كتبت بواسطة remadna

يعطيك الصحة
كنت ننتظر في الوصفة
الزيت مع البيض في الأول؟
موالفين السكر+ البيض ثم الزيت

الله يسلمك اختي رمضانة
لالا أختي ديري كيما موالفة تديري
احنا ثاني نديرو كيما قلتي البيض و السكر ثم الزيت
وانما كتبت الوصفة من المصدر نتاعها
درك نصححها
مشكورة اختي