لكل من يحتاج مساعدة || كل الأعضاء يدخلون ||

[Hou Da Lar]

المشاركة الأصلية كتبت بواسطة mr.r

هودا ختي منكذبش عليك
محال اذا نراجع انجليزية
لوكان تشوفي الباكالوريات اسئلة من فهم النص
و ممبعد بعض قواعد لازم هذوك rules تكوني عارفتهم
و أيضا
هذوك تع syllable ... Finall s/z/ed و ما شابه
و الوضعيات كاين منهجيات , كاين نورمالمو 4انواع ولا 5 نظن 4
تكونوا دايرينهم فدرس

ايا هذي هيا

صحيييت عز الدين (منعرفش سماك سمعتهم غير يقولوه مرانيش غالطة ياك )
مهم صحييت كتر خيرك بروبلام ماما راها مهبلتني على برنامج باش تراجعلي بيه و ماما من نوع لي يقولك درس هو صح هههه دك نسيي نقنعها و سايي بلي باك
صحيييت

[Mr.R]

المشاركة الأصلية كتبت بواسطة ~ شُـمــــــوخٌ ~

سلام
تعيشو كيفاه نديرو مسقط عمودي لنقطة على مستوي
ذكروني بيها

شوف العفسة
توجور حاول ترجم معطيات تع رياضيات في راسك ولا في ورقة وسخ
حاول الآن ديرها باش فلباك تلقا روحك آلاز
و وزيد راح تلقى بلي رياضيات لعبة

[Mr.R]

وي هدى نيشان ههههه
عزالدين
متشرفين

[~ شُـمــــــوخٌ ~]

المشاركة الأصلية كتبت بواسطة mr.r

شوف العفسة
توجور حاول ترجم معطيات تع رياضيات في راسك ولا في ورقة وسخ
حاول الآن ديرها باش فلباك تلقا روحك آلاز
و وزيد راح تلقى بلي رياضيات لعبة

شكراا ليك خويا اسمحلي تعبتك مي نحوس كي يقلك اوجد احداثيات المسقط العمودي
ملاحظة = انا طفلة ههههه

[Mr.R]

ايه سمحيلي راني نغلط بزاف
شاشرة قاع رديتهم شيرات والعكس

ديزولي مشفتش الرد تاعك , بسك خرجت بكري
و بروحي منكتش عارف السؤال جيدا لكن اظن اظن كاين فتمارين مصطفاي

[أمنية تنتظر التحقق]

السلام عليكم

قولولي يا جماعة الفرنسية وش يقراو فيها؟
من بداية العام لهذي اللحظة وما علاباليش وش درنا فيها
ماكاش قواعد ولا صوالح لازم الواحد يراجعهم
كيفاش نديرلها ؟

[Mr.R]

شوفي كاين موضوع داره وحد العضو فيه الفرنسية بزاف ملفات لكن صغار قريهم قاع
كيما اونجلي موضوع يجي سهل
اسئلة فهم نص و compte rendu

[أمنية تنتظر التحقق]

ربي يجازيك ..شكرا لك