الورشه --21--سطايفيه

stayfiya · 2014-06-21, 22:48

السلام عليكم و رحمة الله و بركاته
مساء الانواار
كيف حالكم
كيما العاده
ورشه اضافيه
على الله نلقى وحيده تنفذها
وتفرحني و مانحسش وجودي كعدمه
على بركة الله نبداو
تحتاجي 2متر قماش انا شريت الديجيتال ب 30نلف المتر و قالون انا شريت باكي
ب 30نلف فيه10متر
اول شي كتانك شمخيه و انشريه ينشف (باش نتاكدو
بلي مايزيدش يشرب و يفسدولنا القياسات)
من بعد حديه و طبقيه على ربعه كيماراكي تشوفي الحافه تاع لاليزيار
جينا من فوق و من تحت ميش على الجانبين
لنو هنا خيرنا عرض الروبه يكون متر من امام و متر من خلف اوكي
راكي متبعتني

حقا ماقتلكمش وينا مودال راح نديروه. انا في خاطر
خوخا دومونداتو قلت نزيد نشرحلها بورشه بلااك كشما تفهم و تبعثلنا دعوه
هاو المودال

ساهل واش قلتو هيا نديروه كيف كيف !!
نروحو نحطو قياساتنا

هو الاكيد انو كل وحده فينا عندها قيسها اذن نتي حطي نتاوعك
وانا حطيت نتاوعي ممكن يجيو متقاربين خاطر انا راني طاي ستوندار هههه
عرض الكتف تاعي 38 ركزيلي علو كلمة عرض هنا ماقلتش دوران ؟؟
العرض يتقسم على 2 و الدوران يتقسم على 4 هاذي ماشي كيمياء
ركزي تفهمي
كي نقسم عرض الكتف نلقى 19
فتحت الرقبه ب 9 و طول الكتف 9
هبطت في فتحة الرقبه ب 14
و فتحة الذراع ليمونشير 22 مع نعبطو شوي في لكتف 2سم تقعدلنا العشرين
رحنا لدوران الصدر و الخصر و الحوض كامل قسمناهم
على ربعه و زدنالهم زوج و من تحت كملت عرضت فيها حتى ل 50سم
لييي مونش درتهم مراوح يعني عراااض
نتي كيما تحبي طولي عرضي تحبي حتى ماديريهمش

اتولهي هناحنا كيما شفتي المودال جاي بونشي. يعني مايل معناها في
تغيير راح يطرأ على جهة الكتف راح تقطعي

و تستغناي على الطرف هذا و تستبدليه ب بروتال
عرضو 9سم و طولو 32سم
و دوبليه اوكي

نبداو نخيطو نلصقو الامام مع الخلف بالكتف
و من بعد نكفو الحاشيه على برا دوره وحده من بعد نحطو
عليها القالون و جيك خياطه نظيفه و اونكاستري هههه

قبل ما تلصقي القالون تاع الصدر لصقي قبل تاع البروتال و ابلاسيه
في بلاصتو و فوتي عليه فرد مره القالون تاع الصدر طريق تكفي لكان عريض

الوغ خلصنا نروحو لليمونش نسرفلوهم

و نبداو نلصقو و انقشي في نفس الوقت لي ماعرضتش فيهم مايجيوهاش النقشات
هاني كيفاش لصقتهم

ماتقوليش السطايفيه صعاب ورشاتها و ميش لاتيه بالمبتدئات
يابنتي راني هنا على جال كل الفئات و ربي
عالم عمري بخلت وحده مهما كان سؤالها تافه
في نظري علابالي بلي في نظرها امر مصيري ،..!
ايا نوليو لموضوعنا
بعدما تلصقيهم رقدي لخياطه هنا حاله
شاذه لافورم ماشي كيف كيف
في الجيهتين و باش ما يتقلبليش المونش
و هاذي هي

ضك اجملي الروبه تاعك على الجيهتين

من تحت الطابق لاسف الروبه ممكن هنا تتخلعي تقولي قست
قدقد و جات جيهه فايته جيهه نقولك دونت ووري عادي تصرا و باش تعرفي
بلي الواحد لي نوكلوه في لخياطه و الواحد لي نزيدوه ماشي لعبه اي
خطأ راح يبان بالخدمه و مع الوقت و التجارب راح تتعلمي
من أخطاءك اوزني روبتك و ماتنسايش اطلعي في لي كوتي شوي (خاطر روبتنا
لارج من تحت كون تكون دروات ماتطلعيش) باش ماجيكش
طايحه عاى لي كوتي و مرفوده مع الوسط (هنا السبب
باين في الوسط الروبه يرفدها الصدر و الكرش وو و على الجيهتين
مكان ما يهزها غييير لكان تحزمتي شوي تطلع بصح نتي ديري حسابك )
طولنا الهدره و خلينا زوليخه تستنا
هاي ليكم

ان شاء الله نكون افدت اكبر عدد
لوكان تقراو بقلوبكم راح تفهمو اكييد
دعواتكم لأبي الحبيب بالرحمه و المغفره
اختكم السطايفيه

لينة المتفائلة · 2014-06-21, 23:02

ربي يجازيك اختي سطوفة
خصارة خصارة قماشي فصلتو لوكان راني درتها كيما هكذا
او هاذي اخر قندورة نخيطها
لانو مسافرة او نرجع دييييييييييراكت للباك نتاعي ان شاء الله
ادعيولي ربي يوفقني اختي سطوفة
هكذا نوعدك نرجع نطبق ورشاتك خاصة هذاك الرمادي لي مع البوليرو الغوز نتع الاعراس
ماتخافيش وراشاتك كامل راهم في الميكرو
ايه كاين تصاور خرجو او اخرين نن

douda21 · 2014-06-21, 23:25

يعطيك الصحة سطوفتي ربي يجازيك و يهنيك و يرحم والدك و يجعلو في الجنة ان شاء الله ورشة خفيفة ظريفة و باهية يعطيك الصحة
حقا الحجاب اني نخيط فيه بقالي نجملو برك و بربي ان شاء الله غدوة يكون واجد حبيبتي الف تحية

souheila dz · 2014-06-21, 23:35

ربي يجازيك سطايفية ويحفظك

stayfiya · 2014-06-22, 00:04

اقتباس:

المشاركة الأصلية كتبت بواسطة لينة المتفائلة

ربي يجازيك اختي سطوفة
خصارة خصارة قماشي فصلتو لوكان راني درتها كيما هكذا
او هاذي اخر قندورة نخيطها
لانو مسافرة او نرجع دييييييييييراكت للباك نتاعي ان شاء الله
ادعيولي ربي يوفقني اختي سطوفة
هكذا نوعدك نرجع نطبق ورشاتك خاصة هذاك الرمادي لي مع البوليرو الغوز نتع الاعراس
ماتخافيش وراشاتك كامل راهم في الميكرو
ايه كاين تصاور خرجو او اخرين نن

ربي ينجحك ختي. بالتوفيق معليش خيرها فغيرها
الصور راني نعاود بالشوي

اقتباس:

المشاركة الأصلية كتبت بواسطة douda21

يعطيك الصحة سطوفتي ربي يجازيك و يهنيك و يرحم والدك و يجعلو في الجنة ان شاء الله ورشة خفيفة ظريفة و باهية يعطيك الصحة
حقا الحجاب اني نخيط فيه بقالي نجملو برك و بربي ان شاء الله غدوة يكون واجد حبيبتي الف تحية

الله يبارك دودا ربي يقدرك ختي

اقتباس:

المشاركة الأصلية كتبت بواسطة souheila dz

ربي يجازيك سطايفية ويحفظك

اللهم امين شكرا سهيله حبيبتي

om meriem · 2014-06-22, 08:57

ربي يجازيك سطايفية ويحفظك

sarra5 · 2014-06-22, 10:18

يعطيك الصحة سطايفية رايحة نطبقها وعد لكن دون قالون ""عندي صعوبة في تركيبه ديما ""هههههه

samira10 · 2014-06-22, 10:30

يعطيك الصحة على هده الورشات منها رايحين نتعلمو و نولو خياطات ربي يجازيك بكل خير

fatma1977 · 2014-06-22, 11:00

ربى يرحمك باباك حبيبتى وينعمو فى جنة الفردوس فى الرفيق الاعلى مع الصديقين والشهداء والصالحين .

kaouka · 2014-06-22, 11:05

السلام عليكم ورحمة الله وبركاته يعتيك صحة وراشاتك ديما فور ربي يعطيك وش في بلك والله لمجهود ليركي ديري فيه رح يكون في ميزان حسناتك وجزاك الله خيرا على هذا لورشة ربي يرحم بباك ويسكنه في الجنة أنا معنديش هد tissu هدا lgalon نتعلم في وحد وخلص أحبك في الله

assil2 · 2014-06-22, 11:31

الله يجازيك خيرا ويرحم باباك اختي ربي يجعلو في جنات الخلد
ماشاء الله ورشاتك دائما ممرتبة و مفهومة ،وراني طبقت زوج
منها وإن شاء الله قريبا نحطها الله يحفظك اختي

أم بثينة19 · 2014-06-22, 13:55

أختي السطايفية ربي يحفظك ، عمل وشرح وإتقان ومهارة فاقت الروعة ربي يخليك لينا معلمة ونستفيد دوما منك ربي يرحم والدك ويسكنه جناته ويرحم جميع موتى المسلمين أمين، راني رايحة نطبق ورشتك بإذن الله وأنت قيمي عملي

crystale49 · 2014-06-22, 14:49

الصمت حكمة · 2014-06-22, 19:31

عمرك ماتقولي وجودك كي عدمه. اصلا ما نقدروش نستغناوا عليك شخصيا استفدت الكثير ربي يجعل اعمالك في ميزان الحسنات وميزان الوالد الكريم رحمه الله راه ربي عالم راني ندعي لك انت و هو في كل وقت بالصح حابة نخليها بظهر الغيب

دعاء المحبوبة · 2014-06-22, 19:42

جزاك الله خيرا