دورة " ربات بيوت واثقااااااات"

[ابني نور عيني]

صباح النور للفراشات المتالقات و ربات البيوت المحلقات والله صراحة كلامك يا ام شمسو يرفع المعنويات للسماء و يشدنا الهمة دايما و يحفزنا باش نقومو باعمالنا اليومية و نرتبو حياتنا و نخليها اسهل
والله كلما نحس بالمورال هابط نجي نقرا مواضيعك نشحن طاقتي باش ننطلق من جديد و ناخذ افكار قيمة اللي طبقت معظمها وجابت نتيجة راااائعة و غيرتلي حياتي بالكامل خاصة الروتينات اليومية اللي صارت اهم حاجة نبني عليها

الصراحة انا من محبين التنظيف ثانيا والترتيب اولا يعني قبل مانقوم بالتنظيف نرتب كلشي على قانيه وهكاك التنظيف يجيني ساهل بززاف و كلشي يكون في مكانو و شحال نحب نرمي الاشياء لي مانحتاجهاش و ماعندهاش فايدة صراحة ماعنديش قلب من هاذي الناحية
انا متزوجة وام لطفل ماكثة بالبيت تقبلوني فراشة محلقة بينكم

[حياتي كلها امل]

السلام عليكم وجعل الله صباحكم كله خير وطاعة وقرب لله
ام شمسو انا روتيني المسائي بعد القهوة تاع المساء نغسل الاواني وندور على الدار نفرز ونكنس من بعد نوجد العشاء ونتبعد طريقة واش يطيح يتغسل بعد المغرب نتعشاو نغسل الاواني ونلمع الحوض ونوجد ملابس اولادي للغد اما روتين الجمالي تهاونت فيه بزاف والحمد لله على كل حال

[أريج13]

اصبحنا و اصبح الملك لله و الحمد لله وحده لا شريك له ...له الملك و له الحمد و هو على كل شيء قدير
صباح الخيرات و المسرات لكل الفراشات
آمييييييييييين ام متين ...جعله الله في ميزان حسناتك
اهلا بك ابني نور عيني موفقة مع سرب الفراشات
صباحك موفق حياتي كلها امل

[ابني نور عيني]

صباح النور و الجمال اختي اريج و حياتي كلها امل
راني بديت في روتيناتي اليومية اهتميت بنفسي و تناولت افطاري و شعلت الغسالة و راني مع التخمال ربي يعين الجميع على شغالاتهم

[أريج13]

ام شمسو شكرا جزيلا لك على الترحيب ...كلماتك تعطيني تشحنني و تعطيني طاقة ايجابية...ربي يخليك لينا و يجازيك على كل ما تقدمين...
بالنسبة للفرز رميت 17شيئا و اليوم ان شاء الله نكمل الباقي
بالنسبة لروتين المساء ما نقدرش نلتزم بيه ايام العمل

[arwa alaa]

صباح الخير فراشات واش راكم
يوم موفق للجميع

[arwa alaa]

اهلا فراشات
ام متين راني درت الغداء والعشاء وراهم يطيبو في زوج
كنت ندير قبل كيما انت بصح مع العطلةة يتخلبط كلش

[nihal159]

صباح الخير و لخمير على جميع الفراشات ربي يباركلنا في هذه اللمة و إن شاء الله نستفادو من بعض.

لبارح بديت فالبلاكار؛ عندي فراش تاع لي بونكات غسلتو من قبل و خليتو فلبلاكار؛ لبارح جبدتو و خبيتو فالجزء السفلي تاع لي بونكات(double fond). هذي أوّل خطوة في تبريد

لبلاكار هههه

دائما في إيطار التبريد؛هذه المرة فالكوزينة، بالنسبة للدرج المخصص للملاعق و لفراشط ههههه دايما فيه الفوضى و لملاعق الصغيرة تاع القهوة تتودّر فيه و نجيب

ساعة و أنا نفركث باش نلقاهم؛ إذا الحل؛ شريت سلاّت صغار على شكل مستطيل الواحدة ب 30 دج؛ شريت أربعة؛ ستّفتهم فالدرج و كل واحدة حطيت فيها شيئ

معيّن: واحدة مخصصة للملاعق و الثانية للفراشط و الثالثة للسكاكين و الرابعة للملاعق الصغيرة تاع القهوة و بهذا أصبح الدرج منظّم و أي حاجة نحوّس عليها نلقاها

قدامي.

روتيني المسائي؛ كي نعود نحضّر فالعشاء؛ الماعون لي يتوسّخ نغسلو و هكذا وقت العشاء مانلقاش لماعن تراكمو عليا.

كي نكملو لعشاء؛ نغسل للأولاد يدّيهم و نبعثهم لغرفتهم؛ و أنا نخمّل الطابلة و نستف الصحون المتسخة فوق البوطاجي و نمسح الطابلة و نرمي النفايات؛ و نروح نلبّس

للأولاد البيجامات و نحطهم في فراشهم؛ و نرجع للكوزينة نلقى أني قمت ب 80¨% من الأشغال و مابقالي إلا نغسل الصحون و نلمّع الحوض، الحمد لله عندي 5 سنين

زواج و لا مرة تركت مواعن العشاء للصباح.

كي نكمّل، نروح لغرفة الأولاد؛ نلم الألعاب نتاعهم المرمية في كل مكان هههههههههه؛ من بعد نتوضا؛ نصلي؛ نحط كريم مرطب في يديا وأخلذ إلى النوم.

[omelbanin]

السلام عليكم
كيف حالكن يا اجمل وانشط فراشات
اليوم وين شفت الدورة خبرتني اختي ام هاجر يعطيها الصحة
شكرا ليك ام شمسو والله غير راني في امس الحاجة لهذه الدورة ان شاء الله نكون معاكم في سربكن النشيط

[arwa alaa]

صح فطوركم فراشات

[arwa alaa]

انا اليوم درت تبريد لقجور البنات نتاع المساسك والمشاطي دايما مخلطين والي عنها طريقة لتنظيمهم تفيدني لاني عندي مشكل معاهم وكل مانحوس على حاجة لازم نفرغ الساك دوتولات

[روان دينا 27]

السلام عليكم
مبروك افتتاح الدورة اختي ام شمسو
ان شاء الله ما تكونيش نسيتيني؟؟؟؟؟
بفضلك تعلمت بزاف امور في التنظيم و التنظيف ان شاء الله تكون في ميزان حسناتك

[جهينة اليقين]

اهلا وسهلا بالوافدات الجديدات اهلا روان دينا البارح رميت واحد العرام من الاشياء الغير مرغوب فيها وما بقي اعظم ان شاء الله بالعقل نوصلو للشي المرغوب
ام شمسو نتمنى نرجعوا لعاداتنا الي كنا سايرين عليها من شرب الماء على الريق وصلاة الفجر وقراءة اربع صفحات كورد يومي ثم صلاة الضحى لانني انا شخصيا تخليت عليها فالصيف وفي المساء قراءة سورة الملك والنوم على وضوء وهكذا نكونو ملمين بامور الدنيا والدين ونكونو راضيين على انفسنا وبالتالي ينعكس سعادة وطمانينة على اسرنا

[سحابة باردة]

مساء النور شكرا حبيبتي أم شمسو على الترحيب والدعاء الله يحفظك
مراجعتش مليح ولاكن قريت برنامج العودة للمدارس يعطيك الصحة مقترحات رائعة خصوصا فكرة المنصة راني طبقتها
عندي مشكل هو البيت كبير وواسع ومتعب أيام نكون في قمة النشاط والحماس منقعدش كامل ونا كي الفراشة ولاكن كي يهبطلي المورال ونعيا نفشل ومن الكوزينة منزيدش

[ام شمسو محمد]

المشاركة الأصلية كتبت بواسطة سحابة باردة

مساء النور شكرا حبيبتي أم شمسو على الترحيب والدعاء الله يحفظك
مراجعتش مليح ولاكن قريت برنامج العودة للمدارس يعطيك الصحة مقترحات رائعة خصوصا فكرة المنصة راني طبقتها
عندي مشكل هو البيت كبير وواسع ومتعب أيام نكون في قمة النشاط والحماس منقعدش كامل ونا كي الفراشة ولاكن كي يهبطلي المورال ونعيا نفشل ومن الكوزينة منزيدش

اهلا و سهلا بالسحوبة ...ان شاء الله تكوني ريحتي ....البيت الكبير عبء ...انتي راقبي المساحة المستغلة و مش ضروري تنظفي كل يوم كل سنتمتر ...و ما تكثريش المقتنيات فقط الضروري ...ما شفتيش المهمة مالا ...شوفي 27 حاجة ترميها في دارك و ارميها ....الى التطبيق ...هههههه