كبدة مشرملة

أم نديم · 2011-09-28, 16:04

المقادير : نصف كبدة خروف،3ملاعق فرينة،8 فصوص ثوم،مغرف صغيرة فلفل احمر حلو(بابريكا)،مغرف ص فلفل أحمر حار(اختياري)نصف ملعقة طماطم مصبرة،زيت
الطريقة: تقطعي الكبدة الى مكعبات وتمرغديها في الفرينة ومن بعد تقليها في 4 ملاعق زيت وفي قدر ترحي الثوم وتقليهافي الزيت وتضيفيلها التوابل السابقة علي نار هادئة وتحركي باه ماتتحرقش ثم تضيفي الطماطم المصبرة ومن بعد تمرقي بماءسخون بعدها لوحي الكبدة وخليها تطيب حتى تنقص المرقة وتخثار وقبل ما تطفي النار زيديلها 2ملاعق ليمون
ملاحظة :يمكن تعويض كبد الخروف بكبد دجاج

سَلْسَبِيّلْ · 2011-09-28, 16:18

بارك الله فيك اختي لكن تبقى كبدة لخروف متربعة على العرش
شكرا على الوصفة الشهيةامممممممممممممممممممممممم

bassamat · 2011-09-28, 17:21

يعطيك الصحة اختى وعندك الحق هنادى
ملاحضة فقط الكبدة مشيها شوية وحدها باش يشيح دمها شوية

HADIL146 · 2011-09-29, 16:44

مشكووورة نموت عليها

إيمان 87 · 2011-10-01, 16:42

مشكوورة ممكن صورة من فضلك

ام إثري · 2011-10-04, 19:14

يعطيك الصحة راني درتها اليوم للعشا درتها بكبدة الدجاج على بالك كبدة الخروف غالية بزاف نشروها غير للمريض كي ما يقدرش ياكلها ههههههههههههههههههههههه

جات هايلة
بارك الله فيك

أم نديم · 2011-10-04, 20:11

شكرا أم اثري على الثقة والدعابة وتاكلي بالصحة ونتمنى للعضوات تطبيقها لأنها ساهلة وبنينة وناجحة وفي متناول الجميع خاصة بكبدة الدجاج

ملاك7 · 2012-03-04, 13:21

بارك الله فيك اختي