عاونوني واجركم لله

[djazia87holi]

السلام عليكم جيتكم اخواتي في حاجة نتمني اني نستفاد لانو صراااااحة وبدون مجاملات استفدت ياسر من مندايا العزيز وفي كل قسم استفدت افكار جزاكم الله خير انا حاليا مانيش نخرج خلاص من الدار ونتمني من الاخوات عاونوني تمنيت نتعلم الخياطة وخاصة التفصيل التفصيل اي راهو خلاني نتجنب الخياطة وخاصة هوايتي المفصلة اني نتعلم التفصيل انا مشكلي اني نخاف من المقص باختصار لي.تحب تطرح عليا كتابات ينفعوني او.افكار تساعني ماتبخلونيس واجركم.لله تعالي راني على احر من الجمر نتمني المشرفات للقسم او هوات الخياطة والف شكر مسبقا

[أم_فراز]

ربي يوفقك
الحاجة الي تمنعك من اي هواية تمارسيها هي الخوف. ياختي كي تبداي تتعلمي ارسمي بالطباشير ومن بعد قصي باه ماتغلطيش وماتخافيش بزاف من المقص. ماتخليش الخوف يسيطر عليك .اعتبري روحك ماقنة للفصالة واصدمي بالمقص. وزيد نعطيك نصيحة اشري قماشات رخاس خاصة الكتان كاينين الي ب 30 الف اتعلمي فيهم يعاونك حتى في الخياطة مايطوطش. حتى ولو فسدلك ماتخسريش بزاف. مرة تفسدي ومرة تصلحي ودحتى تو
تتمكني. بالتوفيق

[crono]

المشاركة الأصلية كتبت بواسطة أم_فراز

ربي يوفقك
الحاجة الي تمنعك من اي هواية تمارسيها هي الخوف. ياختي كي تبداي تتعلمي ارسمي بالطباشير ومن بعد قصي باه ماتغلطيش وماتخافيش بزاف من المقص. ماتخليش الخوف يسيطر عليك .اعتبري روحك ماقنة للفصالة واصدمي بالمقص. وزيد نعطيك نصيحة اشري قماشات رخاس خاصة الكتان كاينين الي ب 30 الف اتعلمي فيهم يعاونك حتى في الخياطة مايطوطش. حتى ولو فسدلك ماتخسريش بزاف. مرة تفسدي ومرة تصلحي ودحتى تو
تتمكني. بالتوفيق

برك الله فيك اختي أم_فراز نسيتي تحطيلها رابط قسم الورشات

https://www.djelfa.info/vb/forumdisplay.php?f=508

ربي يوفقك اختي djazia87holi

[djazia87holi]

سكرااااااا

[hassina23]

و الله يا ختي رانا كيف كيف في نفس تلمشكلة انا تان راني حابة نتعلم التفصيل و ملقيتش كيفاش ندير