ربي يعاونك اختي ... شوفي بالنسبة للتشاراك والعرايش والكعيكعات ... هاذو كامل كي ديري عبر عجينة ماكيش رايحا تكملي 1 كيلو لوز ولا كوكاو .... تحبي ديري عجينتي .. هايلة وماتيبسش ... احكمي 1 كلغ فرينة وفرغيه في القصعة وزيدي 2 م ك سكر ناعم . 1 م ص فاني و500 غ زبدة طرية وبسي بين يديك مليح مليح حتى ترملي كامل الفرينة لمي بالماء وماء زهر حتى تتلم عجينتك لا زم تكون مليحة ماشي جارية وماشي يابسة ... عندكي اجريها رايحة ماتصلحش . المهم هذي العجنة يجي بها التشاراك والعرايش و الكعيكعات . والحشو ديريه يطيب خير باش ما يبسش ديري 1 عبر سكر في كسرونة و زيدي عليه 1/2 عبر ماء كي يبدة يغلي الرمي 1 م ك زبدة و 3 عبار لوز مطحون و 1 م ص نتا ع مركز ماء الزهر لي جي قرعة صغيرة يدير 100 دج مخلطة في 1 م ك ماء . و كي يطيب القاطو اقلاصي ولا سكري .. كيما تبغي ...
المهم الحشو عندك 800 غ لوز تكفي وتوفي باش ديري هذا العبر .
وبالنسبة لمقروط اللوز أنا درت 500 غ لوز دارتري 30 حبة ... درت مقروط اللوز على شكل بيضة .. ونفس الشي بالنسبة للمقروطات ..
ومقروط اللوز هاذي مقاديرو 3 عبر لوز + 1 عبر سكر نقصي قد 1 اصبع ... وزاست قارص أصفر .. كل 500 غ اعمليلها 1 م ك نتاع زاست + 1 بيضة كاملة وصفار بيضة تبلي بالشوية حتى تتلم .واشعلي الفرن 150 ودخليه ثم ثم واحسبي 10 د لازم يخرج ابيض خليه يبرد واغطسيه في سيرو خفيف ورمديه في كيس مملوء بالسكر قلاصي وخليه حتى ل15 د رايحا تخرجيه مرمد مليح مليح ...
انشاء الله نكون عاونتك بشوية ... ربي يعاونك ... سلام
لمقروط البيضة اذا بغيتي اديريه وما عندكش لمول ديري بالبيضة نتاع كيندار
( تقرير عن مشاركة سيئة )، و الموجودة أسفل كل مشاركة .
2014-05-29, 15:49
يا خواتاتي يعطيكم ما تتمناو ادخلوو تعيشووو
العرض العادي
