اروع قريوش تلمساني من عند ام فاطمة لا تفوتوا الفرصة

[أم فاطمه]

السلام عليكم اخواتي عساكم بخير.
اخواتي بمناسبة حلول عيد الاضحى المبارك الله يدخله على الامة الاسلامية بالصحة و المغفرة
صنعت القريوش باش نستقبل بيه ضيافي وحبيت نشرككم معي في تحضيره. نتمنى يعجبكم



المقادير
5. كلات فرينة.
1 كلا زبدة التوريق.
قرصة ملح
مغرفة كبيرة خل
بكية خمارة
حبة بيض.
ماء الزهر مع الماء الدافئ.
. .


الطريقة
خدي الفرينة اضيفي لها الزبدة و حكيها مليح بين يديك ثم ضفيلهم الخمارة. الملح و البيضة مخلوطة مع الماء وماء الزهر
نجمعو العجينة وندلكوها و نتركوها ترتاح.
من بعد نورقها فوق الطاولة ثم في الالة عدت مرات حتى ترجع رطبة



المهم في الاخير رشي قليل من الميزينة باش يجي مورق لازم تجي رقيقة وخدميها كالمعتاد. اناوضعت فكل حبة 5 اشرطة وضفرتها كما في الصورة

انا صنعت 2 اشكال . بعد ما تكملي الكمية كلها اقليهم وعسليهم ورشيهم بي الجنجلان محمص وشهية طيبة اتمنى تجربوه لانو يجي مقرمش ويدوب فالفم.

[فتاة+نينجا]

merci bcppp t3aydi b sa7a

[wala]

جاك تحفة بارك الله فيك

[مليكة 1434]

قريوش روعة

[صوفيا27]

ماشاء الله رووووووعة

[&ام ايوب&]

يعطيك الصحة ختي القريوش خرج روعة

[أم فاطمه]

السلام عليكم اخواتي الكريمات سريرت بمروركم وتشجيعكم الجميل
شكرا ننجا ومليكة وصوفيا وام ايوب و،wala تحياتي

[fati13]

ماشاء الله يعطيك الصحة بنت بلادي وصح عيدكم

[أم فاطمه]

السلام عليكي اختي وبنت جوهرت الغرب الجزائري شرفتني بدخولك و تعليقك الجميل
تعيدي بالصحة وكل عام وانتي بخير تحياتي

[أمنية غفران]

يا سلام و أخيرا القريوش التلمساني راهو قدامي اممممممممممممممممممم

يعطيك الصحة ام فطوم و في ميزان حسناتك

تعيشي

[أم يوسف2]

صحيتي اختي لوكان وريتيلنا الخطوات
ماعلاباليش علاه ماينجحليش وحد الخطرة درتو فدارنا خاوتي هبلوني هههه قالولي وش درتيلنا زلابيةخخخ من هداك النهار مازدتش درتواخخخخ

[زهرةالعمر]

يعطيك الصحة

[أم فاطمه]

السلام عليكي ام يوسف ريحا تنجحي فيه اختي برك تبعي المقدير كما رهم مكتبين اناعبرت بالكاس تاع قهو حليب يعني الكمية صغيرة
تقدري تخدميها حاولي و بي التوفيق

[أم فاطمه]

السلام عليكي زهرة شكرا على مرورك تحياتي

[marwa2015]

شكرا لكم كنت نحوس على الوصفة القريوش التلمساني نجربو ان شاء الله الف الف شكر لكم