مساعدة فيما يخص ماكنة الخياطة

وردة زمن · 2013-01-21, 14:09

السلام عليكم ورحمة الله تعالى وبركاته
حابة نشري ماكنة خياطة وليست لدي اي خبرة ولا اعرف الانواع الجيدة من السيئة
اريد من كل الاخوات التفاعل معنا في هذا الموضوع ولو بنوع الماكنة
واخيرا ماهي اهم النصائح والارشادات التي يمكن ان اتتبعها عند الشراء
انا انتظر كل مشاركاتكم ونصائحكم مهما كانت وشكرا مسبقا

وردة زمن · 2013-01-21, 22:29

انا بامس الحاجة لهذه المعلومات مهما كانت

ساندي 28 · 2013-01-21, 22:37

اشري اندستريال سانجار راهي فور واحسن نوع في السوق بصح شوي غالية تدير 2.5 ولا 3 مليون تقريبا يخدمو بيهم الخياطات في لاتولي اختي تستعملهم وهايلين

أنوثة شرقية · 2013-01-21, 23:19

ام نجم نصيحة موفقة كنت راح ننصحها بيها لاني انا خياطة ومستعملتها هايلة وتدير كلشي. خياطة طرز سيرفيلاج .كللللشي هايلة وهي من افضل الماركات

مـــيار · 2013-01-21, 23:22

اقتباس:

المشاركة الأصلية كتبت بواسطة أنوثة شرقية

ام نجم نصيحة موفقة كنت راح ننصحها بيها لاني انا خياطة ومستعملتها هايلة وتدير كلشي. خياطة طرز سيرفيلاج .كللللشي هايلة وهي من افضل الماركات

ممكن تحطيلنا صورة ماكينة و ثمنها من فضلك

ام مريم اسراء · 2013-01-22, 14:16

اقتباس:

المشاركة الأصلية كتبت بواسطة omnadjem.10

اشري اندستريال سانجار راهي فور واحسن نوع في السوق بصح شوي غالية تدير 2.5 ولا 3 مليون تقريبا يخدمو بيهم الخياطات في لاتولي اختي تستعملهم وهايلين

نعم انا شتريتا في راس السنة - سانجير لكن تراديسيونال بمبلغ 20000 هي جيدة لكن متعملش السورفيلاج اذا كنتي مبتدئة مثلي و تستعمليها لاغراضك الخاصة -هاوية انصحك بها .... حتي طريقة تشغيلها وجدتها في اليوتوب و لم يستغرق تشغيلها الا ساعة مع اني اول مرة اضع اصبعي على مكنة خياطة منذ ولدت

ويناروز · 2013-01-22, 14:55

اختي ام نجم الماكنة الصناعية تاع ورشات

وتبانلي شوية صعيبة وتحتج مكان يعني هذا راي على كل

ام مريم اسراء · 2013-01-22, 16:43

فعلا اختي نيروووووووووز هنا في الشهر الماضي جابلي زوجي مكينة صناعية ثقيلة جدا و صدقيني مقعدتش في بيتي اكثر من ربع ساعة و الكاميو الي جابها رجعها خوفني استعمالها وموتورها تقولي حفار هزلي داري خفت يشكيو جيراني بيا وانا ساكنة في بطيمة ....... المهم لما شفتها تقول شفت صحن طائر جاي من الفضاء و كيما قتلك شريت ماكنة على قدي و قد يديا لكن انا منيش خياطة بل مجرد هاوية