الجزء 177 من واش طيبتي اليوم ك وزينة

[ام هدول]

صباح الخير لبنات ...نهاركم زين ...ام عبيدة البارح كنت رايحة نديرلك نداء ومن بعد نلعت بليس قلت لمرة راهي مع عيد الحب وانا نديرونجي فيها
اهللين ام ابراهيم ربي يسهلك ان شالله في زياتك ..يارب ..انت وكل الحوامل ....ليك وحشة والله
ام يوسف الحمد لله صبحتي مليحة ...ام محمد ....بصحتك اللوبيا ...مسبقا انا لغدة فول اخضر ....ونخبز كسرة رخسيس....نروح لللاشغالي راني متوخرة سلالالالام

[om obaida]

اهلين ام هدول والله عشيت مريضة وزيد عيد الحب منكذبش عليك منصتعرفش بيه لانو الحب الحقيقي يكون كل يوم

غدوة صح يغيضني الحال يلا متفكرنيش زوجي لانو عيد ميلادي

[أم يوسف2]

ام عبيدة سنة حلو ة يا قميل زيدوا نقطةة ههههه كل عام وانت بخير وعلى خير يارب تكوني دايمن مليحة وعايلتك دايرة بيك

[أم يوسف2]

ياعمري ام ابراهيم رايحة تسبقينا ان شاء الله ربي يسهللك الولادة ويرزقك بولد سليم معافى وصالح يارب طمنينا عليك ماتنسايش اختي والعاقبة لينا اللهم لاسهل الا ماجعلته سهلا وانت تجعل الحزن اذا شئت سهلا

[أم يوسف2]

صح مولات البندير مابندرتش علينا والفناها
اسمعوا منا لمبعد لعشية اذا مادخلتش اعرفوا بلي آفير انترنت
غليت بطاطا مانعرف اذا نخليها هكاك ولا نديرها معقودة
حيوتة الحوتة مادخلتيش اليوم نتمنى تكوني مليحة

[حياة نور الدين]

صباح الانوار
انا البارح رقدت مليح بصح بنتي بنتي تسعل مالا الصباح مرسلتهاش للروضة ورقدت خخخ

ام هدول ، ام محمد ، ام يوسف ، ام عبيدة، ام برهوم صباحكم عطر منور

ام ابراعيم مبقالكش ربي يعطيك سويعة سااااهلة ونفرحوا معاك يا رب ومتنسايش طمنينا حخبيبتيب

ام عبيدة الف لابالس عليك

ام يوسف حنونة كيفاش صبحتي اليوم

ام محمد صباحك كله نشاط وحيوية ربي يدوم عغليك الصحة

ام هدول الكوكا تشهي بصحتكمم اختي

صدق ربي يسهلك امورك ونشوفك احلى عروسة ويهنيك ان شاء الله وعقبال لكل الحلوات تاعنا

[حياة نور الدين]

انا باقيلي شوية شطيطحة نزيد نمعها ارز او شربة بالحليب للبنات
سلامي للجميع

[lyzzabel]

السلاام عليكم و رحمة الله .. صباح النووور حبيباتي كي صبحتو غايا ؟ ؟

حيووتة واه نيشان عرفتييها كي عدلت لي فوتو و بديت نحمل فيهم حاوزني المنتدى اخخخصصصصصص ههههه و بصحتكم الشطييطحة و البطاطا حبيبتي

مريوومتي و اسوومتيي والله لا انا تاني توحشششششتكم و توحشت كوزينتنااا. .

أم يوسف الحمد لله كي ريحتي شوية على بالكي ليستوما فالحمل يولي ديليكااا بزززززااااااففففف يليق تحرزي روحك قد لي تنجمي و ربي يسلكك حنوونة

اييه و أم محمد شكراا على كلامك الحلو هادو يومين عرفت بلي ولدك بوقووص و اليوم عرفت بلي لسانك حلووو هههه ربي يحفظك و بصحتك لي كادو و ربي يخليكم و يسخركم لبعض ياارب

الشيرات سامحوني من بعد نولي بإذن الله كي لقيت فرصة قلت نطل عليكم نشالله برك ما نلقاش الباب مبلع كيما يامس خخخخخ

حقا فطوري جلباان باللحم و سلطة و بالاك نزيد لي فخييت للبزاوز و الحمد لله على نعمه


اللهم ما أصبح بي من نعمة أو بأحد من خلقك فمنك وحدك لا شريك لك فلك الحمد و لك الشكر

[ابني نور عيني]

سلام
الاخت ليزابال وشراكي اختي لاباس والله حشمتيني بكلامك ربي يعزك و فطورك يشهي جلبانة اللي نموت عليها وزيد من دياتك يا مامي يا مامي الف صحة و هن
حيوتة وشراكي كيفاش صبحتي وبصحتك الروز و الشطيطحة
ام هدول بصحتك الفول والرخسيس هنيئا مريئا
ان عبيدة فطورك يشهي اممم يالوكان بواقي والله يهبل و صح عيد ميلادك اليوم؟؟؟؟؟

[أم ياسين الزهراء]

صباح الانوار الف مبروك الكوزينا ويشهد علي ربي عيت نحمل الصور من بورطتبلي الجديد ادا سمعتو بيه حاولت والو بصح نحاول ونحاول ونحطلكم شوي صور

ماراجعتش موحال بصح حبيت نقوللكم راكم في القلب وفي المعدة ههههه يعني كل مانطيب نتفكر كوزينتا اللي كانت ومازالت معمرة بالخيرات

غدايا كان بواقي والحمد لله والعشاء بلاك بتزا

[اريج 07]

ميمتي ام ياسو نورتي الكوزينة والله عدتي تخلينا نتوحشوك بزاااف وبصحتك البواقي

[اريج 07]

هذا غدانا دوبارة حاااارة الصور من الارشيف عدت نعيا نصور خخخخخ على فكرة كليناه بزيت الزيتون بعثتهولي حبوبتي زيكا ربي يخليهالي مواااح ليك

[ابني نور عيني]

اهلا اريج وشراكي والله درتو حالة في عيد الحب بصحتكم و خاصة ماماك هههه وانا اللي عجبني كتر الورد نموووت عليه خاصة الاحمر وااااع فور بززاف ورمز الحب بصحتكم الفطور

ام ياسين الزهراء كيف الحال هادي غيبة طلي علينا شوية هههه

[انا هي رزيقة]

السلام عليكم نهاركم فل و ورد و ياسمين و رياحين وصحة و فرحة و رضا بقسمة الرحمان ... كيفكم يا الحلوات ان شاء الله بالف خير يا رب .... دخلت على كادوات مريومة و حفلة لاصال دوصبور يخرب دباديبك يا زينونتي..جبتيلنا عيد الحب للكوزينة و سبغتيها روج في روج ..... خخخخ ربي يديم عليك الفرح و الحب و الهنا طول العمر حنونتي انتي و كل العائلة الكريمة ايييه و سورتو الماما ..... يا لهوي غرت... انا مجابولي والو .... خخخخخخ قالولي ياك الحب راه في القلوب و زيد طول العام ...... خخخخخ المهم اجري امحي الرد يا مصيبة سينو يزعفو المشرفات ...... خخخخ ايه حقا بالعافية على قلوبكم الدوبارة الاممم بزيت الزيتون... قارعيلي قريبا نبعثلك زيت طازة تع هذ العام ان شاء الله

[اريج 07]

اهلين زقزوقتي واش حوالك عميرتي توحشتك انا امس مدخلتيش قلت راها لاهية هههه مام حنا منامنوش بعيد الحب مي لبارح كانو عندنا بنات عمي و عملتي و بناتهم مخلوش بابا يدخل لدار حتى يجيب الشيكولا و الورد هبلوه ههههه

مزية شفتي الرد قبل مانحيه هههه راني محيتو مام انا خفت من المشرفات خخخخ هههه
ايه و زيت الزيتون والله مزال بزاااف ربي يخليك لي يجينا نقولو بعثتهولي صحبتي و حبيبتي قبايلية
ام محمد ربي يخليك حنونة و بصحتك نتي تاني