السلام عليكم
حبيت نشاركم وصفة عجبتني بزاف
هي شربة فريك بالفول
الطريقة :
قبل ما تبداي الشربة ديالك لازم تكوني غليتي لمدة 30د
حمص ديالك باش تستعمليه يجي يذوب فالفم ماشي يابس
من بعد
عمري القدرة
بالماء كمية تكفي افراد عائلتك
و الخضر أيضا على حسب الماء
و حطي القدرة فوق النار
و تبداي تضيفي المكونات بارد في بارد كيما نقولو
4 حبات
بصل طويل
2 حبات
طماطم كبار الحجم منزوعين القشرة و الزريعة
1 حبة
بطاطة متوسطة الحجم
4 حبات
جزر كبار
2 حبات
لفت صغار او وحدة كبيرة
ربطة صغيرة
قصبر
اضيفي
الحمص لي هدرت عليه سابقا
اضيفي
الفول حب فقط مقدار طاسة شربة صغيرة يعني 300غ تقريبا
ملح
كركم
فلفل اسود
فلفل احمر عكري
شوية برك
عود القرفة
1 ملعقة كبيرة
بذور الكتان
شوية كروية
2 ملعقة كبيرة
طماطم العلبة
ديري النار
هادئة كامل و خلي الشربة طيب لمدة 1 سا و 30د
كي تكمل المدة نحي كااااااااامل الخضر
ما عدى الفول و حمص
شللي مليح
الفريك ديالك حتى يتنقى مليح و ضيفيه للشربة و هي تغلي
خلي الكل يغلي مدة 5د
طفي النار
خلي القدرة تريح 15د او 30د حتى تتنفخ مليح الفريك
و قدميها مع
الليمون
ممممممممممممممم
بنينة بزاااااااااااااااف
ايه ما قلتلهمش بلي الخضرة مدوها لوليدكم صغير او خبوها في المجمد كاش نهار تديرو بيها بويون
و هذا تطبيق الأخت أم جوجو ربي يباركلها في يديها
اقتباس:
المشاركة الأصلية كتبت بواسطة omjoujou
زخرفة لحبيبة كيما وعدتك راني طبقت وصفتك شربة فريك بالفول ذوقها هاااايل مع عصرة قارص امممممم
الله يعطيك الصحة
|
و هذا تطبيق الأخت
حياة نور الدين
اقتباس:
المشاركة الأصلية كتبت بواسطة حياة نور الدين
السلام عليكن
فطوري اليوم كان تطبيق لوصفة لواحدة حبوبة معنا هيا حزروا فزروا نحطلكم الصورة وقولوةلي
المهم الوصفة هايلة والبنة روووعة يعطيك الصحة يا صاحبة الوصفة خخخ
شوية ونرجع نراجع خخخ
|