تلميذة رابعة متوسط تسشيركم في برنامج المراجعة والحفظ

[* قمر*]

المشاركة الأصلية كتبت بواسطة nesrine123

السلام عليكم ورحمة الله تعالى وبركاته

من فضلكم اخواني طلاب السنة الاولى متوسط انا تلميذة رابعة متوسط بحاجة الى مساعدتكم في ضبط برنامج الحفظ والمراجعة عن طريق خبرتكم

انا اريد كل واحد منكم يقول معدله والبرنامج الذي كان يستعمله وهل كان برنامجا مكثفا وكل يوم يجب النهوض بااكرا ومتى بداتم للمراجعة

مع العلم انا اود باذن الله الحصول على معدل 18 في الشهادة ان شاء الله شعبة علوم

اتمنى لكم كل التوفيق

ان شاء الله اختي بالنسبة لي كان معدلي جيد 16 اما طريقة مراجعتي لا اذكر اني اتبعت طريقة المثابرة فقط والنجاح باذن الله
وان شاء الله البيام ب 18 ومتنسايش تعرضينا كيتجيبي 18 اختك هديل

[ﺂﭴﻧפة ﺂﻟﻅﻟآﻣ̝̚]

ماكان عندي ني جدول ني والو
مين ترشقلي نقرا مي تكون قراية جدية يعني من ساعة ونصف الى ساعتين و نصف
و كنت احل اكبر عدد من التمارين و المواضيع و ايضا الله يخلف على استاذ الرياضيات دائما يجيبلنا مشاكل صعبة و يساعدنا فيها
و الحمد لله نجحت بمعدل 17.38 مي و الله كلاب غير غشوني

[المُعادلة الصّعبة]

سلام اختي
انا جبت 16.36 ف البيام ولكن الرياضيات برك اللي هبطتلي المعدل وانا كنت متوقعه الاكثر
المهم
انا عام compli ما قريتش هاذيك القرايه اللي هاي وين بصح وينتا توصل الامتحانات والفروض تلقايني واجده وجبت الفصول في تلاثه معدل17 يعني عندي امكانيه نقرالك اكثر من 5 دروس في ليله
ننصحك الفيزياء كي تدخلوا لمجال الكيمياء صعيبه عليك ادخلي ليكور...... عليك وعلى ليكور تنفعك ياسر وتحتاجيها صدقيني
انا وقتاش قريت صح ودرت القلب ؟ ف 3 سمانات الاخيره تاع البيام
بالنسبه لمواد الحفاظه التاريخ نضت على 6 تع صباح بديت نحفظ sans arret حتا لل9 تع الليل كملت برنامج كامل ، هاذا قبل البيم بسمانتين
وكيف كيف بالنسبه للجغرافيا والمدنيه
هاااااه وماتنسايش عطلة الربيع استغليها احفظي باش كي تجي تحفظي للسوكوند والبيام تلقاي روحك ديجا عالقه شوي افكار في مخك وتسهالك الحفاظه وانا ساعدتني عطلة الربيع ياسر
فيزياء ورياضيات ؟ حلي تمارين و les sujets تاع لعوام لي فاتوا و ركزي على الدروس اللي جاوا ف العوام لي فاتوا و pratiqui ياسر خلاص
اما المواد الادبيه فرنسي عربي انجلي اذا راسك خفيف راح تكون ساهلتك وماتحتاجش جهد
المهم ال3سمانات اخيره تع البيام ما تراطيهومش راهم هوما الرسمي صدقيني
حتى ولو ما قريتيش اول العام بصح اخر العام وجدي روحك و الseconde تلعب دور باش توجدي روحك للبيام ؟
ربي يوفقك وينجحك ويحققلك مبتغــاك و يوصلك اللي حاباتو
ونبشرك البيام ساهله والله ما تخاف اختي اي تبانلك سيرتو اذا كنتي قريتي و اجتهدتي رح تبانلك تافهة وتغيضك روحك تقولي انا تعبت هذا التعب كامل باش يجيبولي "تفاهة" كيف هاذي ، كيما جرالي انا وليت نبكي قلت واااش نحفظ نحفظ مبعدا تجيني اسئله هكا سيرتو مواد الحفظ ،/ مانقولكش ماتحفظيش مي نبشرك رااااااهي ساهله ما ، و كلش ف الباك حتا ولو كان لا قدر الله ما جبتيش ، قادره تجيبي الباك بمعدل كبيرو تحققي امانيك
ونزيد نبشرك انا السنة اولى ثانوي علوم الحمدلله جايبه 17 التريمستر لولى ومعوله على شعبة الرياضيات اذا سهلها ربي
موفقه
اني هدرت ياسر عمدا خاطر حبيت نفيــدك وحابه نوصللك وش درت ونتي تقدري تستفيدي وانا نحب نفتح الموضوع هاذا لانو صح يحفز النفس على النشاااااط والاجتهاد
انتي قادره حبيبتي واصقه ديريها افعلي المستحيل لي قبلك داروها تشجعي اقراي كلها اشهر ومبعدا تفوت وترتآآآحي ابداي من ضرك التحدي هياا حببببوبا