الجزء 178 من كوزينة احلى رفقه كوزينة الاطايب للطيبات

[دمعة فرح*]

اوكى شكراااااااااا

[ام هدول]

المشاركة الأصلية كتبت بواسطة أم يوسف2

صح فطوركم بنات
هاني درت السفنج في خاطر حيوتة وبعثت منو للاحباب
خلطت السميد وفرينة
ودلكتو حتى عيييت خخخخ
والفطور سخنت اللوبيا وزدت فريت وسلطة

بصحتك السفنج برتي قلبك هنيالك خسارة ماكانش الصور ...

المشاركة الأصلية كتبت بواسطة om kamilia

رررااااائع ....الميرانق تهبل مع التززين ولي كراب وبصحتك

المشاركة الأصلية كتبت بواسطة ام هدول

صحة غداكم لبنات ...

اممممممممممممممممممم بصحتي انا بناتي كسكس الشعير مع اللبن بنيين وصحي

المشاركة الأصلية كتبت بواسطة oum ibrahim

بما انو ما حطيت لكم الباروك كي زيدت رايحة نحطو اليوم ليا وحيوتة والعاقبة لكامل الحوامل
هي بعض المقتطفات مصورتش كلش راكم عارفين مع البيبي والضياف وحضرت حلويات بسيطة راكم عارفين الشهر الأخير وتعبو والحمد لله
بسم الله









والحمد لله حمدا كثيرا طيبا مباركا فيه
حبيباتي اذا عجبوكم ادعولي ربي يحفظلي الكتكوتة ويصلحلهاهي وخاوتها ولكم بالمثل
إلى فرصة أخرى أن شاء الله كي نلقى وقت ندخل بإذن الله

اهليمن ام ابراهيم كي العادة رائع ....باروك هاييل ويهبل ..يسلم ييدك وربي يباركللك في وليداتك يارب

المشاركة الأصلية كتبت بواسطة melissat

السلام عليكم ورحمة الله وبركاته
وحشتوني وحشتوني ...حتى اليوم باه قدرت ندخل كنت نطل عليكم فوقت الفراغ من وراء الكواليس ههه
البارح سمعت فراشة المنتدى حيوتة ولدت وجابت ولد بهي الطلعة محمد مهدي بالبركة عليك حبيبتي ويتربى في عزك ودلالك وربي انشاء الله يحفظو ويصونو وانت ربي يشافيك ويعافيك وترجعي تنورينا
وهدي خص نص ليك حنونة درت اليوم باتيسري حلاوة ربي يحلي أيامنا يا رب...وبالمناسبة نبارك لام إبراهيم ربي يجعلها من الصالحات القانتات يارب ولكل وحدة زيدت وعقوبة لحبيبتي أم يوسف ربي يجيبلك سويعة زينة وربي يرزق كل وحدة متمنية الذرية الصالحة


عطلة سعيدة لكل الاساتدة والتلاميذ إلي معانا ..أنا طلعت للعاصمة مع العائلة فوتنا يامات شابين ودرك راني فالدار
وهدي تارت دورا درتها لتلاميذي في حفلة نهاية الفصل ..فرحو بيها بزاف وعشنا جو احتفالي رائع مايتنساش


أسماء حبيبتي هبلت باش نشوف طياباتك والو صورة ماطلعت ربي يشافيك حنونة توحشتك مووووت وتوحشت مهبولتي مريم يارب تكون بخير
والكل الكل ربي يبارك في الاطايب

عطلة سعيدة هنيالهم تلاميدك بمعلمة دريلهم تارت انا لحد الان ...مازلت ماشفتش معلمة دير تارت للتلاميد ...بالعكس يلمو ويشرو ولا الامهات تعمل التارتات ...وبصحتك العطلةة في العاصمة تستاهلي كل خير

[دمعة فرح*]

اختى انا نحوس علي ارز ابيض

[ام هدول]

تفكرت اسومة ...حببتي ربي يشفيك يارب

[ام هدول]

دمعة الرابطين في زوج يحكو عن كيفية طبخ الارز فقط انت المرق ماتحطيش طماطم مصبرة او مرحية ...او حمار من اجل اللون الابيض ....شوفي خاصة الرابط التاني فيه اخوات حطة طرق مختلفة للارز الابيض

[أم يوسف2]

استقوينا بالسفنج اممم عجبهم بقاو غير حبات هههه خليتهم لغدوة ان شاء الله

[أم يوسف2]

حبيبتي دمعة وش قصدك بارز ابيض يعني بصوص بيضاء اوقصدك محلبي بالاك نقدروا نعاونوك ادا فهمتينا وش تقصدي

[ام هدول]

[ابني نور عيني]

المشاركة الأصلية كتبت بواسطة ام هدول

خخخخ وحدك ام هدول

[melissat]

ههههه والله عندك الصح حبيبتي أم هدول ...أغلبية المعلمين والمعلمات يقارعو من التلاميذ شا يجيبو معاهم واللا يتفاهمو معاهم على مبلغ معين باش يشرو بيه باتيسري ولا تارت ...أما أنا غييييير كل هادو ..نبغي تلاميذي نموت عليهم ونبغي نفرحهم ..كنت ميتة بالتعب ذاك النهار بصح نضت وشريت لوازم التارت وخدمتهالهم بيدي . .وبمشاركة الفريق التربوي إلي معايا نضمنا حفل كبير وكلف كل معلم تلاميذو بنشاطات ..تلاميذي قدمو انشودة ألوان ألوان ومسرحية العلم الوطني والله كانو في أحلى طلة قاع انخلعو فيهم وصفقو عليهم والأخير قدمنا الجوائز على الممتازين كانت جوائز رمزية فقط المهم فرحة الأطفال
ولوكان تشوفي وين نخدم سور تهربي في منطقة نائية معزولة بصح مابغيتش نفوتو داك النهار هاك ..لوكان تشوفي هههه درت السوسة للمعلمات الي معايا نضنا سيقنا المطعم وغسلنا الطوابل وستفنا الكراسى وزينا المطعم بالنسافات والرسومات والاعلام الوطنية وصحبتي جابت ليساغ تعها ودارت شينيو للتلاميذ ههه هلكنا بالتعب يد تقري ويد تزين كلو في سبيل التلاميذ لا لشيء آخر
حكيت حياتي ..قاع نسيت روحي
عشانا جلبانة بالقرناع وعصير وفريز
الحمد لله حتى ترضى والحمد لله إن رضيت والحمد لله بعد الرضا
الحمد لله حمدا كثيرا طيبا مباركا فيه

[أم يوسف2]

صح عشاكم
عشايا ارز

[cilia]

السلام عليكم واش راكم لباس الكوزينة راهي فارغة اليوم
هاذو صور لعشاء درناه البارح لبابا كان في فرنسا و جا
[IMG][/IMG]
[IMG][/IMG]
[IMG][/IMG]
[IMG][/IMG]
نتمنى يعجبكم

[إلهام07]

مساء الخير ولا صباح الخير واش يقولولو ضرك ؟ ههههههههههههههه
أنا درت للعشاء "صفيحة" أو يسموها السوريين والفلسطينيين "لحم بعجين" وجات رقيقة ومنفخة ومقرمشة كيما حب خاطري كنت هايبة منها ظهرت ولا أسهل وممممممممممممممممممممممممممممم ههههه كليت وأنا صاينة حتى دخت
قبل مانروح نسحر حبيت نلقى التحية

أم إبراهيم ألف مبروك وربي يكبرها في طاعة الله ووالديها والله توحشتك مووووووووووووت


أسيليا شهيتيني وععععععععععععععع كيفاش ضرك نشوف هذا الشيء كامل ونروح نتسحر باط ياووغت خرام عليك ههههههههههههههه


زومبي : اختي والله يا المول اللي تحوسي عليه غير موجود في كل محلات اللي يبيعو لوازم الحلوات كاين واحد في ماليزيا في الدخلة قدقد يبيع حوايج القاطو عندو وكاين واحد توال السونطر اللي توال مارشي 1014 يبيع حوايج القاطو راهم عندو والله ياأختي غير متوفرين في كل مكان

المشاركة الأصلية كتبت بواسطة دمعة فرح*

سلام ممكن
طريقة عمل ارز ابيض

يا أختي مافهمناش واش قصدك أرز أبيض يعني مرق أبيض ؟ أنا حطيت وصفة أرز وراهو مافيهش طماطم جربيه


أم هدول من بعد نصورلك صورة الخميرة والله هايلة تعرفي تبلي العجين غير تروحي تغسلي الماعن ولا غير ديري كاش حاجة ثمثم تلقاي العجينة خمرت تشوفي اليوم اللحم بعجين جات عجينتها روعة ماشي المفروض تنتفخ في المقلاة دير فقاعات برك واش نقولك تنفخو كامل كيما الخبز العربي حتان هبطتهم بيدي باش حطيت الحشو روعة هذي الخميرة ولازم تنقصي من الكيمة شوية منها تكفي


أم يوسف بصحتكم السفنج بصح لاه المعاندة :d:d:d
السفنج نتاعي طار في دقيقتو درت غير زوج كيسان سميد عايلتي صغيرة وماهمش وكالين يذوقو برك
اليوم للقهوة درت كيكة الليمون جات حامضة تهبل حتى زكريا وكلا منها :d

[إلهام07]

ميليسات واش من سنة راكي تقري ؟ انا عندي سنة ثانية تلاميذي من العام اللي فات والله غير نموت عليهم تقولي ولادي درتلهم الحفل وشريت الجوائز للقسم كامل ودرتلهم مفاجئة كي خلصنا الحفلة علمتهم التعاون لموا ونظفوا كلش عانوني و ديتهم للمعرض نتاع المدرسة تفرجوا وزدت خرجتهم من وراء المدرسة للحشيش كي خلصنا لعبو أكثر من ساعة جراو ولعبوا وضحكو بردو قلوبهم وقبل مايروحوا كامل باسوني وشكروني على المفاجئة فرحو بزاف مساكن عياو من ضغط الدراسة

[أم يوسف2]

صباح الخير وجمعة مباركة
على ام هدول ضحكتيني وحدك في لابيست هه
الهامو ياك قالك عاند ولا تحسد خخخ البارح ماكناش وحدنا كانوا شوية ملافاااااامي وزدت بعثت منو شوية هادي هي خخخ
شهيتيني فالصفيحة كي نشوفهم ياكلوها فباب الحارة امممم نتشهاها بصحتكم