مصروفي 4000 دح

[مشكلتي]

انا متزوجة جامعية لا اعمل زوحي عنده مصدرين للرزق
كان يعطيني 4000 دح مصروف شهري بعد ولادة طفلي الاول رحت عند والديا معطانيش مصروف وهو بقا في دار اهله يصرف عليهم مع العلم راهم ماهمش مخصوصين جامي قتله علاش تمد دراهم لاهلم وخصوصا امه وابوه طلباتهم متخلصش لدرجة انها تقارن نفسها بيا ديما رحنا للترك ورا الزواج قاتلنا المرة الجاية انا نروح ؟؟؟؟؟؟؟؟؟؟؟؟؟؟ الناس تقول نروح لبيت ربي وهي حسبالها انا ضرتها واقيلا؟
المهم بعد ماكان يمدلهم دراهم بصح مش ديما وبعد ما كنت ديما نقله مد لوالديك الدراهم اصبح دراهمه كامل ليهمم وانا وولدي 00 لدرجة انه زاد ولدي واشياء عديدة ناقصة ملقاش فوقماه يرقد تخيلوا الوضعية قتلكم بقيت في دار اهلي في نفاسي صرف شهريات اكل على ماليه كي روحت لداري قتله اعطيني مصروفي قالي لا من الان مكانش زاد عندنا الولد ولازم نحسبوا لكلش ؟
راني نكتب ونبكي الحالة اللي وصلت ليها من الذل ما للي كنت معززة في دار والديا وليت نمد يدي ل 4000 د وميمدوهاليش مجااهش البخل على دارهم ونزيدكم امه وقفتله وقاتله تديني انا وبنت اختك للبحر مدة اسبوع وراه يفتش على الكرا
هاد الشي كامل مش تبذير 4000 د الشهرية اللي رخ تخليه

راني حاسة روحي ذليلة و رخيسة حسبي الله ونعم الوكيل في اللي كان السبب هادي هي القوامة تاع رجال اخر الزمان

[أناييس الربيع]

ربي يرزقك من فضله
يا أختي إذا كان يوفر لك كل المستلزمات المنزلية أكل ولباس دواء ماحاجتك للمصروف الاخر
وإذا صرف على والديه هذوك أهله واجب فيه ،متحاوليش تكبري الموضوع ،واقتنعي بهذه المعيشة
وإن كنت محرومة من الأكل وغيره ،تقدري تسرقي منو وش تآكلي ولا داوي.
وحاولي تحاوري زوجك وتناقشيه في الموضوع بطريقة ذكية
ومبروك عليك الولد وربي يجعله ذرية صالحة

[فاصلة]

الله يهديه . حاولي تفهميه بالشوية.

[noussa_94]

اختي القلقة ماتجيبيش بيها حقك ،، هكا تبعديه برك

معلــيش حابين يحوســو نتي ثاني روحي ونحي على خاطرك معاهم

خليه هو لي يصرف ويدير كل شئ
ماتنقصي حتى حاجة من طلباتك ،، لبستك ماكلتك ، ولا أي حاجة تخصك هو لي يديرها

وبشوي بشوي بالهدرة المليحة راح يرجع كيما كان ولا أحسن

[abdel02]

الله يهديك أنت قبله،لابد أنه يصرف على والديه وعليك أيضا

لكنه غير ملزم باش يعطيك 4000 دج شهريا،الغيرة تكاد تأكلك

من تصرفاته إتجاه أمه،وعلك أن تحمدي الله وتصبري على راجلك

لما فيه من خصال حميدة عوض أن تنبشي عن ما هو سيء.

[sunshine2013]

ادعي ربي يهديه كيفاش يخلي مرتو و وليدو محتاجين نتم اولى شكون بيكم و امو على الراس و العين بصح واحد ما حساب لاخر
ﻻزم زوجك. يتعامل بعدل و حكمة

[noussa_94]

المشاركة الأصلية كتبت بواسطة abdel02

الله يهديك أنت قبله،لابد أنه يصرف على والديه وعليك أيضا

لكنه غير ملزم باش يعطيك 4000 دج شهريا،الغيرة تكاد تأكلك

من تصرفاته إتجاه أمه،وعلك أن تحمدي الله وتصبري على راجلك

لما فيه من خصال حميدة عوض أن تنبشي عن ما هو سيء.

من واجب الراجل يصرف على زوجته ،،،
لكن اذا كان ماكاش راح تتحمل من اجل زواجها وتتنازل اما غير ذلك فهو حقها حنا مش عارفين اذا يصرف عليها كل شئ من اكل ولباس واشياء اخرى تخصها ولا غير يصرفلها المصروف الاساسي ويخليها

على هذي مانقدروش نحكمو عليها

[خالد عنابي]

من واجب الرجل انه يصرف على زوجته قبل والديه وخصوصا وان والديه ماهمش مخصوصين
البر الوالدين شيئ والخضوع لنزوات الام الصبيانية شيئ اخر

الام ليست زوجته الثانية باه كلما صرف دينار على زوجته لازم يصرف مثله على امه

[nounounounou]

حقا من المفروض انو يصرف على مرتو لانها في كنفو وتحت رعايتو وهو كل شيء بالنسبة ليها............. هذا احد الاسباب لي تخلي النساء تشترط العمل بعذ الزواج ........................ والدته لاباس اذا كان يحب يرضي والدتو ما تقوليلوش علاه خليه ....لكن زيدي ....حاولي معاه بالاك يهديه ربي و بينيلو الاشياء لي تحتاجيها انت ةابنو خليه يشريها هو .بيدو ...(مجرد راي ) ..واذا لم يرد .......ماعليك غير انك تلجئي لمهنة بسيطة كالخياطة او صنع القاطو اي شيء فيه مصروف والمكسب تستنفعي بيه
ان شاء الله يهديه ربي .......ربي يعينك ويسهلك

[نور لاتراه]

السلام عليكم
لاخوف ممن يحسن بوالديه ويبرهما
واعلمي ان الرزق بيد الله
لكن ابذلي الاسباب

[روح المي]

إذا كان قصدك انك لما تذهبي لمنزل اهلك يعطيك مصروف 400 كاين ميعطيها والو وقاللها روحي انفسي في دار بوك لازمك صبر وفهميه بالعقل وربي يهدي

[دنيا الامل 18]

انا لا اخد اي مصروف احمدي ربي

[محمد جديدي التبسي]

المهم ان لا يبخل عليك بالمأكل والملبس وواحد راح للترك مستحيل يكون بخيل
هو بار بوالديه ولن يعيشوا معه أكثر مما ستعيشين معه فكوني أوعى وحافظي على بيتك
الرجل هو من يصرف على البيت ويعطي لزوجته مصروف في حدود امكاناته او في المناسبات خاصة اذا لم تكن تخرج الا معه.
ربي يفتح عليك